#قصصي
#الكاتبه_مدن_الاحزان
#هل_اغفر_له
البارت 3
ومن تكول له موافقه يكول لها طلعتي تفتهمين مو ثوله لك بابا انت شنو....بين ماكملت جملتي خزرني خزرة وكال
هاي اخرررر مرة تتجاوزين هالمرة راح اعديها بس اياج تعيديها
_شوف عيني خل اكول لك شي الك مثل ما عليك
_شوفي سارة انا رجال ومايصير هيج تتجاوزين خلي نتفق من هسه ماريد تجاوز
_انا اكول لك مثلما الك ..عليك ...منو كال انت رجال لازم محد يتجاوز عليك لكن تتجاوز انت حلال ..لا عيني لا ..انا مطبقه نظام ..احترم تحترم
_سااااارة راح تتعبيني
_اصلا بلعكس انا انسانه سهله وبسيطة كل ما في الموضوع اكره سالفه الرجال شنو يسوي حلال
_سارة عيني خلي الاحترام متبادل بيننا حتى نعيش مرتاحين _اوكي
_اوكي اتفقنا
_يله انا تاخرت واريد اروح
_لا ابقي ماشبعت منج
_لا حباب تاخرت
_حباب شنو؟!!!!
_ها شنو حباب غلطة وماتريد اكولها
_لااا اريد كلمة احلى منها
_امممم مو هسه
_شوكت
_من يجي وكتها تطلع من قلبي بصورة عفويه
_زين انا راح اظل انتظرها منج #مدن_الاحزان
مشت الايام وبيننا تواصل وكان كلامة انه منتظر ابوه عنده شغل يخلص علمود يجي يخطب
بيوم كان خميس هو كل مرة يجي للقسم يسلم ويكعد شويه يكول ماكدر ابدي يومي بدون ماشوف عيونج ..خلص الدوام وانا انتظرة ما اجة رجعت للبيت وابد ما اتصل وماكدرت اتصل بي اخجل اتصل متعلمة هو يتصل
صار ثاني يوم الجمعه وهمين طول اليوم لا اتصال ولا رساله ظليت بقلق ومترددة صار العصر اخر شي اتصلت دك مرتين رفعه كال....الووو
_الوو حبيبي وينك شصاير من امس مامبين ؟
_ولج اشتعل عمي واشتعلت عشيرتي هاي الحبيبي الي يابه والله اليوم جاي اخطبج
_ههه ولك لاتاكلني بلسانك جاوبني وين كنت ليش مختفي
_الوالد رجع من السفر من يوم الاربعاء وخطار مابطل من عندنا
_زين الحمد لله تطمنت عليك ولاتكطع بيه مرة ثانيه
بالليل تقريب الساعه ٨ اندك الباب واسمع ابوي يكول تفضل تفضل ابو عدي ...ياااا عزا هذا سواها صدك كال اجي اخطب بليل ..ركضت على تليفوني كلت له انت وين ؟
_ببيتكم بالاستقبال
_صخاام يعني صدك سويتها
_ولج تلوميني من اكول ثوله اكولها انا ببيتكم اخطبج تكول صخام
_لالا بس ماعبالي تحجي صدك
_ولج ششايفتني زعطوط
_لاااا مو هيج
_يله كومي سوي لنا جاي حتى يقدمة ابوج ونكول له احنه مانشرب جايكم اذا ماتنطونة بتكم
_ههههه صار دقايق والجاي يمك
#مدن_الاحزان
وفعلأ خطبوني وابوي مبدئيإ وافق كال بقى بس نسأل عنه امي اعترضت لان ماعنده وظيفه ابوي كال لها عندهم واسطه مضمونة للتعيين والله هو الرزاق والدي وافق لان يكول هو راد الحلال احسن ما علاقه وطبه وطلعه خلي انطيها اله بلحلال افضل
