ذكريات من الماضي الجميل

بارت6

وصلنا قررنا نخطب اسماء والدي كان مسافر عمي الجبير موجود رحنا اني وامي وعمي المنطقه كلها جانت تتمنى نخطب بس القلب وما يهوى
...
استقبلنا ابو اسماء وام اسماء
وكعدنا نسولف عمي فتح الموضوع ويا ابو اسماء اشو هذا ولا عبالك شيخ ولامنطق شيوخ حتى لو يرفض كان المفروض بادب يرفض مو يتعصب ويعاملنا بتكبر وغرور عمي حيل عزت عليه اشوفه انقهر اخر شي مثل الطرده صارت طلعنا بس وصلنا لبيتنا عمي اتخربط اخذته وركضت بيه للمستشفى امي وزوجة عمي ويايه يدكن ويلطمن كالو جلطه بالدماغ صاعد ضغطه اجوي اخوتي وعمامي التمو ولد عم ابويا مطول عمي توفى اني كمت اشيل نفسي والطخها بالكاع لان اني السبب وابو اسماء الحقير الي عاملنا بتكبر
..
من اجه امجد وعمه وخالتي فرحت والدي من طردهم اني كمت ابجي وكتله ليش هيج سويت عو جان مدللني لان يحب امي واني الوحيده منها احس ابويا تغير اجه ضرب اني وضربتي موتني كتل
...
وره ما توفى عمي صارة عداوه بينا ومشاكل وحقدت على ابوها ماريد اذكر تفاصيل والدتي زعلت مني كمت مانزل لكركوك علمود مالتقي باسماء ولا اشوف ابوها شالو اهلي من المنطقه لبيت جديد وبقى بيتنا فارغ اني بس جنت اخطط التقي بابو اسماء واكتله لان هو السبب بموت عمي  جنت اخذ اخبار بيت اسماء من دعاء تخابرني وتنطيني اخبار ابو اسماء لان جنت مصمم على الانتقام بيوم اني بيت اهلي اتصلت دعاء

دعاء..هلو امجد ابشر
امجد..شكو
دعاء.. غريمك مات موته بشعه
امجد..شنو قصدك
دعاء ..ابو محبوبتك سكران ومكلوبه بيه السياره
امجد..شلون وين
دعاء ..مادري بس سمعنا حس عياط وراحو ولدنا كالو مكلوبه بيه السياره وميت
الصراحه اني تخبلت جنت اريد انتقم منه بيدي بس القدر سبقني اسماء طلعتها من بالي نهائي بعد الي صار من ابوها دعاء وصلتي خبر ابن عمها قصي عاقد عليها بس يتخرجون يتزوجون
بده الدوام اني صرت مرحله رابعه شيرين كامت تجي ويايه جنا نخلي الجنط بشقتي نروح نتعشى ونفتر ونرجع اوصلهن وصلنا للنهضه اجرت تكسي صعدنا سمعت جانو عرفت اسماء التفتت
..
اسماء بعد ماتوفى والدي بده قصي يوصلني جنت مرحله ثالثه امجد مشفته من يوم المشكله وفاة عمه والمشاكل حاولت اتصل بيه مكدرت انتقلو اهله بيوم وصلنا تونا للنهضه شفت امجد ويا شيرين ودعاء المكروها متحملت من ركبو تكسي بحجة احجي ويا قصي كلت جانو التفت بس الدموع بعيوني من القهر
وصلني قصي للقسم الداخلي ورجع بنفس اليوم لكركوك اني جنت اندل قسم الداخلي مال شيرين رحت هي ماكو كعدت انتضرها لحد ماصارة ب10 بالليل اجتي
اسماء..هلو شيرين
شيرين..هلو اسماء شعجب شعتب لو مو قسمك عن قسمي 50 متر
اسماء..اسفه تعرفين ماطلع من غرفتي علمود الدراسه
شيرين ..اتفضلي حبيبتي
اسماء..وين جنتي ليس اتاخرتي
شيرين..ليش
اسماء..شفتكم العصر انتو وامجد بالنهضه ويا دعاء
شيرين..اي رحنا تعشينا وافترينا ورجعنا
اسماء...اريد اشوف امجد محتاجته
شيرين ..اشو كلها تحتاجه دعاء اليوم جلبت محتاجته ههههه
اسماء..شنو عفيه احجيلي وين راحت وياه شنو حجت
شيرين..ماعرف رحنا خلينا الجنط بشقة امجد واجه سيد علي رحنا تعشينا دعاء كعدت ويا امجد مافهمت شي
اسماء ..اريد دليني على الشقه الصبح
شيرين..باجر دوام
اسماء ...وره الدوام نروح دليني عفيه
شيرين ..بسيطه تدللين
ثاني يوم اخذتني دلتني على الشقه ثاني يوم رحت سئلت جيرانهم كتلها ابن عمي امجد كالت مرات يجي الضهر من دوامه ومرات الخميس والجمعه يبقى كتبتله رسائل جوه الباب وطلبت يجيني للكليه للخميس ماكو رحت انتضره باب الشقه
...
