ذكريات من الماضي الجميل

برائتي من القتل

وصلنا اتهموني بقتل حيدر وخلوني بالتوقيف
...
دخلني المفوض للتوقيف شفت كل شباب المنطقه جامعيهم 11واحد
سيد علي..شجابك ولك اه رجليا موتوني بالفلقه
شيرزاد..اي جانت الكعده ناقصتك هههه اخ يابه ضهري موتوني بالكيبلات
امجد.. صدك ضحكت من شفتهم مكتولين مجنت اعرف شنو ينتضرني بالليل انفتح باب التوقيف
المفوض ..وين امجد
امجد..نعم اني
المفوض..كوم ويايه
كمت كلبج اديا وره ضهري دخلني للغرفه الي كبال التوقيف عرفة مدير المركز  الي هو جان شرطي فاسد والمساعد مالته نقيب جان مصارع اعرفه ويعرفني افسد منه واكو شرطي خبيث كان من القريه ويحب بنت خالته معلمه بكركوك بنت خالته متحبه كانت تحب صديقي وتركها صديقي بيوم التقت بيا جلبت تحجي ويايه تسئلني ابن خالتها لاحكها شافني عباله اني عندي علاقه وياها اجه يتعارك ويايه كتلته صارة عداوه من دخلت المكافحه هو شرطي بيها المدير والمساعد وهذا الخبيث اذوني بالتحقيق اول شي دخلوني للمدير
المدير..انت امجد
امجد..نعم اني
المدير..احجيلنا شلون كتلت سايق التكسي وكتلت حيدر
امجد..يعني لو اني قاتل اجي اسلم نفسي لو انهزم
المدير..انجب وضربني راشدي صح هو اضحم مني بس ضربته محسيت بيها مال واحد مخنث
المساعد جان مصارع من ضربني راشدي تاذيت بس اني متعلم لان الملاكم مو بس يضرب ينضرب مرات
ربطو عيوني واخذوني لغير غرفه جتفوني ونوموني يمكن 3 لو4 شرطه هوايه اصوات بس ميزت صوت المساعد والشرطي الخبيث مددوني ربطو رجليا بقوه وربطو بيها اسلاك
الشرطي..سيدي ابده
المساعد..اي انطيه كهرباء
اني من مر التيار بجسمي احسه تركز براسي لااراديا راسي كام ينضرب بالكاشي بقوه واحد من الشرطه خله حذاء جوه راسي علمود لا اتاذه احس جف حلكي وتشككت شفافي وكفو الكهرباء
المساعد..امجد احجي شلون كتلتهم
امجد..بالكوه كدرت افتح حلكي كتله مكاتل واحد انتو غلطانين احس عطشان وحلكي يابس من الكهرباء اجه واحد رفع رجليا بدوه يضربوني اسفل رجلي احس بالالم بس جنت مصمم اتحداهم مصيحت من زاد الالم فقدت بديت اسب بيهم واغلط همه زاد الضرب على وجهي ورجليا وبطني كل جسمي بعدها محسيت الا اني بالتوقيف واحد شقي الاسكان صديقي اسمه ناضم كان بالتوقيف بتهمة ضرب شرطي
امجد..اني وين
ناضم..ها صديقي الحمدلله على سلامتك
امجد..عطشان
ناضم..صار
امجد..شربت مي بديت اعيد الي صار بس احداثها مغوشه كانه تعرضت لرجه بالدماغ مثل ماصاير بيا قبل بالملاكمه من وكعت بالقاضيه راسي ياذيني كلش ومورم بسبب الضرب على الكاشي صحيت زين اباوع شباب المنطقه كلها مطلعيهم بقوني لان اخر واحد شاف حيدر اني بقو يعذبون بيا 3 ايام اني مالزم لساني اسب واغلط من يضربوني ونفس السيناريو ينعاد يضربوني ويغمى عليا قللت جنت مصمم على البرائه لان فعلا بريء ليش اعترف على شي ممسويه زين اذا ضعفت واعترفت من الكتل جايز اهل المكتولين ياذون اخوتي والدي رايح مقابل مدير الشرطه الجريمه جانت غريبه مدير الشرطه بنفسه اجه حقق ويايه مجنت اعرف هو مدير شرطه بس صوته وكلامه كان مسموع بالغرفه عرفت هو رتبه عاليه جانو رابطين عيوني من كلامه عرفته شي جبير كتله انتو تستخدمون اساليب الضرب مسئلتوني وفهمتو اني بريء لو مجرم اني جان عندي خطار من بغداد وجانو كاعدين بالحديقه من اجه حيدر ودك بابنا وطلعتله متلثم لان مستحي مزين شواربي وشعري علمود البكلوريا وشاوفوني تشاقيت وياه وسديت الباب ورجعت اقره مطلعت لثاني يوم اجوي اصدقائي كالو حيدر مكتول جيبو شهودي واذا اختلف كلامي يعني اني قاتل زين حيدر جان شايل جنطته يلتحق معقوله رايح يبوك ماخذ كليجه وياه
المدير..ابني انت ياصف
امجد..سادس علمي ومبقى شي للامتحان شهر واحد وبعدني نص المناهج ممكملهن
المدير..سجل افادته وباجر تصعده قاضي  سمعتو باجر اتصل الصبح تكولولي صعد قاضي اسمع كام والتحيات وطبات رجليهم تركع صدك ارتاحيت
