الثانية عشر🌈
نغم بصريخ: سااامرر
حملوه ووضعوه علي الفراش واحضروا الدكتور بسرعة وطمأنهم ان ليس به شيئًا لكن حذَّرَهم بعدم تعريضه لصدمات اخري
بعد عشرة دقائق في هدوء شديد استيقظ سامر واحضروا له كوب ماء وجلس علي الفراش ليستطيع التحدث معهم
نغم: وبعدين هنعمل ايه؟!
سامر: انا متأكد ان مراد هو اللي اخدها
عدي: فاكر يا بابا العقيد شريف؟!
سامر: انا فكرت فيه بردو
عدي: خلاص نروحله واكيد هو هيظبط الموضوع
سامر: كويس ,من الساعة ٩ تكون عندي بكرة ,انت فاهم؟!
عدي: من عيني ,انا هروح بقي عاوزين حاجة؟؟
نغم: عاوزين سلامتك يا حبيبي
حمل عدي جيسي واختفي بها وذهبا الي منزلهما لان عدي كان لايقوي القيادة
عدي: هتنامي؟
جيسي: اه ,عشان تعبانة اوي!!
عدي: انتي المفروض تنامي وتستريحي عشان البيبي
جيسي: حاضر
اخذها عدي بحضنه وناما سويًّا
--------------------------------------------
جاء الليل الذي هو للعاشقين هكذا كمان يعتقد البعض لكن عندما يأتي الليل يأتي معه الحزن والمهوم فكما يوجد عيون نائمة مُرْتَاحَة يوجد ايضًا عيون ساهرة مشتاقة
ظلت نغم مستيقظة لا تستطيع النوم ولم تغفل عيناها للحظة واحدة
فقامت من فراشها وذهبت الي غرفة سالا وتسطحت علي سريرها وظلت تبكي وتبكي الي ان نامت
في حلم نغم:
مراد ممسك بشاكوش ويقف امام جوهرة سالا ويرفع الشاكوش الي اعلي قدر باستطاعه الوصول اليه وينزل بكل قوة علي الجوهرة لتتفتت الي اجزاء صغيرة جدًا لا تُري بالعين المجردة!!
استيقظت نغم بخضة شديدة وتقول بصوت عالٍ: سالااااااااا
سمعت لاما صوت والدتها من الخارج فركضت اليها بسرعة قائلة: في ايه يا ماما مالك؟؟!
نغم: اختك سالا!!
لاما بخوف: مالها سالا؟!
نغم: حلمت ان مراد الزفت ماسك شاكوش وكسر الجوهرة لحتت صغيرة اوي وكتيييير
لاما: لالا اكيد مش هيحصل حاجة ,متخوفنيش بقي دة انا مرعوبة اوي
نغم: هو سامر فين؟
لاما: راح هو وعدي القسم ,بابا عنده واحد صاحبه اللي هو العقيد شريف دة
نغم بتذكر: اه اه عارفاه
لاما: مش دة اللي طلب ايد سالا وهي رفضته؟؟
نغم: اه ,ومازال عاوز يتجوزها واكيد هيدور عليها بضمير
لاما: يارب ,انا هنزل اقابل ادهم هو واقف تحت البيت ,عاوزة حاجة؟
نغم: عاوزة سلامتك يا حبيبتي ,انا هلبس واروح عند احمد ,بقولك ايه ,هي الساعة كام؟!
لاما: الساعة ٢ نمتي كتير اوي! ,انا هحصلك علي المستشفي انا وادهم
نغم: ماشي
خرجتا لاما ونغم من الغرفة وترجلت لاما من القصر وكان ادهم منتظرها ....وضع ادهم يداه علي كتفي لاما واختفيا ووصلا الي الحديقة التي كانت تتمشيا فيها هي وسالا في عالم الارض
لاما: انا بحب الجنينة دي اوي ,هنا اول مكان سالا واحمد اتقابلوا فيه!
ادهم بتبتسامة: فاكرة اول مرة اتقابلنا فيها؟
لاما: طبعًا فاكرة
فلاش باك
في كافيه كبير فخم تجلس فتاة في سن الثانية والعشرون من عمرها تقرأ رواية وعلي الطاولة يوجد كوب مانجا عصيرها المفضل
فجأة يأتي شخص ويجلس معها دون استئذانها حتي ثم قال
ادهم: انا ادهم ٢٥ سنة عندي شركة اعمال كبيرة اوي في دبي وهنا كمان
نظرت له لاما ببرود قائلة: وايه المطلوب؟!
ادهم: عاوز معاد من والدك عشان اتقدم
لاما: عارف لو ممشيتش دلوقتي انا هعمل فيك ايه؟!
ادهم بسخرية: ايه يعني؟؟
لاما: شايف البودي جاردز اللي هناك دول
ادهم وقد بلع ريقه بصعوبة: مالهم؟؟!!