امجد هذا الاسبوع مكدرت انزل ابد نزلت الخميس مرحله رابعه صعبه قررت ابات بالشقه والتحق السبت الفجر مرتاح وشابع نوم وصلت لباب الشقه لكيت اسماء
امجد..شكو ليش جايه
اسماء..واي جانو ارجوك افهمني
امجد..ماريد افهم شي يابنت الناس انتي باعتبار متزوجه هسه وصارة مشاكل بينا ارجوج ابتعدي
اسماء..ارجوك تسمعني كامت تبجي بهل الاثناء اكو جار صعد هو وزوجته شافنا وهي تبجي اضطريت ادخلها للشقه
اول مدخلني متحملت حضنته وكمت ابجي على صدره
من حضنتني رجعلي الحنين الها ردتها تطول بحضنتها الي رحت بغير عالم تذكرت شكاعد اسوي دفعتها على كيف كتلها اسف ارجوج اسماء ابتعدي انتي عاقده على ابن عمك الي بينا انتهى يلا غسلي علمود اوصلك للنهضه تلحكين ترجعين تاخر الوقت
اسماء..اتصلت بوالدتي كتلها راح ابقى بالقسم الداخلي خميس وجمعه
امجد..اوك غسلي وارتاحي راح اجيب غده نتغده وارجعج للقسم الداخلي
اسماء..ماروح للقسم الداخلي روح جيب غده علما اسبح
امجد..تتغدين واوصلك يلا غسلي اسبحي نازل اجيب غده
نزل امجد دخلت اسبح وبدلت تراك وردي كان امجد  يحبه طلعت الشقه ماكوللكم كلش وسخه كعدت ارتب كلت وره الغده انضفها فتح الباب امجد جايب علاليك الغده ومسواك شافني بالتراك الوردي تفاجأ دنك راسه وانطاني العلاليك دخلت للمطبخ مواعين معفنه
اسماء..جانو من تجيب دعاء للشقه ليش متنضف
امجد..شنو دعاء متجي منو كلج تجي
اسماء..مو شفتها وياك بالتكسي 
امجد..اي جانت محتاجه مني خدمه وشيرين ويانا ورحنا تغدينا وكلتلي شغلتها ورجعتها للقسم  اني راح ابدل واسبح علما تحضرين الغده تره جوعان كلش
اسماء..اوك تحب احضرلك ملابسك
امجد..لا شكرا فتحت حقيبتي عزلت ملابس الي اوديهن مكوى وطلعت ملابسي الداخليه وتراك اسبح والبسهن ماعندي وقت اودي ملابسي واشتري الي احتاجهن وارجع اقره اريد
دخلت سبحت وبدلت طلعت لكيت الصاله تفتح النفس والاكل مفروش كعدنا تغدينا
امجد..يلا عيني حضري نفسج ارجعج للقسم الداخلي وجودك غلط هنا
اسماء..تعرف تسد نفسي كتلك ماريد ارجع
امجد..اسماء انتي متزوجه انتهت قصتنا اني وياج
اسماء..واي جانو تعرف والدي زوجني غصب اني ماريد بالكون غيرك وتبجي
امجد.. من تكول واي جانو اضعف فدوه لاتبجين بس والله ميصير
اسماء..جانو بس اليوم ابقى يمك
امجد..وباجر ترجعين للقسم
اسماء..اي ارجع
امجد..تباتين بالغرفه وتقفلين على نفسج الباب واني انام هنا بالصاله راح اطلع اخذ ملابسي للمكوى واشتري غراض وارجع اجيب عشا
اسماء..جانو حبيبي انتضرك
كملت غسلت اخذت ملابسي بس بداخلي اعرف هل الشي غلط وراح الكل يحجي تصرفك غلط لان جنت مو صغير ولا مراهق بس ماعرف شنو كان الي يخليني اضعف اعرف الشي الي سواه ابوها بينا مو قليل شكد جنت حاقد احس راح حقدي بلحضه من حضنتني وتبجي طلعت وديت ملابسي واشتريت غراض ورجعت جبت عشا للشقه مالتي دخلت الشقه صايره تجنن نضيفه المطبخ غرفتي دخلت لكيت اسماء نايمه سديت الباب وكعدت بالكاع ضهري للقنفه ادرس من التعب غفيت ماعرف شكد وفزيت جوعان هاي بعدها نايمه غطيتها واكلت كليجه مال والدتي وجاي ورجعت ادرس محسيت الا هي ورايه صاعده على القنفه وحضنتني من وره وجهه يم وجهي وشعرها السرح على يداعب وجناتي وانفاسها وعطرها
