هل اغفر له

البارت الاخير

#قصصي
#الكاتبه_مدن_الاحزان
#هل_اغفر_له
البارت 13 والاخيررررررر

_قبل لاتطلع منا تطلكني
_ها سلامات شنو رجعن طبكن
_لا طبكن ولا شي مثل ماسمعت
_سمعت وماطلك وبطلي تحجين بهذا الموضوع
_ط ل ك ن ي هيج كلتها بالتقطيع
_سارة لعني الشيطان وكعدي لاتهجمين بيتج
_العن الشيطان انت  بدل ماكاشخ وطالع عريس
_سارة لاتتخبلين كعدي وسكتي
_ما اسكت واذا ماطلكتني والله ترجع ماتلكاني
_اريد مرة تطلع وشوفي ان ما دفنتج بيدي انا مو عدي .احترمتج زايد انا امشي ولي كعدي وصوتج ماسمعه وان دريت انج عتبتي الباب والله والله اذبحج بايدي

عافني وراح تخبلت وين اروح امي ماتريدني وصعبه اعيش وحدي جهالي صغار .راح يخطب وانا اضل مثل بيت الوقف اربي جهاله وهو يتزوج وانا انركن على جهة كعدت ابجي والطم تندمت لان رجعت له لو ظاله ببيت مهند افضل
ظليت ابجي واتكطع ليش ياربي اختبارك صعب عليه ليش تمتحني بحبيبي ياربي صور بالفون ماتحملت اشوفهن شلون اشوفه ويه غيري وكدام عيني ماعرف شكد مر من الوقت حسيت باب الغرفه انفتح ودخل هو
لا اراديآ ركضت عليه واضرب بصدره كذاب انت كذاب تكول احبج وانطيني فرصه كذاب
_شبيج سارة شبيج
_كذاب كلت لك ماتتحمل اذا رجعت لك كلت لي اتحمل وشوف موقف واحد تعاركنا بي وعصبت عليك عفتني ورحت خطبت
_خطبت ؟ منو كال لج
_امك كالت قبل كم يوم اذا يظل هيج اخطب له وهاي انت اليوم كاشخ ورايح تخطب ...ع الخير مبروك ..وين كلامك تحرم علي غيرج مرة وينه بس كلام .....كعدت  ع الجربايه ابجي واشهك
_اجه بصفني حظني وكال كافي لايصعد ضغطج وين اروح انا والجهال
_عندك خطيبتك تزوجها امك تكول ازوجه ببيتي وانت ظلي هنا .تزوج وطلكني وجيب مرتك هنا
_واهلج شلون مو مايقبلون
_ماعليك بأ هلي انا وياهم نتجازة شنو قابل يذبون بنتهم
_هذا هو براحتج بس حطي ببالج انت جبرتيني على هذا الشي..
#مدن_الاحزان
هنا انا غوشت عيوني وماحسيت شي وعيت لكيت نفسي بالمستشفى وجسمي خدران وراسي يوجعني وكوة اجر النفس غرفه كنت بيها وحدي ورة شويه اجت ممرضه ودكتورة واكو اجهزة مربوطة بيه وطلب الدكتور تخطيط للقلب استغربت شصار بعدها طلعو والدكتور كال تبقى تحت الملاحظة افضل ماتطلع
عدي ...ماشي دكتور بس ممكن ندخلها بالخاص غرفه وحدها
نقلوني بغرفه وانا تعبانه لا اشوف بوضوح والم بين ضلوعي كان ابو عدي كل ساعه يستغفر ومبين ضايج
سارة ..عدي شصار ليش انا هنا وليش ابات
عدي..قلبي كم مرة كلت لج لاتعصبين لاتقهرين نفسج انت ضغطج ممستقر احسن هيج صعد وحتى القلب تعب وصار بي قصور بعمله ليش تخوفيني عليج ياروحي
_ههه اخوفك روح بابا خاف على نفسك وخطيبتك
_اششش لاتحجين شي بعدين نحجي
ابو عدي ..شنو بعدين لمن تموت البنيه احجي هسه ترى والله انت وامك احركهم هنا ..بابا سارة ترى لاخاطب ولا شي راحو لاهل مرت حسن زعلانه وهو وياها متخاربين كلش وراحو ياخذون من خاطرها ويفتهمون شنو سبب المشكله ترى انت مفتهمة غلط
تفاجأت بكلامه وصفنت على عدي ليش ماكال الصدك
