ذكريات من الماضي الجميل

بارت7

وصلنا جنت مرحله رابعه واسماء مرحله ثالثه
...
اني تخرجت واسماء بقالها سنه تتخرج كمنا نلتقي بالشقه بيوم رجعت لكيت اسماء مصخنه وتهذي اخذتها للطبيب جان شتا وبارده هي صح طويله تقريبا طولها 168 بس وزنها خفيف 55 شلتها وركضت للطبيبه ضربتها ابره خافضه للحراره كالت افلاونزا وانطتني علاج رجعتها بعدها تهذي نومتها طلبت احضنها بقيت حاضنها ادفيها الصوبه مالتي تطلع غاز ماشغلها مزعجه شغلت هيتر
اسماء..واي جانو حلمت ميته لاتتركني ابد
امجد..لاحبيبتي ماتركج نامي ارتاحي هسه اسويلج سوب حياتي
كمت جبت دجاجه وسلكتها وخليت زيت شويا وبصل هذا الي اعرفه بس طيبه صارت وبيها نكهة برتقال ماعرف ليش المهم صبيت بماعون وطلعت فخذ فلسته وزلاطه اعجبكم اتفنن خيار وطماطه بس جبته الها اوكلها
اسماء..جانو مالي نفس
امجد..ازعل والله شنو ميعجبج اكلي وكلتها خاشوكه واكلت خاشوكه هو سوب دجاج بس اشو بيه نكهة برتقال ماعرف شي خطيه تاكل وتستحي اخر شي
اسماء..جانو اشو بيه طعم غريب وريحة برتقال
امجد..بعد ماخلصتي الماعون تعيبين تالي عمري اطبخ واتعب مو صوجج
اسماء..جانو بشنو طبخت
امجد..بالزيت
اسماء..واي جانو منين جبت الزيت
امجد..غير انتي مشتريته ومخليته بالشيشه فوك السنك مال المواعين
اسماء..شنووو واي جانو طابخ بالزاهي 
امجد..صدك هذا زاهي اني جنت اخلي الزيت بالشيشه بكيفج انتي تلعبين مخليه زاهي بس طيب تره ولو احس بطني وغفت ميخالف تره الزاهي مصنوع من مواد غذائيه ههههههه
اسماء..واي جانو راح اموت احس بطني بيه وغف
امجد..انتي سامعه واحد يسولوه غسيل معده اني هسه سويتلك غسيل معده اكلج باقي الدجاجه راح اضمها للعشا
اسماء..جانووو بعصبيه
امجد..شكو فززتيني شبيج كرصج شي
اسماء..واي جانو تريد تبقيها للعشا
امجد..اي قابل ابذر
..
قبل شهر من تخرجي حبيت ماضيع لحضه مع جانو لان بس اتخرج اتزوج وراح اخسره للابد عمامي صعبين مستحيل يخلوني انفصل عن قصي واتزوج غريب وفلوس والدي وبيوته واراضيه تطلع لغريب اني ماعندي اخوه بس اثنين وخوات ماعندي من والدي قررت اقضي اخر شهر مع امجد واموت نفسي
..
اؤف اعرف بس تتخرج تتزوج قصي وراح اخسرها
امجد..اسماء اعرف هذا اخر شهر النا عندي فكره
اطلعج لتركيا انتي وامج ومناك لاوربا واني هم انهزم
وهناك تقدمين طلاق ونتزوج
اسماء..ميخلوني امجد مستحيل عمامي يخلوني يكتلوني
امجد..ماستسلم ماتركج انتي النفس مالتي اختنك بدونك
اسماء..جانو قدرنا هذا اني ماتزوج قصي قررت حتى لو ابقى بلا زواج ماريد ورثهم
امجد..اه اسماء ليس مكتوب علينا نتعذب
..
