بارت ١٢
ام حنوشه/ اي هاي حوبه نجاة مرت سلام عاكوله بيج لان البارحه ضربتيه للمريه
حنوشه/ اهووو نجاة بالاول خل تغسل وجهه وتمسح خنينه وتالي تصير بخيته هاي البارحه اتعشيت وماغسلت وانكرصت لان دسومه بوجهي يله رباب كومي سوي ريوك اريد اخذة لنجاة وزعاطيطه هاي اقبال ام السحورة لظهر يله تكعد من النوم . .اخذت الريوك ومشيت ولاكاني حمودي ابو الباله سلمت عليه وسالته عالشغله كال خير من الله يحصل… سويتله لفه جبن ومربى وانطيته ومشى خطيه عايش هو وامه خطيه مرة جبيرة ومريضه هو بعدة مامتزوج عازب ..المهم دزيت الريوك لنجاة ورجعت للبيت اتريكت وطلعت ويا امي للشغل وصلنا لبيت حسام وابو حسام من هذولي البغادة اهل كبل الي حجيهم كله قديم هاي شبيج بنتي حنوشه منوا ضاربج عالعيونج وشفتج .. تردون الصدك تذكرت البارحه حسام من عاط بيه كلت خل اذبه براسه
حنوشه/😢😢هاي البارحه حسام وصلني للبيت اني وامي واني غسلت وجهي بالسيارة وعاط بيه واني زعلت ونزلت وكمشني وسحلني وطخيت باب السيارة وجهي اليوم وارم من الضربه
ابو حسام/ يله بنتي لاتبجين هاج اخذي هاي ٥٠٠٠ الف مني هديه روحي بيهن للطبيب اتعالجي
حنوشه/ مشكور عموا ماتقصر 😍 ماصدكت خررب ضميتهن ورجعت كملت ريوك ويا امي ونزل حسام وشاف وجهي
حسام / 😳 هاي شبيه وجهج وارم
حنوشه/ يهمك تسال هاي البارحه من سحلتني وجهي طخ بالسيارة ورم وجهي 😢شسوي اني مااكدر احجي وياك جيف انا فقيرة واخاف اطردني اني وامي من الشغل
ام حنوشه/ عزا بعينج ولج ليش تجذبين موا كلتي اتعشيتي وماغسلتي ومن الزفرة الي بوجهج انكرصتي كوبه
حنوشه/ شكول يايمه فشله احجي كدام ابوي يموتني ويبطلني من الشغل
حسام/ ولو اني متاكد من اني السبب بس اني اسف وهاج اخذي هذا مصرف الج روحي اتعالجي .
حنوشه/ اخذت من حسام الفلوس وكال اليوم اني ماروح للدوام اريد اصفي ملابسي القديمه حنوشه من اكمل ريوك تعالي ساعديني .. كملت شغلي وصعدت ويا للغرفه فتح الكنتور واني جبت شرشف قديم وهو شمر قمصان وبنطرونات واحذيه وحتي حزامات وملابس عسكريه شديتهن بالشرشف… وشلتهن عالراسي واريد انزل وعاط بيه حسام
&
&
&
#رواية_حنوشه_واخواتها😻🦋
