ثأر الايام
همس القوارير
البارت الخامس
بقينا فتره نتخابر بس اتهرب من سوالفه الى ان فد يوم صارحني انو متعرف على محاميه وياه بالمحكمه مطلقه ورايح وياها لبيتها وممخلي شي ممسويه وياها حتى زنا والعياذ بالله وبيني وبين نفسي يااا صخام عود هذه متعلمه ومحاميه واصله مرحله ومثقفه لعد شخلت للمراهقين اشو هذا دزالي الصور اني هنا فارت روحي
فاتن
ضرغام ليش تخوني گتلك الف مره تعال اخطبني اني اعيشك ملك اني اخليك اسعد انسان بالدنيا كولشي اوفرلك اذا تزوجنا ليش تخوني
ضرغام
انتي بعدج ما متخرجه واني شاب اريد اعيش واتونس واهلج مقابلين على خطبتنا يعني لا ترحمين ولا تخليني ارتاح
فاتن
انت معليك بأهلي يقبلون انت بس تعال اخطب ولا تخوني والله يقبلون اني حجيت وياهم هم قبلوا بس قنع اهلك وتعال
ضرغام
الله كريم احجي وياهم واشوف شنو السالفه
هنا خبلني ساعه يگول اهلج ما ينطوج وساعه يگول تخرجي وساعه يگول امي مريضه الى ان ضل يسحب نفسه شوي شوي واغلق جهازه ادگ عليه ماكو اسأل محد ينطيني خبر عنه واختفى من حياتي ولا يذكرني ابد وبعد ما اعرف عنه شي
بلشت امتحانات اخر السنه وصارت حفله التخرج بالرغم جنت مكسوره وتعبانه نفسيا بس اتضاهر اني مبيه شي اصنع الابتسامه على وجهي حتى اخفي حزني وقهري زميلاتي يسألوني خلاص تخرجتي شوكت ضرغام يخطبج ابرر بألف عذر وعذر حتى اخفي الحقيقه المره مجنت اصدگ بكلام امي من تگولي يلعب عليج عوفيه لو يريد يسوي المستحيل ويجي يخطبج اوووف يالقهر حيل تعبت نفسيتي خلصت الدراسه وگعدت بالبيت وامي تشوفني مكسوره ومقهوره وما تريد تسألني عن ضرغام وتجرحني بس مجرد ما گعدت يمي
امي
ماما طز بكل واحد ميقدرج الي ميخليج تاج على راسه متلبسيه نعال برجلج (تكرمون)
اني حضنتها وضليت ابجي من قهري حست بيه حبيبت قلبي امي اختي وصديقتي ونضر عيني ضليت ابجي بحرگه وألم ودعيت ربي يشيله من بالي وگلبي لان حيل تعبت وسلمت امري بيد الله
هنا عطلنا وشويه نفسيتي تعبت اشوف ابن عمتي معجب بيه نضراته وسوالفه تدل على انه يحبني گلت خلي اتعرف عليه يمكن احبه ويحبني ونتزوج واكون اسره وافرح امي ضليت ابادله المشاعر والنضرات والاعجاب من تعرفت عليه وتبادلنا الارقام بدينا نسولف ونعرف شخصية بعض اكثر هو اسمه خالد وضابط بس ولا كأنو ضابط طلعلي مراهق اكثر من القبله مره كنا دنسولف
فاتن
والله اني همين حبيتك گلت ابن عمتي واولا بيه سجاد ياخذ بنت عمي واني اخذك انت ابن عمتي ونتقرب لعمامي
خالد
اي عفيه عليج تفكيرج حلو بس ميصير هيج علاقه فارغه لازم بيها شويه حب
فاتن
واني اموت عليك مو بس احبك
خالد
مو حب بس كلام لازم تضحيلي شوي
فاتن
يعني شلون مفهمت أمرني واني عيوني ألك
خالد
اكلج احنا مو واحد يحب الخ ليش ما اجيبلج حبوب منوم تخلين لامج واني اجيج بليل نگعد نسولف ونتسامر ونتونس
فاتن
شنو هاي دتحجي صدگ لو تشاقى بربك هذا حجي مال واحد عاقل اكيد ما اقبل
خالد
لا تضلين متخلفه لازم نمارس الحب حالنا حال العشاق اذا انتي ميبستها عليه اني همين شاب واحب
فاتن
انت شلون تقبل هيج مستحيل اني راح اصير مرتك شلون ترضاها
خالد
زين تعالي طلعي هسه بليل ونتقابل
فاتن
لك اني عرضك انت شلون تقبلها عليه هيج شبيك خالد والله عجيب امرك سوالفك تعجيزيه
خالد
يعني انتي لا ترحمين ولا تخلين رحمة الله تنزل شنو انتي
فاتن
والله ما اگدر طلباتك صعبه وما تنحمل
خالد
اوكي هذا اخر طلب اطلبه منج دزيلي صورج وانتي عاريه
فاتن
اووف ياربي طلب اسخف من طلب ما اگدر كلهن صعبات ومو من اخلاقي مستحيل اسوي الي تريده ما اگدر والله سوالفك محلوه
خالد
اوكي براحتج بس راح تتندمين يلا باي
وسداه زعل ضليت ادگ عليه ميجاوب ادزله مسجات ماكو حضرني بقيت الليل كوله محتاره تالي عفته ونمت واني الف فكره بالي يا ربي شنو هالحظ الي عليه دخيلك ربي ارحمني شنو شبيه هذا ليش هيج يتصرف وياي معقوله اكو هيج حب لو يحبني ميطلب مني هالسوالف لا وفوگاها زعل يومين ميحجي وياي ورى يومين تقريبا من زعلته وياي