ثأر الايام
همس القوارير
البارت ١٢
رجعت وبلشت حياة الا مباله ولابسته واشتغل وانضف وحياتي حلوه وي الجهال حاولت اكسبهم اسويلهم كيك وحلويات واحاول اقربهم ألي اگول ميخالف بلكت من يشوفني زينه وياهم هالشي يشفعلي يمه ويحن گلبه عليه بالرغم طبعا هو منع المصرف مني واهلي كل شهر اروح يوم واحد وارجع لان ميقبل ابات وماكو تليفون ممنوع همين گلت ميخالف لحد ما يأمن بيه وهواي امور حاربني بيها بس اني ممهتمه وبلليل اطب لغرفتي واقفل الباب مااخلي يتقربلي لاني مااحسه رجل بس مجرد من يحتاجني يجيني وهمين بأسلوب محلو ولا كانما زوجه وسوالف غزل وحب لا بس مجرد يشبع غريزته وبس والرجل الي مايثق بمرته ماكو داعي ياخذ راحته وياها ويشمرها هي مو جاريه المرأه تسلم نفسها لزوجها مقابل حبه واحترامه وثقته بيها وامان ألها صح هذا حق الرجل وحرام المراه تحرمه من حقه بس اني هم حقي واني ماطالبه شي منه اريده يعاملني مثل الخلگ والناس لشوكت حياتي هيج مجرد حب واهتمام مطالبه اكثر
مرت 4 اشهر على هذا الوضع وفد يوم من الايام طلبت منه فلوس يعني ممعقوله زوج راتبه 900 الف ماينطي لزوجته 5 الاف دينار ابد والله وروح ابوي الف دينار ماينطيني حسره عليه الالف من اروح لامي تنطيني فلوس كتله
فاتن
اريد فلوس حالي حال اي مره اريد اروح صالون اشتري ملابس محتاجه غراض انتو شنو عبالك المراه تحتاج بس مسواك وطماطه وخيار ...
امجد
شتسوين بالفلوس انتي نعال مكطع تكرمون هواي بحقج وهواي عليج
فاتن
شنو هاي هسه لو مهما يكن هم المفروض ماتكول هيج كلام خدامه الك ولجهالك قايمه بواجبي وحارمني من كل حقوقي وساكته صرت بس هيكل ويمشي من التعب والشغل اركض من الصبح لليل قايمه بواجبكم انت واطفالك نعال مكطع هواي بحقي ليش ليش يالحباب يالمثقف يالمتدين ليش والله انت ماتستحي لو تستحي جان ماكلت هيج كلام
شو هذا تخبل
امجد
ولج اني مااستحي ياساقطه يا كذا ياكذا اله اعلمج اهلج ما عرفوا يربونج انتي بنت شوارع انتي وانتي وانتي
وخابر اخوي وگاله اني هم حجيت لاخوي الصار بالتفصيل وليش كتله انت ماتستحي يعني تعبت هسه انت متتعب من هيج وضع يا اخي حس بيه بس اني شرايده والله كمت احسد كل وحده زوجها يدگ عليها ويسألها وين انتي اباوع للنسوان شلون يحجن بزلمهن وشلون يداروهن ويشترولهن كولشي واني محرومه ولا عبالك متزوجه من يجيبون طاري الزلم ابقى ساكته لان ما عندي شي احجيه شنو احجي وشگول سكتنا عالسالفه وهدئت الامور بس نفس الوضع متغير شي هو هو
بعد يومين حسيت نفسي مريضه وفقر دم حاد واتقيئ وحالتي حاله كتله اني مريضه اذا ماتاخذني للطبيب اخذني لاهلي لان راح اموت يعني اموت يمك يلا تصدگ بيه طبعا هوه ابد ماياخذني للطبيب ويكول انتي كذابه مو مريضه ويجيبني يذبني اباب اهلي وهمه ياخذوني للطبيب هالحاله صارلها سنتين .
