الحادية عشر🌈
طُرِقَ باب غرفة احمد فسمح للطارق بالدخول
داليا بهم علي تعب اخوها: هتفضل كدة؟!
احمد: عاوزاني اعمل ايه بس؟!!
داليا: روحلهم ... هما محتاجينك معاهم ,عاوزيهم يقولوا مصدقها ماتت وسابها ولا ايه؟!
احمد بثقة: مستحيل يقولوا كدة!! ,عارفة يا داليا اوقات بحس ان ماما وبابا وحْشِنِّي
داليا بتمثيل: اه اوي
احمد: طب انا هروح اغير وهروحلهم
داليا: تمام
ذهب احمد الي الحمام وابدل ملابسه واخبر داليا بترجله للمرة الثانية وركب السيارة وبدأ بالقيادة تجاه قصر سامر العاصمي
في المنزل احمد:
داليا: الو يا بابا
:- عملتي ايه؟؟
داليا: كله تمام وهو نازل دلوقتي
:- اوك ,تعاليلي دلوقتي حالًا
داليا: اوك
انتهت المكالمة واختفت داليا وذهبت الي ذلك الشخص المجهول حتي الآن
-------------------------------------------
مراد: عملت اللي قولتلك عليه؟!
رامي: عيب عليك!!
مراد: جدع ياض ,طالع لاخوك مش زي الخايب مروان
-------------------------------------------
في اثناء قيادة احمد جاءه اتصال من شخصٍ ما
احمد: الو
داليا: ايوة يا احمد هاتلي رقم سالا ضروري
احمد: لازم دلوقتي؟؟؟!! ,انا سايق!
داليا: معلش عاوزاه ضروري!!
احمد: خليكي معايا اطلع النوتة!
ترك احمد القيادة لعدة ثوانٍ ليبحث عن النوتة
احمد: الزفتة الفرامل دي مش بتدوس ليه؟؟ ,يخربيت كدة!! ,فين النوتة دي كمان؟؟!
نزل احمد بجسده ليبحث عن النوتة ومازال يضغط علي الفرامل لكن بلا فائدة فهي غير موجودة
وفجأة فقد سيطرته علي السيارة وانهي المكالمة سريعًا ويحاول بشتي الطرق السيطرة وايقاف السيارة لكن جميع هذه المحاولات باتت بالفشل واصطضم احمد بسيارته في سيارة نصف نقل كبيرة فطارت السيارة من علي الارض ووقعت علي الارض عدة مرات
تجمع الناس حول السيارة فأخذ احدهم هاتفه واتصل علي آخر رقم
داليا: الو
محسن: ايوة ,الاستاذ صاحب التليفون عمل حادثة هنا ,حضرتك تقربيله
داليا: ولا اعرفه ,شوف حد تاني
واغلقت داليا الهاتف في وجه محسن فاتصل محسن بثاني رقم
سامر: الو يا احمد
محسن: ايوة يا استاذ
سامر: مين معايا؟!
محسن: الاستاذ صاحب التليفون عمل حادثة والعربية مقلوبة وهو كله دم
وقف سامر عن مكانه فزِعًا وقال بسرعة: ايه ,انت بتقول ايه؟؟؟!! ,طب هو فين دلوقتي
محسن: احنا طلبنا عربية اسعاف وهناخده ونطلع بيه علي مستشفي................ طبعًا في عالم الخيال يا فندم
سامر: هو مين معايا؟!
محسن (سكرتير سامر): معاك محسن يا سامر بيه
سامر بتذكر: شكرًا يا محسن ,احنا جيينلك حالًا
نغم بخضة: ايه في ايه؟؟!
سامر: احمد عمل حادثة ومحسن طالع بيه علي المستشفي!
نغم بصدمة: ايه؟؟!!!, مستشفي؟؟!!!!!
