الرابعة🌈
وتاني يوم!
في غرفة طفولية للغاية ,مليئة بألعاب الاطفال تنام فتاة بيضاء البشرة ,عسلية العينان ,شعرها بني غامق ,ترتدي سيلوبت علي شكل قطة ,يخرج منه ذيل من الخلف ، تنام هذه الفتاة نومًا. عميقًا وبعد دقائق تبدأ بالمثاوبة والتَمَطُّعْ ببطء شديد
نغم بصوت مرتفع: سالا ,سالا ,كل دة نوم؟!!
سالا بكسل: قومت اهو يا ماما
نغم: انتي عارفة الساعة كام دلوقتي؟!
سالا بسخرية: هتكون كام يعني؟!
نغم: الساعة اربعة يا استاذة
نظرت سالا امامها بصدمة وعدم تصديق وكان فمها مفتوح من المثاوبة فقالت لها والدتها بسخرية: عرفتي بقي الساعة كام!
قفزت سالا مثل الضفدعة من علي الفراش الي الارض واخذت تركض الي الحمام اخذت حمامًا في اقل من خمسة دقائق وارتدت ملابسها ولم تضع ايٍ من مساحيق التجميل فهي جميلة دون شيء وخرجت سريعًا من غرفتها فقالت لها والدتها: مش هتفطري؟!
سالا وهي تركض: بعدين!
وخرجت سريعًا من المنزل وتناولت ادراج السلم نزولاً من البيت بأكمله وركبت سيارتها وبدأت بالقيادة تجاه الحديقة
احمد: اتأخرت ليه بس؟ ,انا هطلع اشوفها!
في حين خروج احمد من الحديقة اصطضم بشخص ما!
احمد: انا آسف والله مخدتش بالي
سيلين: انا اللي آسفة
وهنا دخلت سالا من باب الحديقة ورأت احمد يقف مع فتاة ويتحدث معها فبدأت الغيرة تعلو اكثر فأكثر حتي كانت ستفجر من شدة الغيرة وذهبت وهي تدبدب بالارض بقوة من غيرتها
وفي هذه اللحظة رآها احمد وهي تخرج فركض اليها مسرعًا وسحبها من يدها واوقفها
احمد: مالك؟! ,ماشية ليه؟!!
سالا بغضب: يعني مش عارف انا ماشية ليه؟!
احمد باستغراب: والله ماعرف!
سالا بانفعال: مين اللي كنت واقف معاها دي؟!
احمد بتفهم: اااه ,قولي كدة بقي ,دي واحدة صاحبتي!
سالا بغيرة اشد: واحدة صاحبتك!! ,عن اذنك!!!
بدأت سالا بالسير لكن اوقفها احمد بحمله لها
سالا: نزلني حالًا!
احمد: ولو منزلتكيش؟!
سالا: هصوت وهخلي الناس تقطعك! يالهووو.......
وضع احمد يده علي فمها سريعًا قائلًا بصدمة: يا هبلة يا عبيطة
سالا بقرف: تحب اوريك تاني!
احمد بتمسكن: واهون عليكي؟!
سالا: ايوة تهون!
احمد: دي واحدة وانا خارج اشوفك اتأخرتي ليه خبطت فيها واعتذرنا لبعض وخلص الموضوع
سالا بسخرية: يا سلام ,عليا انا الهبل دة!
احمد: طب والله العظيم دة اللي حصل!
سالا بتصديق: طب نزلني
احمد بحب: لا ,انا فرحان كدة!
سالا بتهديد: نزلني احسنلك!
احمد: انتي بتهديدني يعني ,طب اهه
دار بها احمد عدة مرات قائلًا بفرح: بحببببككككككك
سالا بضحك: نزلني يا مجنون!
احمد: انا مجنون!! ,طب اهه!
سالا: خلاص بقي يا حبيبي نزلني!
توقف احمد بسرعة عن الدوران ولكن مازال حاملها قائلًا: قولتي ايه؟؟!!
سالا: بقول يا احمد نزلني
احمد: لا انتي قولتي حبيبي!
سالا بتردد: لا مقولتش كدة يمكن انت سمعت غلط!
احمد: ماشي!! ,هتروحي مني فين؟!
سالا وقد انزلت نفسها: عاوز تقابلني ليه بقي!
-------------------------------------------
في غرفة لكشف النسا والتوليد توجد مدام قصيرة ,جميلة ,عيونها واسعة ,لديها غمازات ,عيناها عسلية اللون ,بشرتها بيضاء للغاية معها شخص طويل ,وسيم ,لديه عضلات لكن بسيطة مما تجعله اكثر وسامة ,ينتظر معرفة هل ابنه ولد ام بنت
الدكتورة بابتسامة: اسمعي كدة!
وضعت جيسي السماعات في اذنها بابتسامة امومة لتسمع نبضات قلب طفلها وفي اثناء سماعها انصتت بشدة للدقات وفرت منها دمعة من شدة فرحتها فهذا طفلها الاول
عدي بحماس: ها بنت ولا ولد؟؟؟
الدكتور: بنت يا استاذ عدي ,اهو بص كدة ,وشعرها تقيل اوي!
