السادسة عشر🌈
وتاني يوم!
محمد: علفكرة مش عشان انا سايبك كدة مع سالا يبقي خلاص انت خدتها مني .....لاااااا فوق يا بابا انا هتجوز سالا واظن تنساها بقي عشان متتعبش
احمد: انت عبيط ياض
محمد: والله شكشك انت اللي عبيط وهتتعبنا معاك
احمد: روح البس عشان الساعة ٨
محمد: مانا رايح حد قالك اني قاعد
ذهب محمد فجز احمد علي اسنانه وذهب الي الحمام ليأخذ حمامًا ساخنًا وخرج بعد عدة دقائق
احمد: انا خلصت
محمد بسخرية: خلصت قبلك
احمد ليثير غضب محمد: انا هروح اكلم سالا لحسن وحشتني اوي
محمد بغيرة: هكلمها قبلك
فأمسك احمد هاتفه بسرعة واتصل قبل محمد فأجابت سالا بابتسامة: وحشتني
احمد: وحشتني اكتر
سالا: استني كدة
ونظرت الس هاتفها وجدت محمد يتصل بها فقالت لاحمد: اخوك بيتصل بيا
احمد: سيبك منه دة حد فظيع والله
سالا بضحك: والله واد مجنون ,امال هيعمل ايه لما نتجوز
احمد: هينتحر ....انا جايلك
سالا: مستنياك
---------------------------------------------
نور: عبوشكلك ,اتأخرنا
علي: طب اعمل ايه طيب ,نسيت اظبط المنبه
نور: يارتني انا اللي كنت ظبطه
سامر: واااااااء ,وااااء
علي بضحك: البس يا معلم
ذهبت نور الي طفلها وهي تدبدب علي الارض ثم وقفت امامه وقالت بصوت مرتفع قليلًا: ينفع كدة بقي ,تأخرنا
فرأته يبكي اكتر فحملته سريعًا وقالت بحب وحنيه: خلاص يا حبيبي خلاص ,انا أسفة
ثم قبلته كثيرًا في يده وفي خده وتقول: بس يا روحي بقي ,خلاص انا أسفة والله مش هزعلك تاني
علي: انا خلصت اهو
نور: شششششش ,وطي صوتك ,انا مصدقت
علي بوشوشة: يلا بينا
نور: يلا
ترجلا هما ايضًا من القصر وركبا السيارة وبدأ علي القيادة تجاه قصر والدها
---------------------------------------------
لاما: الو
ادهم: انا تحت البيت ,وباين كدة احمد جه ورايا اهو
لاما: تمام ,يلا اطلعوا
ادهم: اوك ,يلا باي
هنا ترجلا احمد واخاه من السيارة فرآه ادهم
ادهم: ابوحميد ,عامل ايه؟
احمد: تمام الحمدلله ,وانت عامل ايه؟
ادهم: تمام
محمد: وانا ايه هوا؟!
ادهم: علفكرة كنت لسة هسلم عليك بس انت مستعجل ,النهاردة احمد هيجيب الشبكة لسالا وانت لا
محمد: سالا دي بتاعتي انا ,فاهمين ولا لا؟!
ادهم: يلا ياعم عشان لاما شوية وهتضربني
احمد بضحك: يلا
سالا: انا مش عارفة احمد بيعمل ايه كل دة مكلمني من نص ساعة ولسة مجاش
لاما: دة تحت مع ادهم وطالعين دلوقتي ,بس ايه القمر دة
سالا: فعلا؟!
لاما: اها
وهنا دخلا ادهم واحمد وعندما جاءت عينا احمد علي سالا تسمر مكانه ولم يستطع الحراك وقال: ايه الجمال دة
ابتسمت له سالا خجلًا فأكمل هو بحب قائلًا: طب اشيلك تاني ولا اعمل ايه
فضحكت سالا ضحكة رقيقة ولم تجيب فقال هو: علفكرة انا مش هقدر استني اسبوعين ,انا هتجوزك دلوقتي
سالا: مخلاص بقي ولا عشان انا سايباك
احمد: قلبتي كدة في ثانية ,حرام عليكي يا شيخة
وهنا نزل سامر من الاعلي وقال: ها مين لسة مجاش
لاما: نور وعلي
وهنا دخلا نور وعلي القصر
لاما: هههههه اهم
نور: هو احنا بس اللي كنا ناقصين ولا ايه؟
سالا: اه
لاما: دايمًا مأخرينا
نغم: مش يلا بينا بقي
الجميع: يلا بينا
ترجل الجميع من القصر وركبوا سياراتهم ولكن هذه المرة سالا مع احمد وكان محمد مع نغم وسامر
احمد وسالا: بحبك
وضحكا لبعضهما ثم قال احمد: انا مش متعود علي الجمال دة علفكرة
سالا: مانت اللي كنت بتشوف بنات بيئة اعملك ايه بقي؟!
احمد بقرف: بيئة!! ,ثم اكمل بابتسامة: دة انا كنت بشوف شوية بنات بيبقوا حتة من القمر كدة
سالا بغيرة: خلاص متروحلهم سيبتهم وجيتلي ليه؟!
احمد بضحك: طب وانتي غيرانة ليه؟!
سالا بغيرة اكتر: انا مش غيرانة خالص!!
ثم اوقف احمد السيارة وامسك وجهها وقربه اليه ثم قبلها من خدها وقال: انا مقدرش اروح لغيرك ولا احب غيرك اصلًا انتي حياتي كلها ,ربنا يخليكي ليا يا احلي حاجة في دنيتي ويديمك عليا نعمة
ابتسمت سالا وقالت: ويخليك ليا يا اغلي حاجة في حياتي ,انا مقدرش اعيش من غيرك اصلًا
اوقف سامر سيارته بجانب سيارة احمد وقال: في حاجة يا احمد
احمد: لا يا عمي
سامر: طب يلا واقف ليه؟!
احمد: هتحرك حالًا
وبدأ في القيادة مرة أخري
وصل الجميع بعد ١٥ دقيقة من القيادة وترجلوا من السيارات ودخلوا المحل
احمد: في حاجة عجبتك؟
سالا: انا محتارة في اتنين
احمد: وريني كدة
سالا: اهم ,دة ودة
احمد: بصي انا من رأيي دة ارق وشكله هيبقي احلي جدًا كمان
سالا: انا بقول كدة بردو ,خلاص انا عاوزة دة
احمد: تمام
سامح(صاحب المحل): تحبوا بقي الدبلتين عاملين ازاي
احمد: زي كدة!
واراه سامح الدبلتان علي هاتفه
......
#بقلم_ماريا_شوقي