خلص الشهر بس كأبه اثنينا هي تبجي واني بالدوام اروح واجي ماعرف شسوي  راحت اسماء لكركوك
احس روحي راحت دك تلفوني بالليل
امجد..الوو
اسماء..جانو حبيت اودعك
امجد..شنو قصدك احجي شنو تودعيني
اسماء..جانو راح اموت نفسي عمامي يكولون نذبحج انتي وامج لو تزوجين قصي
امجدد..مخبله لاتسوين شي بنفسج اني جاي هسه ارجوج
اسماء..جانو احبك وتبجي 
امجد..مخبله انتضري هسه جاي اني والله احركهم لعمامج وياج للموت
اسماء..لاجانو خلينا عشنا هاي السنتين كافي ارجوك انساني وانكطع الخط اتصل مشغول ركبت سيارتي لاهويه ولا فلوس وطلعت لكركوك بسيطرة الراشديه مسئلوني بالغالبيه الانضباط سئلني تذكرت محفظتي وهويتي بالشقه جلب بيا الانضباط
امجد..اني ضابط افهم وعندي ضرف طلعت
الانضباط ..اني هم لواء علينا مو ملينا
امجد..ولك احترم والله تتبهذل
الانضباط..من شفته عصبي حسيت بالخوف  سيدي هسه اني ماصدك بكلامك اصدك باثباتات لا هويه وحتى سيارتك بلا سنويه طلعت بايكها
امجد..ابني اني ضابط وعندي حاله خطره خابروني اهلي ونزلت بسرعه
الانضباط ..سيدي حتى لو اخليك تطلع باقي السيطرات تلزمك
امجد..وين الامر مالتك
الانضباط ..تعال ويايه سيدي
امجد..يلا امشي
الانضباط دخل على الضابط واني وياه الضابط برتبة ملازم اول
امجد..السلام عليكم
الملازم.أ..وعليكم السلام
امجد..اقدملك نفسي  اخوك ضابط ملازم مهندس وخابروني اهلي حاله طارئه وطلعت مستعجل ونسيت هوياتي واوراق السياره
الملازم .أ..مع ذالك اخي ماكدر اساعدك انت رجل قانون مثلي وتفهم هذا تلفون تكدر تتصل بصديق يجيبلك هوياتك حتى لو اخليك تروح باقي السيطرات تجلب بيك
خابرت صديقي راح للشقه جابلي اوراق السياره وهوياتي علما وصل صار ثاني يومب9 الصبح اني خابرتني ب2 بالليل اني اتكرضم على نار خابرت على شيرين الفجر راحت كالت امها كاعده تصلي مكعدتها ماكو نفس وماخذتها للمستشفى ملحكين عليها الحمدلله خابرت ب9 امها جاوبت اطمئنيت عليها رجعت للشقه قررت ابتعد عنها نهائي حتى تتزوج امها سمعتني كلام انت تريد تموت بنتي
العصر خابرت
اسماء..صوتها ضعيف جانو احبك
امجد..اني ماحبج وجنت العب عليج وعندي علاقات ارجوج ابتعدي وسديت التلفون ورفعت السماعه كم يوم وسويت معامله غيرت رقم التلفون مالتي  وره 3 اشهر خابرت شيرين
شيرين..الو امجد
امجد..هلو شيرين طمنيني تشوفين اسماء
شيرين..اي وتتوسل تريد رقمك
امجد..خوما انطيتيها ارجوج
شيرين..لا عيني اليوم زفتها
امجد..شنو اؤف سديت التلفون بوجه شيرين بدون وعي كعدت ادخن روحي لايبه كلت اروح احضر زفتها اشوفها من بعيد بدلت وركبت سيارتي وصلت لسيطرة الشعب وتعوذت من الشيطان رجعت يم جامع النداء وورجعت وصلت لسيطرة الشعب وهم رجعت تقريبا 5 مرات اروح وارجع رجعت اخر شي لبيت صديقي مكدرت ادك الباب طلعت لشقتي صارة الساعه تقريبا ب10 بالليل اني وصلت للشقه ركنت سيارتي اريد اصعد ماكدر نزلت اتمشى وادخن من الصالحيه