ابتلعت تلك الحبة و نظرت له و كان مبتسماً وما هي إلا دقيقة حتي بدأ السحر
تذكرت كل الأحداث الفائتة ...
في ذلك اليوم عندما كنت أنا و يحي نتكلم علي كورنيش النيل نناقش مصيبتنا إذا بسيارة وقفت أمامنا وخرج منها ذلك الرجل الغريب و قدم إلينا
" طبعاً مستغربين .. أنا مش بوليس و متستغربوش إني أعرفك يا ماجد و أعرفك يا يحي و أعرف خالد الله يرحمه ، أنا أعرف كل الناس و أعرف أوصل لأي حد ... أنا الجوكر " الرجل الغريب
كنا إحنا الإتنين متفائجين مصدومين من اللي حصل و لكن أنا قطعت الصدمة و سألته " انت مين و عرفت توصلنا إزاي و عايز إيه " أنا و بتعصب و قلق
" متتخضش يا ماجد ، أنا معايا مفاتيح كتير ، أنا كنت مراقب بحثكم ، الحالات اللي كان عليها الأبحاث في المستشفي .... اليو ... تقدروا تعتبروني ممثل لمنظمة بتعمل في تجارة المخدرات ، سمعنا عن اليو ، و يهمنا فيها حاجة انتو بالنسبالنا تغلبتو بيها علي الطبيعة ، إدمان اليو
أنا هتكلم معاكم بوش مكشوف ... عرض العمر ، كل واحد منكم أربعين مليون جنيه في مقابل إنكم تعملولنا اليو في المعمل بتاعنا ... كل اللي بنحلم بيه اليو دي كمادة مخدرة و سريعة الإدمان و هنوفرلكم كل الظروف اللي هاتساعدكم ، و قضيتك يا ماجد هتنتهي قبل ما تبدأ " و سابلنا الكارت بتاعه ، بدون اسم فقط رقم موبايله
يحي " يا ماجد شفت اللي بيحصل ، الموضوع بيخرج عن إدينا ، ببخرج عن السيطرة ، الكارت ده لوحده بس بتأبيدة ، بداهية "
" أنا دماغي بلف يا يحي ، أنت فاكر راجل زي ده ممكن يسيبنا في حالنا "
يحي " احنا دكاترة يا ماجد ... كل أبحاثنا دي كانت عشان نقدم الخير للناس عشان نستحق جايزة نوبل في الطب ، تعالي معايا البيت و بكرة هنروح القسم ، مركز الشرطة ، هنوريهم الأبحاث و فيديوهات الحالات و إن شاء الله هيراعو كل ده "
روحنا بيت يحي .... معرفتش أنام من التفكير ، و اتحججت اني هجيب حاجة من الصيدلية و نزلت و لم أعد
كلمت الجوكر و روحت قابلته ، قولتله إني مستعد أشتغل معاه ، مش عايز أربعين مليون أنا عايز عشرين مليون و هشرف علي الإنتاج بنفسي
قولتله إني محتاج ست رجالة مسلحين و عايز سلاح عايز أقتحم مبني الشركة عشان أجيب الأبحاث بتاعتي و المادة اليو حبوب اليو الموجودة في المختبر
و بالفعل اتفقنا و انطلقت أنا و الرجالة الستة في اتجاه الشركة .. عارف إن بليل أحسن وقت للإقتحام بسبب توقف العمل ليلا فمتوقع إني مش هلاقي حد غير حراس الأمن ، طبعاً مش هيسمحولي أدخل لإني اتفصلت وكمان ده مش وقت شغل ... فلابد من إقتحام الشركة بالقوة
أنت تقرأ
the UO
Science Fictionثلاثة شباب يخترعون مادة تسمي اليو تحفز نشاط الدماغ و تزيده لأقصي حدوده .. يكتشفون أثارها الجانبية الحادة التي يتعرض لها ماجد مذكرات ماجد الذي أدمن اليو و الذي يحاول إكتشاف الأحداث و يتذكر كيف تطورت معه الأحداث ليصل لتلك المرحلة القصة محتاجة شوية ترك...
