ثأر الايام
همس القوارير
البارت الرابع
وصدك امي ما صدگت راحت لبيت عمي وحجزت ضحى لسجاد وكيفوا بيت عمي بعد ينتضرون سجاد يتخرج وتصير علني تقريبا ورى نصف السنه واني ثاني كليه كنت بالصدفه گاعده بنادي الكليه اجه ولد شاب گعد گبالي ويباوع عليه اني بالبدايه تفاجئت بعدين شفته تقرب عليه الولد اسمه ضرغام
ضرغام
السلام عليكم
فاتن
وعليكم السلام اخي تفضل
ضرغام
ممكن نگعد نسولف شوي
فاتن
اي عادي تفضل
ضرغام
اني ضرغام من كركوك
فاتن
يااا لعد شعجب هنا تدرس
ضرغام
اي والله بعد اجيت هنا اني طالب مرحله ثالثه قانون قسم داخلي
كعدنا نسولف ونتشاقى لاول مره انعجب بشخص بصراحه شخصيته حلوه وحباب وخلوق ضلينا نلتقي يوميه وصار تعارف بينا وحبينا بعض بليل عالتلفون وبالنهار بالكليه وكلش تقربنا من بعض واتفقنا على زواج اني وياه الكل بالكليه عرف اني احب ضرغام وهو يحبني وگال من تتخرجين اخطبج ونعيش سوه بعدها هو تخرج واني صرت ثالث كليه وسافر لكركوك يم اهله وبقينا على تواصل بالرغم التهينا بدراستنا وكان عدنا تطبيقات اني بالمدارس وهو بالمحكمه بس بقينا متواصلين اهلي عرفوا اني احب ضرغام
فاتن
ماما والله احبه وما اعيش من غيره
امي
لج يمه مو من ثوبنا هم سنه واحنا شيعه وحتى لو احنا وافقنا اهله ميوافقون
فاتن
لا يوافقون بس انتي ارضي فدوه اروحلج
امي
سجاد ميقبل يوم ومو من مذهبنا
فاتن
انتي قنعيه والله ما اتزوج غيره لو يصير نبي
جنت مصره على موقفي اهلي صحيح كانوا رافضين ارتباطنا بس جنت اگدر اقنعهم والله من حبيته لا فكرة بعقيده ولا بمذهب كل همي اعيش وياه عالحلوه والمره من حجيت ويه ضرغام الضاهر اهله همين معارضين ويحاول يبرر الموقف طبعا ضليت مصره على موقفي كلما اهلي يكسرون موبايل اشتريلي غيره واخابره يوميه اگوله خلاص اخطبني بالفتره الاخيره قلت مخابرات ضرغام ألي ضل يخابرني بس بليل اشو تغير حتى بكلامه وصار انسان ثاني كلامه كله عن الجنس والشغلات الي محلوه اگوله
فاتن
شلون تقبل تحجي وياي هيج حجي
ضرغام
من ضيمي كلها الشباب متونسه وتطلع وتطب وعدهم بنات واني ماكو اتگلب بفراشي
فاتن
بس اني ما اكدر احجي وياك هيج كلام اخاف امي تسمعني لا تحرجني ويه امي من ننخطب كلشي نسولف شوكت تخطبني
ضرغام
بالاول تخرجي واجي اخطبج
فاتن
ما بقى شي تعال بس اخطبني وبعدين نتزوج
بقيت هيج وياه اذا ما احجي وياه بسوالف المراهقين والسوالف الي بلا اخلاق يزعل اووووف والله احتاريت وياه اتهرب من سوالفه واغير الف موضوع وموضوع بس هو الي اباله اباله عبالك قافل على سوالف المراهقين التعبانه