عدي بابتسامة: كارين عدي العاصمي
جيسي بابتسامة: تسمع؟
عدي بتأكيد: طبعًا
امسك السماعات ووضعها بأذناه وسمع الي دقات قلب طفلته
عدي: انتي من هنا ورايح مش هتعملي حاجة في البيت وانا اللي هعمل كل حاجة ,انتي فاهمة؟!
جيسي بطفولة: حاضر
الدكتورة: مبروك
عدي: الله يبارك فيكي يا دكتورة
اخذ عدي زوجته الي خارج الغرفة وفاجئها بحمله لها وسط جميع المرضي الجالسين مما جعل الجميع ينظرون اليهم وكثير منهم بدأوا بالتصفيق والكثير ايضًا كانوا يحسدون جيسي علي زوجها
ميسون: شايف بيعمل معاها ايه ,اتعلم بقي!
شريف: خخخخخخخخخ
ميسون بقرف: مش فالح انت غير في كدة
ميرا: الله ,ربنايخليهم لبعض ,مسكرين خالص
امسك علاء يدها بحب وقبلها قائلًا: ويخلينا لبعض يا قلبي
بعدما ترجلا عدي وجيسي من المشفي وركبا السيارة قالت جيسي: ينفع اللي انت عملته دة؟!
عدي: عملت ايه؟
جيسي: شيلتني وسط الناس وكدة!
عدي: وايه يعني ,دة هما زمانهم بيحسدوكي عليا دلوقتي
جيسي: بحبك
هدي: مكان من الاول!
-------------------------------------------
سالا: ممممم ,يعني انت بتحبني!
احمد: ايوة
سالا: وعاوز تتجوزني!
احمد: اها
سالا: وعاوز معاد عشان تيجي تطلب ايدي من بابا
احمد: ايوة يا ستي ,انجزي بقي!
سالا بتمثيل: لالا موضوع صعب!
احمد: نعم ياختي ,انتي هتخلصي ولا اقوم اشيلك تاني؟!
سالا: لا لا خلاص ,اولًا بابا في شرم وجاي بكرة الصبح ,ثانيًا انت ايش عرفك انا موافقة ولا لا؟!
احمد: باين في عينك!
ابعدت سالا عيناها عنه قائلةً بتردد: باين ايه يعني؟!
سحب احمد كرسيه بجانب سالا وامسك يدها قائلًا: باين ان انتي موافقة وباين ان انتي بتحبيني ,شوفتي بقي!
سالا وقد سحبت يدها عنه بخجل وتردد قائلةً: علفكرة انا مش موافقة!
احمد: انتي تقدري تمثلي علي الناس كلها الا انا
وغمز لها بعينه فاحمر وجهها فأصبح مثل الفراولة واكثر وبدأ احمد في نوبة ضحك علي خجلها ثم وقف وحمل سالا مرة اخري الي سيارته فقالت هي مسرعة وبتردد: لا انا هركب في عربيتي
احمد: هوصلك
سالا نافية: انسي!
احمد: متأكدة!
سالا: جدًا!
احمد باستسلام: براحتك
جاءت سالا لتخرج من السيارة فوضع احمد يده ليمنعها قائلًا: طب فكري
سالا: فكرت
جاءت سالا لتخرج مرة أخري فأوقفها ثانيةً قائلًا: فكري
سالا بانفعال: فكرت!!
احمد: خلاص خلاص ,دة انتي عصبية اوي!
ذهبت سالا هذه المرة الي سيارتها بسرعة حتي لا يستطيع احمد ايقافها وبدأت بالقيادة تجاه منزلها
--------------------------------------------
عدي: حلقاتك برجلاتك يوم ورا يوم تبقي بشنبات
جيسي: لا دي بنت مش هتبقي بشنبات
نغم: هييييه بنت ,كنت حسة
عدي: كارين عدي العاصمي
جيسي: انا هتصل بقي بماما اقولها
عدي: ماشي يا حبي ,سالا فين يا ماما؟؟!
نغم: معرفش ,لما صحيتها الصبح وقولتلها الساعة اربعة طلعت تجري ولبست ونزلت حتي مفطرتش!
عدي باستغراب: هتكون راحت فين يعني؟! ,تكونش مع لاما
نغم: ممكن ,روح افتح الباب عشان بيخبط
ذهب عدي وفتح الباب وصدم برؤية لاما امامه
لاما: بخخخخخ
عدي: لاما؟؟!! ,هو انتي مش مع سالا
لاما: لا ,انا حتي مشوفتهاش طول اليوم
عدي: الله ,امال راحت فين؟؟!!!
وهنا جاءت سالا وفتحت الباب وكانت تغني بفرحة وسعادة قائلةً: يا دبلة الخطوبة عقبالنا كلنا ونبني طوبة طوبة في عش حبنا
ثم التفتت فرأت عدي ناظرًا لها بقوة قائلًا: كنتي فين؟؟؟؟؟!!
سالا:............
#بقلم_ماريا_شوقي
