وصلنا تباوسنا جوه شجرة الصفصاف يم تمثال ابو نؤاس
...
أسماء: بعد اللي صار بينا اختلطت عندي المشاعر بين الحب والشوق واللهفه والرغبه كل احاسيس الحب اشتعلت بروحي سوة جنت فرحانه حيل احس الدنيا متشيل فرحتي احلى احساس حسيته وبنفس الوقت گلبي ينبض حب وخوف اريد الزمن يتوقف والعالم يختفي نبقى بس اني وياه بعيد عن العالم....
ماكدر اعبر عن مشاعري بهاي اللحظة بالذات الاعرفة بس اريد اخذه بعيد محد يشوفه غيري محد يلمسه غيري محد يتقربله غيري ذبت بكل تفاصيله احساسه وصوته وهمساته...
رجعنا للقسم واني متوقف الزمن عندي مو مجرد بوسه احسها غذاء روحي بقيت للصبح كاعدة مكدرت انام لمساته احسها موجودة تركها بروحي قبل ليروح...واي جانو شكد احبك
...
وصلتها للقسم الداخلي المسؤوله بالكوه قبلت دخلها كتلها تعطل الباص بينا قبل يحاسبون كلش رجعت لكليتي بين فرحان وهايم بالحب وبين خايف من المستقبل اعرف ابن عمها قصي رايدها ومره جنت ادرسها من جانت سادس علمي بالحديقه اندكت الباب طلعت قصي بالباب
قصي..اسماء موجوده
امجد..اي نعم اتفضل كاعده بالحديقه
قصي..صيحها للخاتون
امجد..ماعنده اسلوب بدون سلام صحت اسماء اجتي اشو هذا جرها من ايدها بقوه رادت توكع لزمت ايده كتله على كيفك وياها
قصي..معليك انت ومخنزر عليا
اؤف ردت اكتله واسحله بالشارع بس بالكوه لزمت نفسي لان عيب عمه صديقي
....
قصي اني ابن عم اسماء اكبر منها ب4 سنوات من هي صغيره حبيتها وجنت اكول اسماء الي وماخلي واحد من ولد عمي يلعب وياها او ياذيها ومن اشوفها تلعب اجرها من سمعت امجد ابن جيرانهم يدرسها اشتعلت نار رحت لاسلام ولاكلام جريتها اني جنت اخر سنه هندسه جامعة الموصل طولي 190 عيوني عسليه رموشي طوال ابيض شواربي شكر هوايه طالبات يتمنن نضره مني بس اني احب اسماء من شفت امجد ردت اضربه من لزم ايدي انداريت بعصبيه كتله انت معليك جريت اسماء
..
اسماء ..مالك حق انت تجرني هيج من بيت الناس شيكولون عليا
قصي..اكسر راسج ممنوع تروحين يمهم اجيبلج مدرسين واني ادرسج اذا سمعت حاجيه ويا امجد متلومين الا نفسج سمعتي شنو هذا كاعده وياه
اسماء ..قصي احترم نفسك امجد خوش ولد اسئل بابا عليه وبابا يعرف يدرسني
قصي..خلي يجي عمي واشوف تصريف وياج
اسماء..ماريدك افهم خانكني من جنا جهال وانت مجلب شنو اشتريتني عبده الك تتحكم بيا عندي اب
قصي..غصب عنك ابن عمك اني
....
رجعت للكليه الفجر نصحى تدريب لحد 10 وراها محاضرات لل2 نرتاح ساعه وراها مسائي لل5 من ارجع للثكنه مال الطلاب كلش تعبان يادوب اراجع واكوي ملابسي واغسلهن واصبغ احذيتي واحلق واسبح الكليه مالتنا صعبه كلش متنطيك مجال تفكر بشي ومن التعب تنام بس جانو مخلصانين من مقالبي اصدقائي مره رادو يسون بيا مقلب جنا 4 نفرا بالغرفه كتلتهم وربطتهم خليتهم باللوكرات وسديتها عليهم ساعه يتوسلون بعدها اطلقت سراحهم بشرط ميفكرون يسون مقلب بس اني ماكدر الا اسوي مقالب بيهم خطيه بس هل الاسبوع جان تفكيري باسماء وبس اريد يجي الخميس وانزل كتلها لاتطلع من القسم اجي اخذها ونروح لكركوك احنا الخميس ب12 ننزل اروح اخذها علما نركب نوصل لكركوك اقريب ب5 نزلونا رحت كبل لاسماء علمود منتاخر لكيتها باب القسم واكفه منتضرتني تجنن ياربي طويله وبيضه وشعرها تمري سرح طويل وجها مدور لابسه تنوره رصاصيه وقميص ابيص وستره زركه زي موحد اول مشافتني اجتي تركض حضنتني تريد تبوسني وخرتها
..
