الخامسة عشر🌈
نظرت له سالا بصدمة وقالت: اختك ازاي؟؟؟!!!
أحمد بابتسامة استغراب: زي الناس ,مالها؟!
سالا بنفس النظرة: انت عارف مين دي؟؟؟؟!!
احمد: مين؟!
سالا: بنت مراد ,اللي هو عمي ,اللي في القلعة التانية اللي احنا بنحاربها ,اللي هما عاوزين يستولوا علي عالم الخيال
احمد: بس كفاية ,دي مهما كان اختي!
سالا: افهم بقي ,بقولك مش اختك وهي اللي خليتك تعمل الحادثة
احمد: وانتي عرفتي منين؟!
فلاش باك
عندما تكونت سالا ولكن فق جوهرتها كانت لم يتكون جسدها سمعت داليا وهي تقول لمراد: كل حاجة تمام ,واحمد عمل الحادثة
مراد: جدعة اما نشوف بقي هنعمل ايه في الجوهرة دي!
سالا بصدمة: احمد؟!!! ,اااه يا كلاب
باك
سالا: شوفت بقي
احمد: تعالي معايا ....عمي ,حماتي انا هاخد سالا شوية
ثم اختفي بها ولم ينتظر رد احدهما وذهب بها الي منزله
عدي: ازاي تسمحوله ياخودها كدة؟؟؟!!
سامر بابتسامة: متخافش ,احمد مستحيل يعمل فيها حاجة
--------------------------------------------
احمد: سالا ,هسألك في حاجة
سالا وقد امسكت يده: اكيد!
احمد: انا هتصل بيها دلوقتي وهخليها تيجي ,اعمل كدة؟!!
سالا بثقة: اعمل يا احمد
تنهد احمد ثم امسك هاتفه واتصل برقم داليا
داليا: الو يا حبيبي
احمد: تعالي
داليا: بس انا في......
احمد: دلوقتي
داليا بخوف: حاضر
انتهت المكالمة بينهما وفي خلال خمسة دقائق كانت داليا في القصر
داليا: في ايه بقي مستعجلني ليه؟! .....ايه دة سالا ,ازيك يا حبيبتي عاملة ايه؟؟
وكانت داليا ذاهبة لتحتضن سالا لكن سالا ابعدتها عنها ثم قال احمد بحدة: انتي مين؟!
داليا بابتسامة خوف: هو ايه اللي انتي مين؟! ,انا داليا اختك!
احمد: كدابة!!
داليا بتردد: نعم؟! ,انا مش كدابة
احمد: لا كدابة!! ,انتي بنت مراد العاصمي ,اللي عاوز يستولي علي عالم الخيال... مش كدة؟!!!
داليا:!!!!!!!!
احمد: متردي!
داليا: مين اللي قالك الكلام دة؟؟!! , ثم نظرت لسالا وقالت: اكيد انتي ,انتي عاوزة تفرقي مبينا
ثم اقتربت داليا من سالا فأمسكت سالا يدها بقوة وقالت اليها بحدة: ايوة انتي بنت مراد وانتي اللي شيلتي الفرامل من عربية احمد عشان يعمل حادثة وانتي كمان اللي كنتي عاوزة تكسري جوهرتي عشان تاخدي الالماظ بتاعي والبطاقة اللي انتي عاملاها عشان تقولي لأحمد انك اخته دي مزورة!!!
داليا: ايوة انا بنت مراد وانا اللي عملت كل دة عشان اعرف ادخل مبينكوا واموت فيكوا واحد واحد والشك طبعًا مكنش هيكون فيا عشان اسمي اخت احمد ,عرفتوا بقي!!!
وهنا صفعها احمد علي وجهها بقوة ثم قال لها: انا مش عاوز اشوف وشك تاني والا موتك هيكون علي ايدي ,ثم قال بصوت مرتفع بمعني اصح بتزعيق: انتي فاااهمة؟؟!!!
اخذت داليا حقيبتها واختفت وذهبت الي قصر مراد
سالا: شوفت بقي؟!
