وصلنا جابو المجرمين يسون كشف دلاله ويصورون جريمتهم شلون كتلو سايق التكسي وحيدر وشنو السبب
...
زوجة سائق التكسي المغدور مع حيدر عدها علاقه بواحد ابن شارع متفقه وياه يخلصها من زوجها ومتفقه انها تطلب من زوجها يوديها للقابله تضرب ابره هي تدخل للقابله تضرب ابره زوجها طبيعي ينتضر بالسياره باب القابله يجي عشيقها حسب الاتفاق يقتله وياخذ سيارته حتى تكون سرقة سياره الجريمه وميشكون زوجته الها يد حيدر الله يرحمه كان جندي اجه يلتحق بعد ما مر عليا يسلم تمشى لراس الشارع يم بيت القابله شاف تكسي واكف راح عليه علمود يستاجره المجرم واخوه كانو قبل ميتقرب حيدر هم صاعدين بالسياره وساحبين مسدسهم على السايق اجه حيدر شافهم خافو يتعرف عليهم من متقرب يريد يستاجرهم مصعديه وياهم ماخذين السايق وحيدر قاتليهم وتاركيهم بالسياره لان السياره كانت قديمه متسوه واحد يبوكها اصلا فعلا الشرطه داخت بالجريمه حيدر شنو الرابط ويا السايق الله ظهر الحق وقتها هوايه اشاعات سمعناها عني وعن حيدر مره الناس يكولون امجد وحيدر عصابه واختلفو وقتل صاحبه مره حيدر لزم امجد ويا اخته وتعاركو وقتله هوايه اشاعات هاي التجربه علمتني ماحكم الا بالدليل ماامشي بكلام الناس
...
وراها اني انشغلت بدوامي ودراستي صعبه كلش انزل يادوب الحك اودي ملابسي غسل وكوي واجيب غراض الي احتاجهن وشويا اكعد باب البيت ويا زلم المنطقه ابو اسماء الشيخ من يشوفنا نلتم ونسولف يجي يجيب كرسيه ويانا اني كمت احب سوالفهم للشياب كلها خبره الي حتى نكاتهم وامثالهم ابقى ساكت ومبتسم جانو الشياب مدير اعداديه متقاعد مدير حسابات متقاعد وابو اسماء شيخ عشيرته والدي موظف متقاعد واني اصغرهم
...
جنت انتضر الخميس ابقى رايحه جايه بالحوش انتضر امجد ينزل كل شويا اباوع من فوك الباب بحجة اقره اتمشي بالكراج شكد مكروه وبارد معقوله ميحس بيا لو عنده وحده باله شاغلته اكيد هو من يلتحق طالبات المنطقه الي يدرسن بغداد يجن عليه ويروحن وياه هاي دعاء شكد مكروها جنت اعرفها من جانت طالبات عدها علاقات اؤف شوكت تصير ب4 ويجي هذا وقته
..
تقريبا وقتي اوصل للبيت ب4 تعلمت اول مااوصل لبابنا تتلكاني اسماء بابتسامتها البريئه هم وصلت للباب تلكتني اسماء
اسماء..هلو جانو همزين اجيت
امجد..شوفي اذا كلتيلي دراسه اموتج والله ابوج عنده كومة فلوس خلي يشوفلج مدرس
اسماء..بس اني مافهم الا منك جانو
امجد ..احتركت عشيرتي روحي لا اكسر عصا التبختر عليج يلا منا
اسماء..بدلع واي جانو شبيك عصبي متحب تقريني
امجد..سوما الله يستر عليج تعبان والله خلي الحك اودي هدومي غسل وكوي وارجع
اسماء..ترجع تدرسني عفيه هي مسئله مافاهمتها
امجد..عليج الله بس وحده ميخالف تدللين يابنت الشيوخ
اسماء..واي فدوه اروحلك جانو
امجد..لاعبالج عرفت معناها للكلمه كاعده تتمجقلين براسي وضحكنا دخلت على السريع اخذت ملابسي للمكوه رجعت لكيتها بالحديقه مالتنا خرب مارتاح منج
اسماء..راح ابقى طول عمري الحكك وراك وراك
امجد..دقيقه ابدل وجاي بس مسئله وحده ماكو غيرها
اسماء..اي ميخالف
امجد..ماعرف ليش ممرتاحلج يلا دقايق دخلت اكلت كليجه وصبيت استكانين جاي وطلعت للحديقه
اسماء..واي جانو واخيرا صبيت الي جاي
امجد..لا هذني الي واحد اشربه ويا الجكاره والثاني اشربه من لغوتج
أنت تقرأ
ذكريات من الماضي الجميل
Romansانا لست بسياسي معروف او فنان او عالم انا رجل اربعيني كنت ملاكم مغمور اخذت بطولة العراق 88 لوزن54 لفئة الشباب وبعدها اعتزلت انشغلت بالدراسه والعمل سابقا الاهل يعلمون الشاب الرجوله ويعلمونا الاخلاق ان نساعد الضعيف حتى لو كان غريب لانعرفه طيبة القلب وا...
