ثأر الايام
همس القوارير
البارت السابع
تفاجئت من ردة فعل خالد ممعقوله هيج يسوي بيه صخام الصخمني وين اروح وين انطي وجهي
عمتي
يمه شوفي حالج هذا خالد ممسوي شي ابني ميغلط هيج غلطه
فاتن
عمه فدوه اروحلج اني اروح احجي وياه
عمتي
امشي وياي ونشوف الصدگ وين
رحنا اني وامي وعمتي لبيت عمتي وخالد جان موجود
فاتن
اترجاك خالد لا تسوي بيه هيج انت تعرف واني اعرف ماكو غيرك كسرني واصلا اني ما اعرف غيرك
ضليت اتوسل بي حباب شهر وطلكني بس استر عليه
خالد
يااختي احجي كولي منو سواها بيج اني اجبره يتزوجج لتذبين بلاويج على غيره .صيري قويه وكولي منو شنو استر عليج اني شعليه گولي منو واني اجيبلج حقج اني ممتوازي ادفع غلطة غيري انتي شوفي حالج لا تذبين بلاويج عليه
ضليت صافنه وكتله
فاتن
حسبي الله ونعم الوكيل اني فعلا راح اصير قويه وسلمتك بيد العباس ابو فاضل هو ياخذ حقي منك اذا جان هو العباس اخو زينب يبين حوبتي بيك
وطلعت وهو طلع مثل الشعره من العجين واني طلعت كلي حسره وندم وقهر اوووف ياربي سامحني والله شنو يصير بيه استاهل اني صوجي هذا ذنبي ولازم ادفع الثمن
هيج مرت الايام والعمر يمشي بيه
جنت هستوني متخرجه وماكو وضيفه ضليت اشتغل وي امي بالخياطه التزمت بصلاتي وصلاة الليل والصوم والقران والحجاب وبقيت سنتين على هذا وضعي واخوي صار ضابط وامي اجبرته يتزوج بنت عمي والحمدلله تزوج وجانت حيل حبابه وگدرت تكسبه الها وتخليه يحبها واني جنت كلما اطلع ويه امي يجون يخطبوني لان ملتزمه وحلوه ومرتبه بس القسمه ما تصير كلما انخطب ولا خطبه اكتملت بس مجرد كلام
مره رحنا لكربلاء شافتني وحده تاخذ خيره كالت لأمي هاي بنتج مصدومه من شغله وصايره بيها تابعه متخليها تتزوج وأي واحد يشوفها ينعجب بيها ويريدها بس يريد يخطبها يبطل
امي ماعالجتني بوكتها كالت ضلي بلا زواج احسن بلكي تتوضفين ومنو يسألج كولي مااريد اتزوج
اني هم رضيت بقسمتي وسكتت گلت شتزوج صخام وجهي خليني هيج احسن ودورت هواي على وضيفه بس ماكو كلها واسطات ونقدم على تعيين ميطلع تعبت حيل من سالفة التعيين
ورى فتره طلعت وي امي لعرس اقاربنا فشافتني وحده جان تكولي
تاخذين ابن اخوي بكربلاء شاغول وحلو وحباب واهله ناس طيبين ويدللوج
اني هم بالضحك كتلها
فاتن
اي اخذه هوه وينه
اشو هاي جرت تليفونها واتصلت باخوها
خويه لكيتلكم مره لمرتضى تعالولي باجر اخذكم تشوفوها
يااا اشو هاي صارت صدگ هيج وانخطب من صدگ وارتاح
و ثاني يوم العصر دكت على امي وكالت الناس جايين والولد وياهم خل تحضر روحها
فاتن
ياااا شنو هاي شبسرعه
عاد اني لبست صايه سوده وشال وردي ورتبت وجهي ونظفت البيت واجو الناس ابوه وامه وعمته وهو الولد
وشافوني والولد هم شافني وشفته حلو اسمراني وطويل وعيونه كبار بس حسيته مو بعمري كتله
فاتن
انت شكد عمرك
مرتضى
اني عمري 19
فاتن
يااااا اني عمري 25 شلون هيج اني اكبر منك
مرتضى
ميهمني انتي عجبتيني واني قابل اصلآ اني اريد وحده اكبر مني فاهمه واعيه
فاتن
اخاف بعدين تتندم وتضل تعيرني بعمري
مرتضى
صدكيني ميجي هاليوم لان هذا اختياري
اني هم فرحت وحبيته من اول نظره هم اريد استقر ارتاح اكون عائله حالي حال اي بنت من طلعوا ضلينا نحجي بالموضوع كال اخوي
سجاد
لازم نسأل عن الولد خصوصا هو مو من مستوى فاتن هو يمكن ممكمل متوسطه وماعنده وضيفه ثابته وهمين اكبر منها
امي
يمعود الدراسه مو مهم وهوه يكلون اهله يشتغل بالفنادق وعنده فلوس خير من الله خل ننطيها شعدها كاعده صارت جبيره
سجاد
يمه ميصير نجيبها ونشمرها باجر اروح اسأل عالولد واهله شنو واذا كبيره منجي ونشمرها بالتهلكه