رجعت للتوقيف ثاني يوم صعدت فاضي انطاني افراج لعدم كفايه الادله بالتوقيف صارة عندي تجارب تعلمت منها دروس الناس مرات تمشي بالصيت جابو 3 كصابين كاتلين واحد خلاص ماعرف السبب شغلة ثار لو شرف جانو شباب بعمري اثنين اخوه وابن عمهم الصغير بيهم جان وسخ يدخن ويشمر كطوف حذرته اول مره ثاني مره متحملت كمت ضربته اخوه وابن عمه وكفو يريدون يتعاركون اني هم انطيت ظهري للحايط استعديت وكف بينا ناضم شقي الاسكان كللهم بالكردي دانشه اكعدو انتو 3 كتلتو واحد هذا بحده كاتل 2 الله عالم شكد كاتل اشو همه صدك خافو وكعدو مع العلم اني بريء خافو من الصيت واتعلمت اترك المشاكل لان تخلق عداوات مالها مبرر وثالث درس طلعت الليل تركتها والي عجبني اكثر شي وحسسني بطيبتنا اهلنا وروح المحبه من المدير استدعى اهل حيدر امه وابوه علمود يسجلون دعوه ضدي اني قاتل ابنهم جانت غرفة المدير باب التوقيف سمعت ام حيدر تكول للمدير اذا ابني حيدر راح ابني امجد ماريده يروح هذا بريء من دم ابنا كلش ارتاحيت بس زوجة سايق التكسي قدمت شكوه بعدين احجيلكم شلون طلع الها ضلع بالجريمه بقتل حيدر وزوجها
طلعت تلكوني شباب وزلم المنطقه يسلمون عليا حتى بنات المنطقه دخلت تلكني بيت اهلي ونسوان المنطقه جانت شعبيه وكانت محبه بينا والفه بدلت وغسلت رحت اخذ العزه من اهل حيدر تلكتني امه تبجي وحضنتني بقى لغز الجريمه من غير حل دخلت الامتحان الي مريت بيه اثر عليا كلش جبت معدل قليل ميدخلني للكليه الي اريدها 78 نصحوني ولد عمي ادرس هندسه على نفقة وزارة الدفاع اتخرج ضابط مهندس قدمت للكليه الفنيه العسكريه وانقبلت وبده الدوام وسلمونا جنط مال طلاب الكليه وبدلات نزلنا لابسين البدلات من نزلت تلكوني الجهال ركضو يبشرون امي
..
اسماء ..جنا جوارين امجد سمعت نزل طلعت اركض لبيتهم انتضرته بالطرمه اباوعله يمشي طول ورشاقه فدوه لو بيدي اطلع اخذله تحيه واحضنه
نسيت اعرفكم بنفسي
اني اسماء اصغر من امجد بسنه طويله رشيقه ماخذ طول والدي وجمال والدتي والدي جان شيخ عشيره ومتزوج 4 نسوان بس يحب والدتي جانت كلش جميله تركمانيه اشتر الها بيت بكركوك بصف بيت امجد اول منزلنا وشفت امجد ضجت منه خشمه يابس يفوت ميباوع بعدين من عرفته حبيته بس مصارحته الا من دخلت الكليه وكام هو ياخذني لبغداد متحملت نضرات البنات اله صارحته بحبي من نزل اول مره امه طلعت تتلكاه وخواته واخوته اني بينهم جنت اريد احضنه وابوسه مثلهم بس استحيت تقدمت سلمت عليه
اسماء..هلو امجد الحمدلله على سلامتك همزين نزلت عفيه اربدك تدرسني
امجد..هلو سوما بسيطه بس اودي ملابسي للمكوه واجيب غراض من السوك وارجع ادرسج اختي
اسماء..عابت غبي ميحس خرب امجد عفيه مشتاقتلك بسرعه ارجع
امجد ..صار سوما
اسماء..جانو بدلع
امجد..شنو معناتها
اسماء ..ماكول وتضحك
رحت جبت غراضي وديت ملابسي للمكوه ورجعت لكيت اسماء تنتضرني بحديقتنا كاعده على المرجوحه وكتب بحضنها
امجد.. هلو سوما دقايق ابدل واجيج
اسماء..جانو لاتتاخر
امجد..شنو معناتها
اسماء..ما ماكولك يلا بسرعه منتضرتك وتضحك
بدلت تراك وصبيت استكان جاي لنفسي وجبت كرسي للحديقه واجيت
اسماء ..واي جانو هذا الي الجاي
امجد..شنو ليش الج بيا مناسبه
اسماء..واي جانو شكد بخيل من تكول جانو بدلع وهي صغيره
امجد..احتركو عشيرتج شنو جانو
اسماء..بدلع وترفع جتافها ما ما ماكولك
امجد..يلا شتريدين اشرحلج ساعه بس الج عندي هوايه شغلات
اسما..جانو والله مشتاقه لصديقي امجد
امجد..هسه غير اعرف هاي مسبه فشوره جانو
اسماء..ما ما ماكولك
امجد..خوش بعد شوفيلج مدرس غيري بعد مادرسج
اسماء ..واي جانو ينطيك كلبك
امجد ..شوفي اني منايم وتدريب من الفجر احسن شي البسج واروح اكمل شغلي كمت اشوفج اثنين بنزال ملاكمه
اسماء..اول مره الزم ايده واي جانو عفيه لاتتركني والله والله اشتاقيت لصديقي نزلت اغنيه تجنن لعمرو ذياب
امجد..عود اسمعيها وغنيها الي بالتلفون طفيت بعد حتى شغلي مراح اكمله كمت ورحت للبيت انام
ثاني يوم صارة هوسه مكان الي انقتل بيه حيدر كالو المكافحه جايبين القتله يصورون جريمتهم
...
انتضر ارائكم استمر لولا
....
للحديث تتمه
#امجد