وصلت العطيفيه مشي كعدت جوه جسر الصرافيه اكو شباب يشربون واني وملابسي كعدت بعيد عنهم بالكاع اباوع للمي الجو جان بداية شتا وبارد محسيت على نفسي بقيت هناك للفجر كاعد ادخن حاصرتني البجيه بس ماعرف وماكدر وممتعلم ابجي حسيت على نفسي ب5 الفجر رجعت للشقه بدلت ورحت للدوام بدون اكل ونوم كملت دوامي نزلت تمددت نمت لليل صحيت اعيط متحملت كسرت غراض بالشقه اضرب الجدران لحد ما تعبت ونمت رحت للدوام هم بلا اكل هناك صار عندي عبوط بالضغط وفقدت اصدقائي ماخذيني للمستشفى عدت ايام واني اكلي قليل رجعت انشغلت بالعمل ومرت سنين سمعت هي حامل وجابت ولد وراها انشغلت بشيرين اجتي يمي مهزومه وخطفها زوجها وورجعت طلعتها من المركز بيوم والدتي خابرتني ضروري انزل لان خاطبتلي رحت للقائد مالتي الرجل مقصر اخذت شيرين وبنتها ويايه لامها واني رحت لاهلي تلكوني اخوتي وخواتي كلهم بالبيت
اني..ادري خطبتوها واني مشايفها وهي مشايفتني شلون
اختي..لا شوفناها صورتك
اني..ياصوره مال الكليه من اكرع لو التخرج
اختي..صورتك من جنت سادس علمي
اني..اشو شوفينياها من شفتها الصوره ماخذها يم مصور الاهرام والمصور فنان مطلعني ابيض وعيون عسليه ومسوي تجميل لخشمي ولكم ليش هيج خادعيها
امي..يلا روح شوفها
اني ..هي وين بيتهم
امي ..من اقاربي بيتهم بغداد
اني..شنوووو  ليش خليتوني اجي جان مناك رحت اشوفها
امي..لاجان رحت خربتها جبتك تنطيني كلمه توافق وترضيني
اني..صار ماما مثل ماتحبين
بتت ليلتي خايف اعرف ذوقهم كل وحده من خواتي توصفها شكل ثاني يوم رحت وصلت لبيت اقاربي البنيه صغيره وجميله الحمدلله شافتني هي هم طلعنا اشتريت كم غرض الها هي واخوها ويانا
المهم صار تراضي وره شهر اني بالدوام خابرت امي
امي..باجر تجي علمود الحنه مالتك والخميس الزفه
اني..ماما شنو ميصير اني عندي دوام والتزام مو بكيفكم ولازم اقدم موافقه وانتضرها
امي..عندك ولد عم هم تكفلو بالموافقه تجي نزفكم عقد شيخ وتتزوج تبقى يمي هنا
اني..ماما الجيش مو مال ابويا علمود انزل براحتي
امي..روح للقائد يريدك
اني..شنوو  احس نفسي احجي ويا وزير الدفاع
امي..يلا تعال جبت العروسه واهلها من بغداد لاتتاخر
طلعت من غرفتي اشو زملائي ياهو يشوفني مبروك امجد ليش معزمتنا
وصلت لغرفة القائد الانضباط باب القائد فوتني
اخذت تحيه القائد كام بوسني
القائد..توني دزيت المراسل لغرفتك بيده الاجازه ليش اجيت روح ابني عرسك الخميس بس اعتذرلهم ماكدر اجي تعرف جيش
اني مفكيت حلكي صدك من طلعت تلاكيت ويا الجندي سلمني ورقة الاذن ركبت سيارتي وصلت لكركوك اشوف شارعنا متروس جهال وشباب منطقتنا ينضفون ويرتبون تلكوني الجهال يصيحون اجه العريس الشباب اخوتي ولد المنطقه كامو يصفكون ويركصون دخلت اشوف اهل العروسه يمنا رجعت ركبت سيارتي رحت لبيت اختي لكيت نسيبي بحده سبحت وبدلت ورجعت
....
للحديث تتمه
اسف اتاخرت بسبب عطلات الانترنيت عندي بالابراج
#امجد