شي غريب ان يكون للايام ثأر قصتي تنبئكم بأن للايام ثأر وانكم ستدفعون ثمن أخطائكم ان كانت صغيره او كبيره فلابد ان يحاسب المرء عن ذنوبه وسوف يدفع الثمن يوما ما
ثأر الايام
همس القوارير
البارت الاول
السلام عليكم اني اسمي فاتن مواليد ١٩٨٧ من سكنه الحله بابل والدي متوفي وعايشه ويه امي وعندي اخ واحد اسمه سجاد احنا ساكنين بيت جدي ويه عمامي بيت جدي كبير كل واحد من عمامي بيه اله غرفه كبيره بس غرفتنا صغيره وعدهم مزرعه يرحون امي ونسوان عمامي يشتغلن بيها ابوي الله يرحمه جان جبيرهم وضابط طيار وعلى حياة ابويه جانو مدارينا ويحبونا حيل من توفى ابويه بحادث سياره صرنا عاله عليهم ومحد يهتملنا نسوان عمامي شدو ويه امي حسره عليها تحجي يتعاركن وياها وجدي يباوع حتى على اللگمه الي تاكلها بالرغم هي جانت بنت اخوه بس ولا اهتملها ولا عبالك عمها امي اكثر الاوقات اشوفها تبجي انقهر عليها اجي يمها واحضنها وامسح دمعتها
فاتن
ماما ليش تبجين
امي
ماما اشتاقيت لأبوج ودابجي
فاتن
ماما انتي تحبين ابويه
امي
اي طبعا احبه شلون ما احبه وهو جان شايل عني كولشي وما احس لا مسؤليه ولا تعب
فاتن
الله يرحمه اني همين احبه
امي جانت تخيط للنسوان وجانت غرفتنا صغيره حيل وكل اغراضنا بيها ماكو مكان نلعب بيه اني وسجاد اخويه جان اصغر مني بسنتين من واحنا صغار شالعين گلبها لأمي خطيه وجانت اكثر الاوقات تحبسنا بالغرفه علمود لا نتعارك ويه بيت عمامنا ونسويلها مشاكل وياهم اشوف امي دائما لابسه اسود اجي اسألها
فاتن
ماما انتي ليش متلبسين مثل عماتي ونسوان عمي الوان ليش متلبسين احمر او اخضر او اصفر
امي
لا ماما ميصير البس هشكل اني حزينه على ابوج
فاتن
وشوكت تلبسين ملون مثلهم
امي
من تكبرون وتصيرون بالكليه وتتوضفون عود اشتريلي دشداشه حمره والبسها
فاتن
اي ماما من اكبر كلشي اشتريلج
ماما خلي اطلع العب ويه بنات عميامي
لا ماما گعدي يمي حبيبتي تدرين لجدو بس تطلعين يصيح عليج وعماتج همين ميقبلن
امي تخيط ومن فلوس الخياط احنا عايشين جانت عند امي علبه بيها هواي ذهب
امي
باعي ماما هذا الذهب كوله الج من تكبرين وتزوجين
فاتن
الله يخبل حبيبتي ماما
واحضنها
فد يوم من الايام اجيت داطلع الذهب مالت ماما اشوفه ما لگيته بالعلبه
فاتن
ماما اشو العلبه مبيها ذهب وينه
امي
لا تخافين حبيبتي الذهب اني بعته حتى نبني بيت ألنا
فاتن
الله راح يصيرلنا بيت لوحدنا وغرفه ألي وغرفه لسجاد
امي
اي حبيبتي بس راح نسوي غرفتين بالبيت وهول صغير ومطبخ وحمام وطارمه وحديقه صغيره
فاتن
اني اريد غرفه ألي وغرفه لسجاد
امي
مو مشكله اني انام بالمطبخ
فاتن
يا حبيبتي انتي تنامين يمي بالغرفه اني ما اگدر افاركج
بقينا نراقب البناء