اسم البيج اللي انشر به على الفيس
#قصصي
#الكاتبه_مدن_الاحزان
#هل_اغفر_له
1
لا احلل حذف الهاشتاك من القصص نقلو القصص لكن لاتحذفون اسمي واسم البيج
اعزائي القراء صاحبه القصه وياكم وتتابع تعليقاتكم
................
فتحت صندوق السيارة وطلعت منه المسواك نزلته واثناء ما امشي بجانب السيارة لمحت ضوء قريب على كشن السايق الضوء عبالك ضوء نقال استغربت معقوله عدي ناسي تليفونة افتريت فتحت الباب وشفت التليفون استغربت مو تليفونة كان يتصل مكالمه مسنجر من شخص اسمه.. ريح الصبا ..
شفت الاتصال حسيت بخوف ورجفه بكلبي انتهى الاتصال
اخذت الفون وركضت للغرفه وسديت الباب كان يوم جمعه واهل عدي عندهم عزيمة خطيبه اخو واهلها وعدي راح لبيت اهله #مدن_الاحزان
فتحت الفون بي رمز الرمز كان ارقام كنت اعرف عدي من يحط رمز ينساه لذلك يختار ٥ ارقام من الكيبورد ويختار 5 ارقام و5 حروف اللي جواهن حتى ماينسى كلت خلي اجرب دكيت من ١ لل٥ ودست الاحرف الجواهن مافتح
جربت من ٥ لل صفر والاحرف مافتح
اخر محاوله جربت من ٣ لل٧ والاحرف اللي جواهن فتح
دخلت ع المسنجر كان بي محادثات قليله وشفت محادثات الصفحة اللي كانت تتصل بي وااااااخ ياريت مافتحتها كنت اقرة المحادثات واحس نفسي مو اقرة كلام لااا عبالك موجهة سلاح على صدري وبايدي اطلق الرصاص على نفسي
اقرة واحس قلبي تسارعت ضرباته ورجفه اخذت جسمي كله احس حتى الهوى من يدخل بصدري يرجف
ما اكدر اوصف احساسي خوف رهبه صدمة #مدن_الاحزان
شفت صور وقريت كلام خلاني كعدت بالكاع وتجيت راسي ع الحايط ومرت كدام عيني ال١٠ سنوات اللي عشتها ويه قصي كل ايامنا ومواقنا الحلوة والمرة وكلمه وحدة ترن بالي ...لييييش ليييييش ..اتذكر كلمته من يكول لي سااارتي مسرتي وين راح هذا الكلام معقوله حبنا انتهى ومات
انا اسمي سارة الكل يدلعني سارونة الا زوجي ..عدي.. يدلعني سارتي يكول لان انت سري ومسروري وياج احس بالسعادة والسرور كنت طالبه مرحله رابعه علوم حاسبات من تعرفت على عدي اللي كان يدرس هندسه نفط
عائلتي امي وابوي واخوان ٢ هم الكبار واحنه ٤ بنات انا الوسطانيه كل اخوتي يتشابهون الا انا على كولتهم لحمه وطفرت من الكدر ..اشبه بيبي ام ابوي اخوتي على خوالي معانيهم حلوة مخرطة خشم طويل وجه بيضوي طوال وسط لاضعاف ولا سمان
انا شكل بيبي اللي كانت من اهل العمارة بيضه وجه مدور قرص خدود حمرر وقصيرة مو طويله طولي ١٥٥ طولي مسبب له عقدة😓😓😓
ابوي يحبنا كلنا وانا زيادة لان نسخة من امه وحتى طلعت يسراويه مثلها ابوي عنده خييير من الله محلات واملاك امي مرة مرتبه معدله من نسوان قبل تفهم بالاصول والاخلاق اخوتي الكبير سالم ااااوف سالم راح يعيشني ايام كلها مرار
والثاني مهند عكس سالم تمامآ #مدن_الاحزان
