ذكريات من الماضي الجميل

بارت8 الزفه

وصلت لاهلي لكيت محضرين كلشي رحت ويا اصدقائي للحمام سبحنا واحنا راجعين على الجسر لكيت واحد يبيع طكاكات مكدرت اتحمل غافلت اصدقائي واشتريت طكاكات كلت من يركصون بالحنه لازم افززهم اكره اصدقائي موبيدي رجعنا للبيت الحلاق محمد الكردي صديقي اصر هو يجي للبيت يحلقني ويرتبني للزفه هديه زواجي وفعلا اجه خطيه وحلقلي ورتبني وخلالي خلطات راد عالج شويا يبيضني ماكو ابتسم بوجهي واعتذرلي هههههه
صارت الحنه بيتنا واصدقائي ملتمين يركصون واني كاعد افكر شلون افززهم غافلتهم لزمت الجداحه بيدي اليمنى والطكاكه بيدي اليسرى وشعلته اشمرها شمرت الجداحه وبقت الطكاكه بيدي طكت نملت اصابعي يومين هههههه وثاني يوم الزفه رحنا اخذنا العروس من بيت اختي خليت حمايه الي من اصدقائي من اقاربي الي بغداد مكدرو يتقربولي
كملنا الزفه وتزوجت كانت كلش حلوه
...
عشت اجمل ايام مع زوجتي لحد ماانجبنا بنتي زوجتي الله يرحمها اجبرتني على حبها بيوم طلعنا للقيصريه التقيت باسماء واني وزوجتي زوجتي مانتبهت لان متعرفها من مرت من يمي لمست ايدي جنت احاول انساها لخاطر زوجتي لان مالها ذنب وبقيت مع زوجتي مابيوم كلمت اسماء او اتقربت لحد ماصار السقوط واجيت وياها لبغداد وراها رجعت لكركوك الشرطي الخبيث الي عداوه ويايه لكه فرصه بعد ماصار جاسوس للامريكان والاكراد اتهمني تهمه جبيره اجوي الاكراد خطفوني جان الشرطي متنكر وياهم بس عرفته لان هو قصير وضعيف ويلبس حذاء روغان حتى من انتهى موديله جنت اشوفه يلبس نفس الموديل اخذوني المخابرات الكرديه لسجن سري ب قره داغ كان سرداب مقسم محاجر متر بمتر شفت الوان العذاب بيه الشرطي الخبيث كاتب عليا اني مشارك باغتيال مسؤول كردي جبير المحققين من حققو ويايه كتلهم انتو جابكم فلان شرطي تفاجأو وكتلهم سبب العداوه بس مصدكو بقو يعذبون بيا واني مصر على برأتي احد المحققين كال انت لو بريء لو مجرم خطير كل الاكراد الي بمنطقتك يكولون امجد نزيه ويحبوك فعلا كانو كلهم اصدقائي اكراد وتركمان وعرب
جاوبته يعني بريء  المحقق كال وجايز مجرم لان الي كاتب عليك عربي منك وبيك جاوبته اكيد لان بينا عداوه قديمه جاوبني المحقق متوصل عداوتكم هيج يتهمك كلت للمحقق بقت نفوس ضعيفه كلمن ونفسيته بقيت بالمحجر بالسجن السري سنتين كان متر بمتر وبارد كلش اخذوني بالصيف ملابسي صيفيه واجه الشتا والسجن تحت الارض دخل مي للمحاجر وكانو المحققين مجرمين بالتعذيب كنت اقضي يومي افكر بس من اخرج شلون انتقم من هذا الخبيث تحول تفكيري الى اجرامي اهلي ميعرفون اخباري الي ينخطف يلكون جثته بيوم فتحو المحجر عليا انطوني بيجاما صيفيه وربطو عيوني نقلوني للاسايش سجن مركزي سنتين اني عايش بظلمه وعذاب خلوني بقاعه جبيره بيها 100سجين كالو ممنوع تحجي مع شخص ثاني يوم دخل الصليب الاحمر اني انطيت اسمي للصليب وعنوان اهلي وره اسبوع اني بالحوش اتمشى صاحو اسمي اني كل ظني للتحقيق لان من نقلوني للامن الكردي ايضا بدو يحققون ويايه من جديد ونفس التعذيب والضرب والتعليك الصراحه كلبي رجف لان جان وزني تقريبا 45 من قلة الغذاء والتعذيب اخذوني كلبجوني دخلوني غرفه شفت عائله نزلت راسي للارض خجلت
امي..يمه امجد
اني..رفعت راسي باوعت امي بس متغيره كبرانه حيل والدي صاير شايب زوجتي واطفالي بنتي وابني ابتسمت اني بخير لاتقلقون
امي..الحمدلله احنا بخير وكلهم يسلمون عليك
زوجتي كامت تبجي والدي بس مكدرت احضنهم وابوسهم انطوني فلوس وغراض ورجعت
اني ابتسمت علمود ميتاثرون بحالتي اهلي عبالهم متخبل من الكتل رجعت وزعت الاكل على اصدقائي بالسجن واشتريت ملابس الي جان ممنوع احجي ويا سجين اكعد اكل بحدي جنت بس افكر من اطلع انتقم من الخبيث بعد التحقيق والتعذيب اتاكدو اني بريء لان كل المنطقه وجواسيسهم اكدو برائتي بيوم اجه شاب كردي من منطقتنا