احمد: انتي كان عندك حق
ثم احتضنها احمد بقوة وحب وقال: متسبينيش!
سالا: عمري مهسيبك
احمد: بحبك
سالا: وانا بمووت فيك
احمد: يلا بينا نرجع
سالا بابتسامة: يلا
حملها احمد واختفي بها وذهب الي قصر سامر العاصمي
سالا: عووووو
نغم: راجعين فرحانين
لاما بفضول: ايه اللي حصل ,ها
احمد: كلام سالا فعلًا صح
نور: وعرفت منين بقي؟!
جبت داليا: وهي اللي اعترفت بكل حاجة
لاما: ايه دة بجد؟!!
احمد: تحبي تسمعي؟!
لاما: اسمع ايه؟!
احمد: مانا سجلت صوتها وهي بتقول
لاما: احب جدًا!!
فتح احمد هاتفه وشغل التسجيل بأعلي صوت
وبعد خمس دقائق
لاما: اوووه ,يخربيت دة قلم!!
ضحك احمد وهنا امسكت سالا يده مبتسمة بحب فبادلها النظرة هو ايضًا ثم قال: ممكن نحدد بقي يوم الفرح
سامر: علي طول كدة؟؟!! ,دة انت لسة خارج من المستشفي!
احمد: وايه يعني ,انا مش تعبان خاالص ....ها امتي بقي؟؟؟؟؟؟!!
سامر: يبقي الحد بعد اللي جاي ,فرحك انت وادهم
لاما: هييييه
ادهم: اخيرًا
احمد: خلاص ,هننزل بكرة علي الساعة ٩ الصبح نجيب الشبكة
نغم: هو انتي في الشهر الكام يا جيسي
جيسي: في نص الخامس
نغم: مممم ,هيييح ...انا عمري مشوفت اب وام صغيرين كدة
ابتسما عدي وجيسي لبعضهما ثم قال عدي: طب استأذن انا بقي
سامر: علي فين؟!
عدي: اصلنا بنام بدري
نغم بعدم اقتناع: هحاول اصدق
حمل عدي جيسي ثم قال: يلا باي
وهنا قد اختفيا وذهبا الي قصريهما
عدي: بكرة معاد متابعتك عند الدكتورة مش كدة؟
جيسي: اها ...هنروح الساعة كام؟
عدي: علي خامسة كدة
جيسي: حلو
عدي: يلا بقي ننام
جيسي: يلا
نام الثنائي وكانت جيسي في حضن عدي
--------------------------------------------
داليا: علفكرة لعبتك اتكشفت قدامهم كلهم واظن كفاية بقي
مراد: كفاية ايه؟ ,انتي عبيطة؟!
داليا: لا مش عبيطة ,بس دة مهما كان اخوك ,ولازم هترجعوا لبعض في يوم
مراد: مستحيل
داليا: مفيش حاجة اسمها مستحيل ....وبصراحة بقي انا زهقت من اللعبة دي
مراد: قصدك ايه؟!
داليا: قصدي هرجعلهم ,عشان دول عيلتي اللي اتحرمت منهم سنين كتيرة اوي ,انت اناني يابابا وطماع ,ويوم ورا يوم الكل هيسيبك وهيروح لعمو سامر عشان هو طيب وبيحب كل الناس ,لكن انت هتبقي لوحدك ومش معاك حد حتي عمو رامي اخوك هيسيبك حتي صحابك وكل اللي في القلعة ,انا من هنا لبكرة هكون لميت حاجاتي وهروحلهم وهما مش هيقولوا لا وهيحتضنوني اكتر منك .....سلام يا مراد بيه
مراد: روحلهم ,هعملك ايه يعني ...بس يكون في علمك لما تمشي متفكريش في الرجوع!
وبعد يوم طويل مليان فرح ولعب وحزن وفراق روح الجميع الي قصره وناموا في هدوء ونامت داليا بعدما لمَّت جميع ملابسها في حقيبة سفر
وتاني يوم!
#بقلم_ماريا_شوقي
