وصلنا اسماء اعترفت بحبها الي بالباص من كنا رايحين لبغداد كانت هي اول مرحله صيدله واني ثاني مرحله هندسه
....
أسماء/من شفت دعاء شلون تكلم أمجد الغيرة اكلت قلبي مااتحملت خفت لاتاخذ امجد حبيبي مني وشفته يكولي عادي البنت تطلب شغلة مني ماتكدر تحجيها ويدافع عنها مااتحملت كامت دموعي تنزل من كيفيها وغوركت عيونى وبدون ماانتبه لنفسي كتله كافي أرجوك احترمنى أني احبك وضميت وجهى بجتفه وكمت اشهك بالبجى واكوله بهمس احبك حس بية هو رفع وجهى وكام يمسح دموعى باصابعه وكان وكت المغربية وظلمت الدنيا بالباص وصار وجهه قريب من وجهى وكمت اتنفس بسرعة وحرارة صعدت على خدودي وقلبي يدك من لمسة اصابعه بوجهى وفجأة حسيت احنا بحدنا بالباص وهو يقرب بيده رأسي براسه تمنيت بذيج اللحظة والموقف يوكف الكون وماافارك حبيبي أمجد
..
امجد..اسماء وصلنا حسيتها غفت على جتفي اوصلك للقسم الداخلي واروح للكليه
اسماء..واي جانم ابقى شويا ويايه عفيه
امجد..اسماء صعب احس نفسي خنت الامانه انتي امانه عندي
اسماء..جانم اني احبك وبارادتي خليك شويا ويايه اليوم
امجد..اوك نروح نخلي الجنط بيت صديقي ونطلع نتعشى
اسماء..واي جانو احبك ورجعت حضنت ايدي وخلت راسها على جتفي وشعرها السرح يداعب وجناتي حسيت بوقتها اني طرزان بالباص انفخت هههه ماعرف وكتها كنت احس اسعد انسان اسماء كانت اجمل بنات المنطقه اتمنيت يطول الطريق ونبقى سوه اعرف راح نجابه مشاكل هوايه مستحيل ينطيها ابوها وابن عمها رايده وهم طبيعتهم مينطون لغريب ابد وابن العم اذا نهى على بنت عمه بعد متتزوج اني قبلها مريت بعلاقات كاي شاب بس مطنت استجرء بيوم انضر لبنت منطقتي بغير نضرة اخ واخت علاقاتي خارج المنطقه كلها بس علاقه وحده من كان عمري 17 مع مطلقه تكبرني ب10 سنوات بالبدايه كنا اصدقاء نكعد نسولف ونتناقش بالروايات الي نقراهن وصارت علاقه دامت سنه واجه نصيبها وتزوجت كنت بوقتها مراهق وبجيت وهي هم بجت من تزوجت بعدها انشغلت بالسادس علمي وكمت اذا اسوي علاقه ماطول شهر شهرين وانسحب اخاف اتعلق وافقدها نفس الاحساس حسيته ويا اسماء رجعلي الخوف من فقدانها والدي كان يحذرني من جنت اسوي مشاكل يكلي شغلتين لاتسويها دير بالك ماطلع وراك تطفر على عرض الناس لو تبوك حتى من جنت اتعارك ميقبل يكتلني بس اني جنت افقد اعصابي بسرعه واتعارك
امجد..يلا اسماء وصلنا النهضه
اسماء..نهضة حبنا وتضحك عفيه سجل رقم الباص علمود هذا اول باص شاهد على حبي الك
امجد..اؤف
اسماء..سلامتك ليش اؤف
امجد..اسماء اضحك على نفسي لو اضحك عليج انزلي واني انزل الجنط بس اخذ تكسي للبنات للقسم الداخلي واني وياج نروح نتعشى
اسماء..مافهمت شنو تضحك عليا لو على نفسك
امجد ..اوكفي هسه خلي ينزلون انتي صيري كدامي ونزلنا سوه اخذت تكسي للبنات مال منطقتي للقسم الداخلي واخذت رقم التكسي كدام السايق علمود يخاف يسوي شي الهن واخذت اسماء خلينا الجنط بيت صديقي طلعنا نتمشى اني بدلة الكليه واسماء لازمه ايدي باثنين اديها وتمشي حاضنتها
اسماء..جانو فهمني شبيك ساكت ومهموم المفروض تفرح مثلي
امجد..اسماء انتي متعرفين شنو راح نواجه والدج كم مره من نلتم بابنا وتصير سوالف يكول احنا ناخذ غريبه بس منزوج بناتنا لغربه ابن العم ستر وغطى لبنت عمه وهو مره ناهي على بنت عمه لحد الان ممتزوجه وهسه عمرها 60 ممتزوجه انتو عشيرتكم ظلام
اسماء..واي جانو تريد نتزوج حبيبي
امجد..احتركو عشيرتج من تكولين جانو اتقشمر طبعا افكر بالزواج خوما العب عليج