بالكوه خلص الاسبوع مشتاقه لى امجد كلش من شفته نزل من التكسي ركضت عليه حضنته ردت ابوسه مخلاني شكد حلوه ريحته حتى كولونيا العلاقه مالته احس تثيرني
اسماء ...واي جانو خلي ابوسك
امجد..عيب كل الانضار علينا يلا خلي نروح لكركوك وقتي ضيق كلش اريد اودي ملابسي كوي مالحك واشتري غراض وكركوك يعزلون من وكت
اسماء..حضنت ايده هو يصعد الجنط بالتكسي لازمته ماريد افاركه اشتاقيتله هل الاسبوع هوايه صح ملامحه جامده بس حنين ورجولي من يبتسم فدوه كلشي بيه يثيرني صوته كلامه نضراته حركاته من صار بالكليه عبالك رجل الي يتحرك هههه
امجد..اتمنى بحدنا احضنها وابوسها واشيلها بين اديا
بس المجتمع والي حولنا مقيدنا وهذا الشي الصح اني من اكتب مراضي على نفسي ذيج الفتره
وصلنا للنهضه التقينا بنات منطقتي وحجزت للكل صعدنا اسماء يم الجامه واني يم الممر
اسماء.. بس صعدنا وكعد امجد بصفي حضنت ايده وخليت راسي على جافه وهمست احبك جانو اشتاقيتلك وريحة كولونيا الحلاقه حبيتها منه
امجد..من تحضن ايدي احس اصخن اريد التفت وابوسها بس الكل عينه علينا طول الطريق تحجيلي اسماء واني بس اهز راسي بالكوه لازم نفسي ايظي طخ صدرها حرارتي صاعده عيني على الجامه الاماميه اجتي دعاء اعتذرت هم وكفت شويا يمنا اسماء متضايقه كلش وصلنا للمطعم نزلت البنات كعدنا سوه ناكل ونضحك اسماء مااكلت
اسماء..اني شبعانه راح اصعد للباص
امجد..اكلي شويا لخاطري
اسماء..جانو ما ما ماكل فهمت
امجد..يلا من رخصتكم اكلن وتعالن جانن 3 بنات دعاء وياها 2 من منطقتنا اخذت اسماء جان الباص فارغ ومسدوده البردات اول مكعدنا التفت عليها متحملت بستها ماعرف منو بده بينا اثنينا كنا منتضرين هل اللحظه بس اني حسب علاقاتي اعرف ابوس هي كانت اول تجربه الها احس بدت اصوات انفاسها ترتفع ابتعدت مغمضه عيونها بدو الناس تصعد نزلت اشتريت بسكت وكتها حصار بدايته ماكو غير بسكت مدور عراقي بس ماكلت شي بس حاضنه ايدي ونايمه على جتفي
اسماء..جانو ممنوع بعد نكعد ناكل سوه ويا البنات ليش تضحك اغار سمعت
امجد..صار بعد اوامرك سيدي
اسماء..واي جانو لو اني الامر مالتك اسجنك
امجد..الف الحمدلله جان افترستك هههه
اسماء..شنو تفترسني تاكلني
امجد..اي اكلك بشفافي شلون هسه مصيت شفافك
اسماء..واي جانو لاتخجلني اضيع من تبوسني هسه من تظلم بوسني عفيه وبالليل انتضرك بالسطح راح اشتاقلك
امجد..مخبله انتي بس اوصل انام اروح اكمل شغلاتي وارجع انام
اسماء..واي جانو ينطيك كلبك متشوفني قبل متنام
امجد..ان شاء الله دكي عليا قبل متصعدين
وصلنا ولتهم للبنات ذبيت جنطي اخذت ملابسي لابو المكوه ورجعت صارة ب9 الشهر العاشر ظلمه هيج وكت ويبده البرد دخلت غرفتي انزع ملابسي بقيت بالشورت حسيت شخص ورايا التفت اشوف اسماء بس خجلانه كبل بدلت