من طلع امجد نضفت الشقه وبدلت وتمددت انتضره نمت كعدت لكيته بالكاع كاعد يدرس ضهره للقنفه كعدت وراه وحضنته جرني لحضنه باسني من شفافي وبعدها فقدنا الشعور بالعالم حسيت
من حضنتني جريتها متحملت بقينا دقايق راسها بحضني ونتباوس فجأه وكفت وخرتها
امجد..يلا كومي حضري العشا تلكيه على الكاونتر
اسماء..واي جانو بس جوعان خلينا شويا
امجد..كومي تره من الجوع مستعد افترسج
اسماء..يلا افترسني
امجد..دفرتها وكمت ليش بيج لحم افترسج كومي سوي العشا يتورط الواحد يحجي حجايه بنات اهر وكت
اسماء..كايمه شبيك همك بطنك
امجد..ورايه دراسه عفيه جاي اريد ساده اسود مو تذبين البثل وتبذرين اشمرج وراه حصار عدنا هذا البثل صارلي سنتين محافظ عليه
اسماء..واي جانو صدك لعبت نفسي
امجد..ارى رؤوس اينعت وحان وقت قطافها جريت الحزام وضربتها كامت تركض وتدردم هههههه
اسماء..جانو هذا بالشيشه زاهي بس ميوغف
امجد..يا شيشه تقصدين ولج بس لا تقصدين الزيت
اسماء..هذا زيت مال اكل
امجد..لا مال مكاين خياطه خرب ماعندي زاهي عندي تايت جوه بالكاونتر
اسماء ..اي فهمت
جابت العشا تعشينا 
امجد..يلا اكعدي ادرسي  واني اكعد ادرس روحي لغرفتي
اسماء..شبيك جانو خليني هنا
امجد..اهوووو لزمت الحزام وبدينا نتشاقه شويا
اسماء..تعال نطلع نتمشى شويا
امجد..مخبله مو عاقله وين نتمشى عندي دراسه شغلي تلفزيون اني اروح للغرفه اقره
اسماء..واي جانو ممشتاقلي
امجد..الصراحه اخاف تزعلين لا ماكول
اسماء..لا كول اكيد عندك حبيبه طبعا متشتاقلي جانو كامت تبجي
امجد..تالي كل شويا تبجين والله لغيت الحب من قاموسي كافي عيني صدكي مشتاقلج بس ميصير
اسماء ..جانو والله غصب عني ماكدر اعيش بدونك
امجد..انتي تزوجتي وخلص كومي عيني للغرفه وطلعيلي فراش طفيت
اسماء..جانو خليني شويا
امجد..كافي راح استخدم الحزام كامت احبها من تشمر باديها وتدردم بالتركماني
جابتلي فراش وبطانيه اخذنا جوله بوس دفعتها طلبت منها تقفل الغرفه عليها تمددت بس خليت راسي على المخده غفيت ماعرف الساعه بيش حسيت بليونه  ودفو بحضني وعطر اسماء جريتها لحضني اني نايم وفقدنا صحيت الصبح لكيتها بحضني نايمه مثل الملاك تركتها نايمه رحت جبت ريوك وجاي ورجعت على كيف دخلت علمود متفز سويت الريوك وحضرته اجيت بستها صحت تتمطى
اسماء..صباح الخير جانو
امجد..يلا كومي اتريكي
اسماء..كمت حضنته وبسته من خده وكمت اغسل
كعدنا جان يوم جمعه تريكنا دخلت سبحت واني سبحت ورجعت ادرس هي كل شويا تقاطعني لحد ماتغدينا كتلها يلا كومي اوديج للقسم
اسماء..ماريد اروح خليني هنا باجر اروح للكليه وارجع للقسم
امجد..اسماء اجه ابن عمج سئل عليج شراح يكون موقفج
اسماء ..يكتلوني الميت ميوجعه يموت مرتين هم كتلوني من غصبوني عليه
امجد..قنعتيني ابقي لعد
اسماء..جانو خلي نطلع نغير جو
امجد..ها يلا خوش فكره
رحنا لمدينة الالعاب افترينا عشنا يوم بفرح بس من اصفن انقهر لان اعرف راح يخلص وكلمن يروح بحاله مرات الاهل يجبرونا على الغلط ابوها الله يغفرله غصبها
...
للحديث تتمه
اسف اليوم كان انترنيت سيء عموم بغداد واتاخرت بالكتابه ياريت تنطوني رايكم استمر لولا
#امجد