اسماء..جانو لاتفكر هسه اضحك وعشيني وخلي نتونس وبعدين نلكه حل بقينا نتمشى اخذت تكسي للكراده اكو مطعم مره صديقي عزمني بيه تكه وكباب نضيف وبيه جناح عوائل
دخلنا كعدنا بس مجنت احس بالجوع اباوع بعيونها انسى العالم كله احس نفسي اسعد وافضل الرجال حوريه يمي
اسماء..جنت مجنونه من لزمت ايد امجد حسيت بالامان مجنت خايفه من الشوارع الظلمه احس امجد اشجع الرجال ويحميني بروحه ضميت ايده لصدري ونتمشى حاسه بالسعاده تذكرت كل اغاني ابراهيم تاتلسس اتخيلت نفسي البطله بالافلام وصلنا للمطعم كعدنا بس ماحس بالجوع حاضنه ايده ماريده يروح
امجد..اسماء كعدي عدل عيب منا العالم واني لابس بدلة الكليه لازم احترمها
اسماء..واي جانو شكد حلوه البدله عليك تدري اول مره شفتك ردت اطلع اركض اخذلك تحيه واحضنك
شوف الناس شلون تباوع علينا احلى اثنين
امجد..انتبهت اكو عائله اب وزوجته وبنتهم بعمرنا واكو 5 بنات مبينات طالبات اقسام داخليه كلهم عينهم علينا من باوعت عليهم ابتسمو باقي يسئلونا انتو مخطوبين لو علاقه لو متزوجين ههههه
اكلنا كباب
اسماء..واي جانو لاتباوع
امجد..وين اباوع
اسماء ..هذني شوف يباعن عليك ويبتسمن اكيد باوعت عليهن
امجد..حبيبتي اذا الكمر بصفي شسوي بالغيم
اسماء.. جانو شكد احبك صدك تحبني ليش مصارحتني انت الاول شوكت حبيتني هم عندك حبيبه منو جانت وين بيتهم اني احلى لوهي
امجد..كافي اسئلتك بيهن ترك لولا شنو شبيج اني جنت معجب بيج من جنت ادرسج احب كلامك وكاحتج دمج انتي رقيقه صدك وانتي شوكت حبيتيني
اسماء..ماكول وتضحك بخبث
امجد..ضحكتج مو مريحه لاصدك شوكت
اسماء ..مره بالسطح جنت شفت عدويه اقاربي طفرت عليك جنت متمدد بفراشك تقره بالصيف اجتي باستك اول شي انت بقيت متتحرك كلت عدكم علاقه بعدين شفتك تنرفزت دفعتها من الستاره الي بينكم الواكعه وسمعتك تكوللها تخبلتي
جنت اكرهك احسك مغرور جنت اسميك ابو خشم من تمشي بالشارع عيونك سارحه ومتتلفت وتحجي بهدوء انت وخشمك المكسور اكول والله شايف روحه على شنو انت الوحيد تفوت من يمي متباوع وكانه اني مموجوده بس من كمت ادرسني حسيت شي يجذبني الك صوتك هادئ عبالك مذيع عيونك ابتسامتك حلوه كمت اراقب من توكف ويا اصدقائك وتسوي مقالب وتضحك كنت اضحك بس من شفتك ويا عدويه حبيتك ومن تهموك بالقتل واي جانو شكد بجيت وادعيلك اجتي ام دعاء شكد اكرها تحجي ويا امي تكوللها امجد عنده علاقه باخت حيدر كتلها كافي حرام عليكم تتهمون الناس
امجد..اؤف لاتذكريني بذيج الايام صدك كرهت الناس من كلامهم الله يرحمه لحيدر وصلنا حدائق ابو نؤاس بدون مادري ظلمه واشجار
اسماء..جانو اوكف تعبت
امجد..وين هنا لا اسماء خلي ارجعج للقسم هنا كلها بارات وسكارى
اسماء..ماخاف انت ويايه
امجد..اني اخاف عليج مو على نفسي اذا صار بيج شي هنا ميكولون شجابهم يلا عيني خلي نرجع
اسماء ..اوكف لحضه
امجد..شكو كنا تحت شجرة صفصاف جبيره يم تمثال ابو نؤاس حوطت ركبتي باديها وكفت على اطراف اصابعها وتقربت انفاسها مني اني هم اتقربت وبستها كنت اريدها تطول بعد اكثر جنت مجرب قبلها البوسه بس محسيت نفس الاحساس الا ويا اسماء وخرتها عني حضنتني خلت راسها على صدري
اسماء..واي جانو لاتوخرني خليك حاضني
امجد..كافي منا الناس عيب
..
للحديث تتمه
احب اسمع ارئكم ارجوكم بلا تم
#امجد
أنت تقرأ
ذكريات من الماضي الجميل
Romanceانا لست بسياسي معروف او فنان او عالم انا رجل اربعيني كنت ملاكم مغمور اخذت بطولة العراق 88 لوزن54 لفئة الشباب وبعدها اعتزلت انشغلت بالدراسه والعمل سابقا الاهل يعلمون الشاب الرجوله ويعلمونا الاخلاق ان نساعد الضعيف حتى لو كان غريب لانعرفه طيبة القلب وا...
