ثأر الايام

البارت2

ثأر الايام

همس القوارير

البارت الثاني

بقينا نراقب البناء طابوگه طابوگه وكلنا فرح ولهفه لحياتنا الجديده شويه شويه كملنا بيتنا بيت الاحلام بالنسبه ألنا واخيرا بيتنا كان بين خوالي وعمامي انتقلنا لبيتنا الجديد وجنا كولش فرحانين بيه وكلنا لهفه وشوگ لاستقرار گعدنا واستقرينا ومرت ايام وليالي جنا نروح لبيت عمامنا  نسأل عليهم وهم عمرهم ولا سألو ولا گالو ولا درو بينا شناكل شنشرب عبالك من مات ابويه احنا متنا وياه بالنسبه الهم  حتى بموسم الرطب والباميا والحنطه  ما يذكرونا عكس بيت خوالي يجون ويسألون وبين فتره وفتره يجون خوالي يباتون عدنا ويعلمونا  امي عيشتنا من الخياط ومن طلعتها للمزرعه والزرع ويه نسوان عمامي امي شالت المسؤليه والهم وهي صغيره عمرها ١٩ سنه جانت تگدر تشمرنا على عمامي وتروح تتزوج بس هي ضحت بروحها علمودنا خطيه تعبت علينا تمرضت وصار عدها انزلاق من التعب صار عمري ست سنوات وسجلتني امي بالمدرسه وجنت اروح وارجع ويه بنات عمي للمدرسه جنا نروح سوه ونرجع سوه  وندرس ونلعب هنا شويه تعرفنا على بنات عمي وصارت صداقه بينا واخوي وراي بسنتين تسجل بالمدرسه من اجيب النتيجه مالتي ناجحه امي حيل تفرح بينا اني واخوي جانت تتمنى نكمل دراستنا ويخف عليها التعب وصلنا للمتوسطه وامي بعدها بنفس شغلها اني ثالث متوسط وسجاد ثاني متوسط هنا جانت مدرستي مختلط بنات وولد سوه سجاد جان حيل يغار عليه ما يقبل احجي واسولف ويه الولد واكو اثنين جانوا يحبوني ما ادري مراهقه ويتعاركون عليه يجي هو يتعارك وياي ويضربني

فاتن

اي اني شنو ذنبي والله ما حجيت وياهم

امي

لك يمه عوفها هي شعليها بيهم شفت من اختك شي

سجاد

لا ما شفت بس هم يتعاركون عليها واني ما اقبل اليوم ضربت واحد منهم

امي

يمه انتم رايحين تدرسون مالنا خلك المشاكل وانتم ما عدكم احد يفزعلكم انت واختك شويه فكرو بيه

فاتن

يوم والله مالي علاقه هم دمروني كل واحد يذبلي رساله وحجايه اني ما احب واحد منهم

امي

عفيه بنيتي اهم شي دراستج معليج بهالسوالف

سجاد

والله لو ما امي فلا اخليج تداومين 

هنا سجاد بده يلتقي لعمامي

امي

يمه لا تذب روحك فد مره على عمامك

سجاد

يمه هذول اهلي ومهما يكون الضفر ما يطلع من اللحم  واني احبهم

امي

يمه وخوالك

سجاد

يمه خوالي على عيني وراسي ولا انساهم ولا انسى وگفتهم بشدتنا كل ما نحتاجهم نلگاهم هذول تاج راسي بس مهما يكون احتاج لعمامي

امي

اي يمه حقك مهما يكون الانسان يحتاج اهله

نسيت اوصفلكم شكلي اني بالرغم جنت حنطاويه بس كولش حلوه وطويله وزني ٦٠ وطولي ١٦٠ ومتعلمه ومعاني شكلي حيل حلوه رغم سماري  بس كنت مميزه 😉 دخلنا ثانويه همين نفس الشي مختلط وفرق سنه بالدراسه اني واخوي يوميه مشكله وطلابه ونتعارك اني واخوي وامي تطيح بيها تتخربط علينا خطيه لحد ما تخرجت من السادس ومعدلي كان ٧٠ دخلت قسم علم النفس وكان سجاد يدرس سادس كنت ادرسه وانطيه مرشحات واشرحله هنا قوت علاقتي بسجاد وصرنا اصدقاء