اسماء ..ماتحملت بس شفته رجع رحت لبيتهم فتت اندل غرفته كان الباب شويا مفتوح بقيت اباوع عليه على طوله رشاقته تفاصيل جسمه مقسم جسمه وحنطي وخصره صغير عضلاته تجنن صدره عريض التفت شافني خجل جنت اباوعله بس خجلانه جرني باسني وراها دفعني وكام يستغفر الله وطردني بالشقه
رجعت لبيتنا لكيت قصي جاي ويريد يبات عدنا والدي جان مبايت يمنا رايح لزوجته الثانيه بس اني وامي بالبيت والدتي اتعذرتله فرشتله بالمضيف بره
واحنا قفلنا الباب بالليل سمعنا هوسه بالدربونه تقريبا ب12 مديت راسي من وره الباب شفت امجد بنصهم
امجد..الكل يتفرق محد يبقى يلا كل واحد على بيته
لزمو نجم طافر على بنت جيرانا خلصته من ايدهم وجريته كفخات وجلاليق محبيت تصير هوسه وفضيحه للبنيه هم تبقى بنيه حتى لو غلطت طببت نجم لبيتهم جان هذا لاشغل ولاعمل بس يسوي علاقات شاب دايح كتلته بيتهم ابوه وامه محجو دميته ورجعت اتمشى تذكرت اني طلعت على الهوسه حافي رجعت وصلت لبابنا انضربت بحجاره التفت عيون اسماء من وره الباب اشرتلها تدخل دخلت اتمددت دك تلفونا عرفت اسماء
اسماء..واي جانو ليش خليتيني اخاف انت شعليك تدخل نفسك
امجد..شلون مادخل نفسي لعد اخليهم يفضحون البنيه
اسماء..منو هي
امجد..معليا عندي خوات اني
اسماء ..اعرفها ممحتاجه تكلي عدويه صح
امجد..تصبحين على خير معليا اني
اسماء..واي جانو شكد مكروه تعال اصعد للسطح اريدك
امجد..تعبان والله تصبحين على خير
اسماء..زعلت منك
امجد..اصالحج باجر بالباص
..
بقت علاقتنا هيج سنه صرت مرحله ثالثه وهي ثانيه
بيوم راجعين الخميس
اسماء..جانو اريد اكلك حجايه
امجد..كولي عيني
اسماء..خابرت امي وكالتلي قصي جاي وحاجي ويا والدي بخصوصي يريد يعقد ومن اكمل نزف
امجد..شنو اليوم احجي ويا والدي والدتي ونجيكم
اسماء..والدي صعب امجد
امجد..اعرف بس احنا الناس كلها تحبنا وتتمنى نتقدم نطلب منهم
رجعت لكيت عمي بالبيت جان كلش يحبني ميخلف يعتبرني ابنه اكبر من والدي بس تربات شيوخ والكل تحترمه جدي ابو ام ابويا جان شيخ وبيبيتي يصيحولها الشيخه وعمي جان يحبني يكلي طالع على جدك متخاف ابد
امجد..عمو اريد اخطب
عمي..ابشر اجيبها الك
امجد..بنت جيرانا
والدتي..منو
امجد..اسماء ماما
والدتي..بالخير ابني
عمي..تدلل منو عندي اغلى منك
امجد..هسه تروحون ويايه
والدتي..هسه اروح اكول لامها انتو جاين
راحت والدتي وسائله ام اسماء على ابو اسماء وكايلتلها احنا جايين
...
للحديث تتمه اختصرت امور جريئه بالقصه انتضر رايكم
#امجد
أنت تقرأ
ذكريات من الماضي الجميل
Romanceانا لست بسياسي معروف او فنان او عالم انا رجل اربعيني كنت ملاكم مغمور اخذت بطولة العراق 88 لوزن54 لفئة الشباب وبعدها اعتزلت انشغلت بالدراسه والعمل سابقا الاهل يعلمون الشاب الرجوله ويعلمونا الاخلاق ان نساعد الضعيف حتى لو كان غريب لانعرفه طيبة القلب وا...