لاما: هنادي عليهم ووقتها مس هيبقي فيك حتة سليمة
ادهم بتمسكن: واهون عليكي؟!
لاما بقرف: نعم؟؟!!!
وقف ادهم ووضع يداه في جيوبه ونظر ايه البودي جاردز وبدأ بالتصفير وخرج من الكافيه في هدوء
باك
لاما بضحك: وبعدها بقيت تنطلي كل يوم ,وانا جبتلك المعاد وبدأت قصة حبنا
ادهم: بحبك
لاما: وانا كمان
اقترب ادهم من لاما قليلًا وحملها وقال لها بحب: نفسك في ايه دلوقتي وانا اعملهولك
لاما: نفسي اطير جاامد واوصل لغاية الطيارات فوق واسلم علي الناس اللي في الطيارة وانا من برة
ادهم: طلباتك اوامر يا ملكتي!
امسك ادهم لاما جيدًا وتشبثت هي به بقوة وطار بها سرعة هائلة وكانت لاما تضحك بقوة وفجأة رآي طائرة محلقة فذهب ادهم عند شباك الطائرة وخبطت لاما عليه فلاحظ الاشخاص اللذين في الداخل وفتحوا افواههم من الصدمة والدهشة فكيف يطير هؤلاء الاشخاص دون اي شيء يساعدهم ....ولوحت لاما لهم بيدها "علامة باي باي" وهم ايضًا ومازالت افواههم مفتوحة فقالت لاما بضحك: بص كلهم فاتحين بوقهم
ادهم: طبعًا لازم يستغربوا! ,نفسك في ايه تاني؟؟
لاما بتفكير: ممممم ,نفسي في غزل البنات
ادهم: من عيني
-------------------------------------------
سامر: هو دة القصر
شريف: متخافش يا سامر بنتك هترجع ,حتي لو كان دة آخر شغل هقوم بيه في حياتي
سامر: شكرًا يا شريف
شريف: لا شكر علي واجب ,يلا بينا
فتح شريف باب القصر ودخل ومعه الضباظ وسامر وعدي ظلا في الخارج
مراد: ايه دة انتوا مين؟؟؟!!
شريف: انا العقيد شريف المصري ومعايا امر بتفتيش المكان ,فتشوا المكان ومفيش خرم ابرة يتساب
مراد لنفسه: ابقوا قابلوني لو لقيتوا حاجة
بعد ربع ساعة من التفتيش الكامل لم يجد الضباط الجوهرة
الضابط الاول (محمد): ملقيناش اي حاجة يا فندم!!
شريف: متأكدين؟!! ,فتشتوا كويس؟!
محمد: كويس جدًا يا فندم وملقيناش حاجة
مراد: شرفت حضرتك
نظر شريف له نظرة عودة وعدم استسلام وذهب
سامر: عملتوا ايه؟؟؟
شريف: ملقيناش حاجة
سامر بصدمة: ايه؟؟!
شريف: متخافش يا سامر ,بنتك هترجعلك ,احنا ركبنا كاميرات في كل مكان وفي العربية بتاعته كمان ,وبنراقب تليفوناتهم كلهم ,وسالا هترجع
سامربتمني: يارب
-------------------------------------------
نغم: ايه الاخبار يا دكتور؟؟!!!
الدكتور: المشكلة ان عقله جايبله الشخص اللي هو بيحبه ونفسه يشوفه بقاله كتير ومش معاه في الواقع فهو عاجبه المكان جوة مش عاوز يسيب الحياة اللي فيها الشخص دة عشان عارف انه لو رجع للواقع مش هيلاقيه
نغم: وايه العمل؟!
الدكتور: لو تقدروا تجيبوا الشخص دة هاتوه لان رجوعه للواقع في ايد الشخص دة
نغم: طب حالته من اللي حصل في الحادثة؟؟
الدكتور: هي كل مدي بتتحسن بس هيفضل في العناية المركزة لغاية ميفوق
نغم: طب ينفع ادخله
الدكتور: ممكن ,بس خمس دقايق بس
نغم: شكرًا يا دكتور
ذهب الدكتور لبقية حالته الذي يتابعها ودخلت نغم غرفة احمد واحضرت كرسي وجلست بجانبه ثم قالت: عارف يا احمد سالا هترجع قريب وهتجيلك كل يوم المستشفي وتقعد تتكلم معاك لغاية متقوملنا بالسلامة انشاء الله وهنعمل فرحكوا في احسن مكان في عالم الخيال ,سالا علفكرة سالا هتزعل منك اوي لما ترجع وتلاقيك في المستشفي ,ربنا يرجعكوا لينا بالسلامة يابني
............
#بقلم_ماريا_شوقي