تعرفت على زوجي من كنت مرحله رابعه كان يوم احد وثالث محاضرة خلصنا وطلعنا انا وصديقاتي ٢ رسل وميس كنا ثلاثتنا نشترك بحرف السين باسماءنا طلعت من باب القسم كان اكو درج صغير ٤ عتبات وبعدها نمشي باتجاه الكافتريا اثناء مانمشي ونسوالف ماحسيت غير بشي قوي ضربني بوجهي وصارت الدنيا ظلمه
وعيت على نفسي بحضن رسل تغسل وجهي وميس حاطة كلينكس على خشمي
سارة ..ااخ راسي يمة راسي .شنو شصار
رسل ..دنمشي بباب القسم واكو ولد يلعب طوبه ويه صديقه ضرب الطوبه واجت بوجهج واغمى عليج
سارة ..هذا الدم شنو
خشمج وحلكج ضل ينزف
زين هذا اللي مسوي روحه رونالدو الغبي مايعرف هاي كليه مو ملعب كرة قدم
وسمعت صوت من وراي ..اسف اختي مو بقصدي والله
انا بسرعه كمت من حضن رسل واشوف كدامي ولد شاب شكل مرتب مو كلش حلو بس عادي ينطلع بي لباب الكليه
كلت له ..انت اللي ضربتني؟
انا بس صدكي مو قصدي
مو قصدك وسويت لي ارتاج بالمخ لو قصدك شتسوي تكسر رقبتي
اسفه واعتذر مرة ثانيه
بقيت واكفه وحسيت بدوخة كلت لرسل راح اتصل ببابا يجي يرجعني #مدن_الاحزان
رجعت للبيت وسولفت لاهلي واشتغل التصنيف كل ما واحد شافني وصااح ضربه جزاااء كووول كووول
تغديت ونمت كعدت لكيت وجهي مورم وخشمي صاير ضعف حجمه ووازرق وعندي كدمة رزقه بخدي
انا منا وجهي ابيض ومدور وصار خريطة طلعت من غرفتي اركض لامي ابجي ماما شوفي شصار بيه
امي..لا حول الله هسه هاي حاله بالله مخبل عاقل هالولد شلون تداومين وهيج وجهج
ماما يادوام انا الصداع موتني وعيني مغوشه خاف صار بيه شي حبابه تاخذيني للطبيب رحت ويه امي واشعه وفحص والحمد لله ماكو شي رجعنا وشفت ببابنا سيارة دخلنا للبيت طبعآ اني لبست بوشيه لان خجلت اطلع وهيج شكلي
من دخلنا للبيت كان اكو ضيوف عند بابا
دخلت قبل لا ابدل اجتي امي كالت تعالي نزلي ابوج يريدج
نزلت بسرعه وتوجهت للاستقبال لكيت رجال ومرة كبار بلعمر ووياهم رونالدو الغبي اللي ضربني تفاجأت بيهم وخجلت نزلت راسي
ام رونالدو شهكت وضربت صدرها يمممة ولك شمسوي بالبنيه
يمة خل اشوف وجهج يمه سودة بوجهي اكيد تعورتي
سارة ...لاخاله مو كلش
ام رونالدو ...اوووي اوووي يالطوبه راح تجيب لي جلطه مايشبع طوبه تمشي بدمة .يمة عذرينا سلامتج ان شاء الله
ابو رونالد ..عمي الحمد لله على سلامتج واحنه نعتذر نيابه عن عدي ...عرفت رونالدو اسمه.. عدي ..
لا عمي ماصار شي
شلون ماصار شي شوفي وجهج
كان عدي طول الكعدة ساكت واهله خطيه كانو جايين يتطمنون عليه لان ابنهم حجى لهم عن اللي صار وياي وجايبين كومة حلويات وفواكه
من سألت والدته خاله شلون اندليتو بيتنا كالت صديقه وياج بالمرحله مالتج مدلي على بيتكم
أنت تقرأ
هل اغفر له
Lãng mạnقصه حقيقه تحكي عن قصه حب تكلل بالزواج لكن للاسف نزوة مر بها الزوج دمرت هذه الزواج والعائله تابعولي القصه وما اوصيكم اريد تصويت حتى القصه تصعد بقوائم الواتباد فديت متابعيني
