#قصصي
#الكاتبه_مدن_الاحزان
#هل_اغفر_له
البارت 9
اجة مهند وكال عدي موجود يريد يحجي وياج ..اتوقعت جاي علمود يشوف الجهال .رحت سلمت وكعدت
عدي..سارة انا جاي لج بموضوع واريد تفهميني انا مو قصدي استغلج او شي انا جاي اريد ارجعج اعرف سلام وتفكيره وماريدج تتبهذلين لان انا السبب لو ماغلطتي انت كان هسه معززة مكرمة ببيتج لاعبالج استغل ضعفج لا والله انا لو اريد استغل وضعج كان طالبت بجهالي واخذتهم منج بس انا علمودج ماريد تتعبين ...لاتجاوبين هسه فكري وجاوبي
تركته بدون ما انطق حرف واحد وطلعت .رحت لزنوبه حجيت لها كل شي كلت لها شتكولين شوري عليه شسوي انا اريد اكعد ببيتي واستقر وارتاح
زينب...افااا سارونة هنا ممرتاحة
_لا والله ماقصرتو بس خجلانه منكم مكانكم صغير وانا فوقكم ..
_اذا تردين الصدك الولد ماقصر صح غلطته اذتج بس كافي عاقبتي الله يغفر للقاتل وانت ماتغفرين لعدي
_دخل علينا مهند كال خيتي تردين تبقين احطج على راسي تردين ترجعين ماعندي مانع انت تردينه شنو
_اريد ببيت الي محد يذلني ويتحكم بيه مثل سلام لو مثل عدي يتركني ويتزوج واظل محتارة بعمري
_سارة الولد حجيت وياه يكول انا اعرفها ماترتاح متعلمه على بيتها ومكانها اعرف طباعها ماعندها صبر متأكد هي ممرتاحة ..خويه من كلامه مبين يحبج
_الله كريم افكر واجاوب
بقى الليل كله يراسل ويدز مقاطع فيديو اشعار
فكرت هواي وبعد كم يوم اتصلت بي وطلبت منه يجي علمود احجي وياه مر عليه للمدرسه طلعت وياه وكعدنا بمكان عام .
عدي انا اذا وافقت ع الرجعه عندي شروط
موافق بدون ما اسمع
لا اسمع ..اول شي زواجنا ع الورق ماكدر اكون زوجه فعليه .
.ميخالف
انا راح اطالب بورثي من ابوي اريد توكف بجانبي
..ميخالف
دوامك تنتقل يمنا واذا سلام تعرض لي اريد توكف بوجهة
..صار
بس احصل ورثي واشتري بيت باسمي ننفصل.
..هاي شنو صدك تحجين
اي صدك
يعني افهم من كلامج اني وسيله تستخدميها علمود تحصلين ورثج
لا علمود ءامن مستقبلي ماريد اعيش بخوفه لايوم تتزوج علي واضل بلشارع لو يوم ارجع لسلام ومذلته
ماشي موافق مايهون عليه اكدر اساعدج وماساعد #مدن_الاحزان
رجعت للبيت وحجيت كل شي لمهند وماقبل لكني كنت مصرة على قراري وكلت لامي تجي لي ببيت مهند هي وعمي ويجي عدي واهله يرجعوني منا امي طبعآ ماتعرف شي عن الاتفاق لان ماراح توافق
عدي جاب اهله وشيخ وعقدنا ورجعت وياه امي كانت فرحانه وكالت ماما انسي الفات وارتاحي واستقري
من رجعت للبيت عمتي اخذت الجهال وكالت اخذو راحتكم اليوم عدي خطيه بعد يومين يسافر
من طلعت عمتي رحت للغرفه اريد اغير ملابسي اندك الباب.
.تفضل
دخل عدي وظل واكف كدامي وبعيونة حجي. احجي عدي شكو
تدرين شكد مشتاق لج وتدرين شكد صعبه علي انت حلالي وماكدر اتقرب لج
عدي احنا اتفقنا من البدايه وانت ما اعترضت وانا ماغشيتك
_اعرف اعرررف ..ومستعد اسوي اكثر من هيج بس انطيني امل ممكن يوم ترجعين
مادري ماعتقد اكدر انسى او اتجاوز اللي سويته بيه
اريد اطلب منج طلب اذا الي شويه خاطر
تفضل
خلينا ننام بنفس الغرفه ماسوي شي بس احس انت قريبه مني
ليش تصعبها على نفسك
ما اصعبها ..بس اريد احس انت قريبه مني
صار بس انت كلت ماسوي شي
تعشينا وبقيت ارتب الاغراض اجة يمي بالغرفه كال انا راح اروح بعد يومين ومناك اقدم على نقل بين مايكمل النقل انت لاتسوين شي ع الورث خلي ارجع هنا وتصرفي
ماشي
ماريد يجي يتهجم عليج وانا مموجود
اوك
عمليتج شلونها وضلعج طاب؟
لا ماطاب باقي يوجعني واذا اكح لو اشيل ثقل اتأذى.الدكتور يكول ياخذ فترة ونوب يروح الالم
ان شاء الله ماكو شي
سارة
نعم
اسف ولو اكو كلمة اكبر منها تعبر عن الاسف كان كلتها انا السبب بكل الم حسيتي بي انا نذل ماحافظت عليج ...الله خلاني اسوي هيج حتى اعرف قيمتج واعرف اني ماعيش بدونج
ميخالف الصار صار بعد
مرت اليومين وراح عدي لدوامه .وبقى يمشي باجراءات النقل وماخلصت النقله مالته الا بشهرين كان يوميه يتصل يسأل علينا ويراسلني مابطل صور اشعار واحلى كلام حب
_واكول له لا تتأمل
_لو لا الامل لانقطع العمل
_حبك بقلبي مات لاتحاول
_صح مات بس شجرة حبي بعدها مزروعه وجذورها موجودة
_شلعتها هي والجذور
_مو مشكله ارجع ازرع حبي من جديد
_من شلعتها شلعت وياها وصله من كلبي مابقى مكان للحب
_كلش زين حتى ازرع بقلبج حب جديد الي لان انا هسه احبج اكثر من قبل
_اوووو النقاش وياك بدون فائدة
#مدن_الاحزان
كان هذا حالنا طول اليوم .مرات ينشغل مايراسلني اضوج اكول شنو مل مني .يرجع يراسل افرح احس نفسي اتشفى بي وهو يحاول يرضيني بأي طريقه كنت انتقم لنفسي ولاحساسي كأمرأة من اشوفه يتوسل بي ارجع
كملت اجراءات النقل وحجيت وياه عن موضوع الورث .اقترح عدي اشوف اخوتي شيكولون ومانسويها قضيه لانروح لعمي وهو يتفاهم وياه لان هو لازم المحلات والشغل وصدك تجمعنا ببيت مهند وحجيت وياهم خواتي ترددو وكالو صعبه انا كلت بكل صراحة انا هذا حقي الله كتبه الي ومحتاجته انا تبهذلت بدون بيت واخوكم ذلني لان ماعندي بيت واريد حقي احط لي بيت باسمي لايدور بي الزمن
وانت مهند الى متى تظل بالايجار وراتبك ضعيف .
أنت تقرأ
هل اغفر له
Romanceقصه حقيقه تحكي عن قصه حب تكلل بالزواج لكن للاسف نزوة مر بها الزوج دمرت هذه الزواج والعائله تابعولي القصه وما اوصيكم اريد تصويت حتى القصه تصعد بقوائم الواتباد فديت متابعيني