سامر: مفيش وقت للمفاجأة ,يلا بينا علي العربية
ترجل الجميع من القصر ونسيوا جوهرة سالا
في سيارة سامر (سامر ونغم ولاما) وفي سيارة عدي (عدي وجيسي) وفي سيارة علي (علي ونور)
وفي خلال ١٠ دقائق وصلوا المشفي والتقوا بمحسن ,الذي كان ينتظرهم علي باب المشفي
سامر: هو احمد فين
محسن: في اوضة العماليات
سامر: اشكرك بجد يا محسن ,مش عارف والله كنا هنعرف اللي حصل دة ازاي من غيرك؟!
محسن: دة واجبي
سامر: هتمشي؟
محسن: ابدًا ,لما اطمن علي استاذ احمد الاول!
-------------------------------------------
داليا: بابا دلوقتي البيت فاضي ,تقدر تروح في اي وقت
رامي: واظن ان دة افضل وقت ,هما كلهم مشغولين بأحمد ومش هيرجعوا دلوقتي خااالص
مراد: انا رايح دلوقتي!!
رامي: ربنا معاك
-------------------------------------------
خرج الدكتور من غرفة العماليات فركض اليه الجميع
سامر: طمنا يا دكتور ايه الاخبار
الدكتور: الحالة خطر جدًا ودخل في غيبوبة ودلوقتي هندخله العناية المركزة
سامر: مينفعش حد يدخله؟؟
الدكتور: للاسف الزيارة ممنوعة ,حالته متسمحش!
سامر: شكرًا يا دكتور
الدكتور: عن اذنكم
نغم بتعب: كان مستخبي كل دة فين بس ياربي
لاما: الاتنين!!
ادهم: انشاء الله كل حاجة هترجع كويسة
نور: يارب ,انت عارف احنا بنعاني قد ايه يارب ,خليك معانا
علي: احمد هيقوم بالسلامة وسالا هترجع وكل حاجة هاتتصلح وهتبقي كويسة انشاءالله
سامر: خلاااص ,كفاااية ,انا مش مستحمل اي كلام ,كلنا مهمومين ,بس دلوقتي قعدتنا هنا مالهاش لازمة ,لازم نروح عشان الوقت اتأخر ,وهنيجي بكرة تاني
ترجلوا جميعهم من المشفي مهمومين ومتعبين وامنيتهم الوحيدة بطرفة عين تتلاشي كل هذه الهموم
وصلوا الي القصر في خلال ١٠ دقائق
نغم: انا هدخل اوضة سالا اتكلم مع الجوهرة زي مبعمل عشان هي بصراحة وحشتني اوي
دخلت نغم الغرفة بدون تبديل ملابسها وعندما نظرت علي الفراش صدمت بعدم وجود الجوهرة فصرخت قائلة: ساااااااااامر ,الحقني يا سامر
ركض سامر بفزع الي الغرفة ومعه لاما وفتحا الباب بسرعة وقالت لاما بخوف: ايه في ايه؟؟؟؟!!!
نغم ببكاء ولا تقوي الكلام: ال ال الجو هر هرة
ركض سامر الي الفراش وبدأ بالبحث في كل مكان قائلًا: انتي بتقولي ايه؟؟!! ,اكيد موجودة هنا ولا هنا ,دوري كويس هتلاقيها والله ,اكيد وقعت هنا ولا هنا ,بس هي موجودة ,موجودة والله
وقع سامر علي الارض مغشيًا عليه من الصدمات التي خلف بعضها
--------------------------------------------
مراد بابتسامة انتصار: اخيرًا بقيتي معايا يا حلوة ,دة انتي هتجيبيلي ملايين ,وبكدة ابقي اغني من سامر واحسن منه ووقتها هعرف استولي علي القلعة بتاعته كلها ووقتها محدش هيقدر يمنعني في اني احكم عالم الخيال
رامي: وانت مليش نصيب ولا ايه؟!
مراد: يكفي ان انت اخويا
رامي: نعمم؟!!! ,يعني مش هتديني حقي
مراد: وانت عملت ايه عشان تاخد نصيب؟!
رامي: وقفت معاك ,استحملت اهانتك ليا ,نفذت كل حاجة انت عاوزها ,عملتلك كل حاجة ,حتي بعد ممروان سابك انا مسيبتكش وفضلت معاك
مراد: خلاص ليك الربع
رامي: كدة اوكيه
............
#بقلم_ماريا_شوقي