بابا سأل عنه والكلام كله جيد عنهم ورجعنا خبر الموافقه وهمة اصلآ استعجلو بسالفه الخطبه هو الابن الكبير والفرحة الاولى والصراحة هو واهله ماقصرو ابددد كل شي زين وغالي جابو الي وسوالي حفله تجنن عزمت كل صديقاتي وكنت طايره من السعادة تزوجنا بعد شهرين صار زواجنا قبل الامتحانات النهائيه وعزمنا طلاب القسم كلهم وحتى طلاب قسمي اللي يعرفونة وسويت لي حنه ماصارت حضرو صديقاتي كلهم تونست وناسه ماصايرة وصار يوم عرسي لبست بدله حوريه تجنن وطلعت اميرة كان احلى يوم بعمري ومن صار الليل وزفونة بس انسد علينا الباب لوحدنا كال ااااايه واخيرآ راح اخذ راحتي
_اي والله حبيبي حتى انا تعبت اريد انام نومة ماكعد الا بعد ٣ ايام
_يله بالله شتحجي وياها ونوب تزعل من اكول ثوله
_اوووي هاي شبيك انت تكول اريد ارتاح كلت لك وانا بعد
_ولج ارتاح بحضنج تعاي تعاي اعلمج الراحة
_اوكف اوكف قبلها اريد منك وعد
_بشنو حبي
_توعدني ابد ماتدخل كلبك غيري ابددد واذا صار وحبك الي تغير تكول لي لاتخليني مغفله صدكني ما ءاذيك انسحب من حياتك بهدوء انا احبك وماقبل اكون غير الوحيدة بقلبك
_حبي شلج بهالحجي ..انا احبج وماتغير وهذا الكلب مايسكنه اثنين انت وبسسس
_واريد وعد ثاني منك اذا يوم واحد بينا قصر او انشغل اريد واحد ينبه الثاني مو يزعل وياخذ موقف لا نبهني وانبهك حتى نعيش حياه صحيحة
لاتظم عني شي حتى لو تغلط تعال وكول لي والله اسامحك
_لايظل بالج كلبي والله وعد لا اتغير ولا احب غيرج...ولو قصرتي احاجيج وانبهج
واخذني بحظنه وعشت احلى مشاعر صدك الحلال احلى تحب وتتزوج هاي نعمة من الله ...#مدن_الاحزان
رب العالمين يوفق اللي يحب ونيته حلال اللي يحب ومايدخل الحرام بحبه لابنظرة ولا لمسه ولا كلمة.. الله وفقنا وجمعنا لان حبنا طاهر
عشت وياه اجمل ايام.شنو اكول وشنو احجي عن دلاله معاملته الي بكل حب واحترام يهتم بي عبالك طفل يسأل عني اذا طلع ومن يرجع وهو بالطريق يسأل اكلت لو لا اذا كلت له لا يجيب لي الاكل اللي احبه من المطعم
اذا طلع للاسواق يرجع محمل حلويات يكول خاف تجوعين وتستحين تاكلين
اذا طلعت وياه لسوق بس ينتبه اني اباوع لشي يكول تعالي اخذي حتى لو ما اريده يكول اخذي حتى من يكون ماعنده فلوس مايحسسني انه ماعنده بس انا اعرف وابد ما اضغط عليه ..
كنت على طول احمد ربي واشكره عليه كان حبيب وعاشق اذا مريت كدامه لو يغمز لو يشمر بوسه بالهوا حتى لو اهله كاعدين ..
انا ابد ماقصرت ابد عاملته بحبي كان كلبي اللي يتصرف وياه مو عقلي
أنت تقرأ
هل اغفر له
Romansaقصه حقيقه تحكي عن قصه حب تكلل بالزواج لكن للاسف نزوة مر بها الزوج دمرت هذه الزواج والعائله تابعولي القصه وما اوصيكم اريد تصويت حتى القصه تصعد بقوائم الواتباد فديت متابعيني
