ثأر الايام
همس القوارير
البارت السادس
ورى يومين من زعلته وياي امي راحت للسوگ وماكو احد بالبيت بس اني بفيت انضف وارتب بالبيت وهستوني لازمه ملابسي دأفوت للحمام اسبح ما شفت اله خالد اجه دگ الباب ودخل عليه للبيت
فاتن
هااا خالد خيرك
خالد
والله شفت امج طالعه للسوگ وگلت اكيد باقيه لوحدج وضايجه اجيت اسليج شلونج
ما اشوفه اله دفعني ويبوسني ويحضن بيه اني همين گلت ميخالف راح يخطبني بس ما اخليه يتجاوز
فاتن
خالد انت تكذب عليه ما تحبني لو تحبني مو هيج تستغلني
خالد
والله احبج وهسه بس اطلع اخلي امي بليل تجي تخطبج لان بعد ما اتحمل لازم تصيرين مرتي ميت عليج
فاتن
صدگ راح تخطبني اليوم
خالد
اي وداعتج اليوم امي تجيكم
ما شفته اله نزعني ملابسي هنا ادفع بيه واعيط عليه ماكو صار مثل الوحش وما حسيت اله اني كلي دم گعدت ضليت ابجي وادگ هو خله لبس ملابسه وطلع نهارت اعصابي يربي شسويت بروحي اني دگيت عليه
فاتن
لك انت شسويت شلون بيه هسه اني
خالد
مسويت شي من فوگ ليفوگ ما دنيتلج
فاتن
تعال اخذني للدكتوره اريد افحص هسه قبل لا تجي امي
اجه عليه واخذني للدكتوره بلغتني انتي خلاص صرتي مو بنيه لان ابي بكاره معندج واني بجيت بحركه لگيته ينتضرني بالسياره من كتله گال خلاص اسبوع اجي اخطبج لا تخافين حسيت بيه يكذب عليه الي يسوي هيج ويه بنيه بعد ميخطبها كوله فلم منه اني بالمراهقه مسويت هالشي مو نوب فاهمه وواعيه وباحثه اجتماعيه ضليت اكل بروحي اقسم برب العباد مجنت راضيه بس هو قشمرني وگال مجرد يلمس جسمي رحت سبحت واني ابجي وتوضيت وصليت بس هي صلات شنو اقشمر على الله لو على نفسي اني زانيه احس حتى الله ميريدني احتقرت نفسي وكرهت روحي استغفر الله ربي واتوب أليه ما تحملت اختنگت بليل رحت لامي وحجيتلها كلشي امي نهارت اعصابها ضلت تدگ وتلطم وتبجي واني همين مثلها عدنا فاتحه بدون ميت
امي
خلينا نهدء شويه ونفكر ميصير لازم نلگي حل
فاتن
والله يمه غصبني والله هو اجاني من شافج طالعه
امي
خلينا ندك على عمتج ونسولفلها الصار
وفعلا دگينا على عمتي واجتي وسولفت الصار لعمتي
عمتي
هو بالدوام هسه باجر يجي ويصير خير
ضلينا ننتضر خبر من عمتي گلت خلاص الحمدلله من اعترفتلهم وراح انخطب واستر حالي
فتحت القران جان تطلعلي سورة مريم ... وكان امرا مقضيا . شويه هدئت وكتله ربي سلمتك امري مالي غيرك اريدك تحل مشكلتي بعدين اجت عمتي الضهر منتظريها على نار حتى ايدي متاخذ شغل امي مالها خلگ لا تنام ولا تاكل وبس تصفن انتضرناها ترجع النا خبر من خالد ماتوقعت انو خالد نكر وحلف بالقران انو مايعرف شي غير كال
خالد
فاتن اجتني تبجي كالت اريدك تاخذني للطبيبه بدون علم امي واني هم ماسألتها ليش كلت يجوز شي خاص بيها اخذتها للدكتوره وانتظرتها بالباب لمن خلصت
ورجعتها بدون مااعرف شنو الصاير هسه جاي تتبلى عليه خل تروح تشوف منو دك الناقصه بيها وتاخذ حقها منه