عدي..صفنت بوجهي وفتحت عينها كلها علي احس تسألني ليش ماكلت ..كعدت يمها ولزمت ايدها اني مو كذاب ولا عمري تصير لي مرة غيرج انا اريدج الج وقبلت اتوسل وانذل بس حتى تظلين كدام عيني وقريبه مني
عمي اخذ عمتي وطلعو بقت دموعي تجري كام عدي شالني من السرير وحط راسي على صدره
ولج اموت عليج والله تخبلت من حسيت راح افقدج حاولت شكد ماطلكج بس يوم خابرتي وكلتي تلعب نفسي منك كلت هاي وصلت مرحله كرهتني وتعرفيني ماكدر ارد لج طلب وطلكتج غصب والله
وانا اللي انتقلت حتى اجيبج ببيتج ترجعين ومن صارت مشكله سلام ورجعتج والله لخاطرج اعرفج متتحملين متعلمة ع الهدوء والترتيب ممتعلمة احد يفضل عليج
وحتى من حاجيت امج ماردتج تتركيني .شلون بعد هذا كله تتوقعين اروح اخطب ولج لو يرجع الزمن بيدي احط براسي طلقه ولا اسويه واخذ غيرج
ليش ليش فدوة جاوبني ذبحني هذا السؤال ليش فكرت بغيري شنو مو حلوة انا ما املي عينك جسمي خرب من الحمل ومن هيج تركتني جاوبني ليش كول قصرت بشي
ماقصرتي وابد ماتغيرت نظرتي الج بس انا مادري شلون زليت شلون مريت بهيج نزوة ما ادري بس الله رادني اعرف قيمتج
بقيت ابجي واشهك حظني حيل وصار يبجي وياي تفاجأت بي لان عمرة ماكان ضعيف ظليت اباوع بوجهة
لزم وجهي بايديه كال رحميني وسامحيني صيري احسن مني وسامحيني دااموت انا اشوفج تاكلين ماصخ خايفه من الضغط اتكطع بداخلي اكول اذيت حبيبتك اليوم طحتي بين ايدي ردت اموت والله ..انطيني فرصه بس اصحح غلطي بس اداوي جرحج
_انعقد لساني ماعرفت شنو اكول ...
_ها حبي جاوبي ؟
_صعب عليه انا حتى مالي ثقه بنفسي اكون زوجة او امرأة بحياتك ماعندي ثقه بنفسي
_بس رجعي وانا ارجع ثقتج
_تقبل ارجع لك كل شي الا مرأة الا زوجة بالفراش
_يعني شنو
_يعني ما اكدر تتقرب لي
_ميخالف بس رجعي طبيعي وياي وهاي الشغله بمرور الوقت تنحل ..جاوبي  قلبي خل ارتاح
ميخالف
حضني وصاااح اااخ ااااخ ولج موتيني شسويتي بيه ماصدكت ترجعين
رجعت واول يوم كانت صعبه عليه حيل بين مامتقبلته وبين اكو بقايا للحب كان يعاملني بكل حب وهدوء
كان مصر على شغله الفراش ويكول لازم لان
اكو مشاعر نعبر عنها بالفراش وتقرب لي اول مرة كانت صعبه ودموعي ماوكفت لكن بعد كم مرة احسن صرت لكن الحق يقال هواي مرات اتذكر اللي قريته وشفته وابجي واصير عصبيه واسمعه كلام اغثه احس انتقم منه على اللي سواه
ماعندي ثقه بيه تامه لا الشك يتسلل لقلبي ما احس بالامان وياه لان اللي صار صعب ينسي
ادعولي اتوفق بحياتي وانا ادعيلكم ربي لايشوفها لوحدة منكم شعور الخيانه اصعب احساس ممكن تحسينه
اوصي جميع الازواج والمحبين لاتخووون دخيل ربك لاتخون طلكها اتركها بس لاتخونها لان انت هيج تذبحها مو تخونها
واوصي كل زوجة لاتحبين زوجج اكثر من نفسج .حبي نفسج ولاتحرميها من شي وتالي حبي زوجي ..لاتخلين زوجج هو محور حياتج حتى من يتركج ماتنهدم حياتج
كنت اسمع جمله...ماكو رجال مايخون...كنت اكول لا اللي عندي غير عن باقي الرجال
هسه انا اكول ..ماكو رجال مايخون وماكو رجال غير...
لاتوثقين برجل ثقه عمياء حتى لاتنصدمين
والله يبعد عنكم الخيانه والمشاكل