الشاب..انت مو امجد
اني ..نعم اني امجد
الشاب ..اني نوزاد معرفتني من جنت تنزل مجاز جنت تصلي ويانا بالجامع اقارب شيرزاد انت مره سويت فضل علينا اخويا لزموه الامن الاقتصادي ورحت طلعته
اني..ماتذكر والله بس شكلك مو غريب عليا اعذرني
الشاب نوزاد ..احنا الاكراد مننسى فضل شخص
اني..اشكرك انتو اخوتنا
نوزاد..شجابك هنا
اني..جنت ماحجي قضيتي لاحد هيج تعلمت اكتم جاوبته خطفوني لان ضابط وانت شجابك
نوزاد..اني قتلت الشرطي الخبيث فلان هو نفسه الي مبلغ عليا
اني.. كمت صليت ركعتين لله عزوجل شكر لان الله ماراد الوث ايدي بدمه للخبيث انتقملي  بقيت بالسجن اول الامر جنت افقد اعصابي بسرعه واتعارك وراها من كدرت اسيطر على غضبي جنت اغلب كل السجناء بالشطرنج وجان المراقب من ضمنهم كان شقي من حلبجه تهمته مخدرات صار صديقي نكعد نلعب شطرنج اغلبه يتعصب ونتعارك ونضحك وراها جابو كردي فارسي من شمال ايران اسمه محمد صار صديقي بعدها جابو كردي تركي جان مريض وهدومه مشككه اشتريتله ملابس وراعيته صرنا اني ومحمد وعبدالله اصدقاء من نسولف بس نضحك من يتعارك واحد منا عدنا ثلاتنا نتعارك عبدالله كان تاجر مخدرات ولازميه تهمة حيازه اشترى الحانوت سنتين انفرادي بالمخابرات الكرديه وسنتين بقيت بالامن بيوم صاحو اسمي افراج السجناء كلها ودعتني وزعت ملابسي فلوسي اخذوني من سليمانيه شمروني بكركوك ماعندي فلوس رحت لبيت اختي اهلي بغداد شايلين اني من زاروني اهلي اول مره طتلهم ممنوع تجيبون زوجتي واطفالي وماريد واحد يزورني بس والدتي خطيه متتحمل جانت تجي واتوسل بيها متجي ترفض من طلعت جنت مشتاق لاخوتي وخواتي لكيت والدتي بيت اختي تنتضرني عدهم علم بطلعتي من طرف صديق الي ضابط جبير بالبيش مركه اخذتني والدتي لبغداد وكاني مولود جديد قضيت 4 سنوات من حياتي بالسجن مظلوم مشايف غير العذاب اطفالي شفتهم مره وحده خطفوني ب2004 وخرجت ب2008 وصلنا بغداد استقبلوني شباب المنطقه الي احنا ساكنين بيها واخوتي احنا وين منروح المنطقه الفضل لله يحبونا وذبحو اهلي ذبايح بسلامتي ابني من خطفوني عمره سنه من طلعت صاير عمره 5 سنوات تلكوني الاقارب واهلي مجنت مصدك اطلع من ذيج الغمه بيوم هوايه سجناء ماتو بالتعذيب بالسجون السريه بقيت لليل استقبل الخطار بس محسيت بتعب من فرحتي ومثل الحلمان بالليل حضنت اطفالي وزوجتي مكدرت انام للفجر فرحان برائتي الحمدلله وره سنه اجتي بنتي الثانيه صارو عندي 3 اطفال بديت حياتي من جديد بغداد طلعت من السجن مفلس اول الامر تعبت اشتغلت كلشي والدي الله يرحمه من جنت صغير علمني اشتغل مو عيب الشغل بعد ماجنت ضابط بديت افرمت حاسبات الناس فتحت محل صيانه هارد وير وسوفت وير وراها نصبت برج انترنيت واشتغلت بالشركه بشهادة الهندسه والحمدلله كدرت ابني نفسي من جديد الفضل لله مو الي لان الله هو الرزاق والسجن جان ابتلاء وامتحان الي ب2010 وصلني خبر وفاة زوج اسماء رجعت تتصل ماخذه رقم موبايلي من بيت اختي ورجعت علاقتنا اتصالات بس بدون متدري زوجتي الي جنت احترم غيابها بقيت ارفض العلاقه احتراما لزوجتي سنتين لان فعلا حبيتها ومن اول يوم زواج قررت اصونها لان مالها ذنب هي وثقت بيا لحد ال2013 كلت لاسماء
امجد..اسماء اني متزوج ماكدر اخون زوجتي
اسماء..جانو اني ظلموني وهسه اني حره واني احبك
امجد..اني هم احبك بس صعب نرجع 
اسماء..اموت نفسي
امجد..مخبله كافي اثنينا عدنا اطفال اذا اتزوجتك بشرط زوجتي متعرف ماريد بيوم اجرحها
اسماء..تحبها
امجد..اي احبها واحترمها