بارت ٧
حنوشه/ يمه ليش اتفشليني اريد اروح اشوف الحجيه شدكول عالترتيبي للبيت
ام هناء / لاوالله بنتي واعرفج ترديين تاخذيين فلوس المسواك من الناس… هاج هاي ١٠٠٠ الاف واسكتي لاتفشليتي
حنوشه/ يمه شسالفه صدك جذب المسواك صار ٣٥٠٠٠الف…
ام. هناء/ هاج هاي ٢٥٠٠٠ واسكتي ترديني اتفشليتي
حنوشه/ ارتاحيت من رجعت فلوسي بس هم مايخالف باجر اباشر ويا بيت ام حيدر واشوفهم خاف معتازيين شئ من السوك اخواتي ..موتني بالاسئله علي،بيت ام حيدر اني شرطت عليهن كل سؤال بالف حصلت من اخواتي ٢٠ الف… ظميت فلوسي بالجاروبه فوك الكنتور ونعست ونمت بس تعال يال يخليني انطمر كل شويه مكعديني من النوم كافي حنوشه لاتشخريين افزع من نومتي وارجع انام عيشه صخام امداك حسام اي والله طاح حظك حسام اشحلاتك واشحلات غرفتك ..
حنوشه/ ثاني يوم الصبح كعدت علي صوت ابوي وهو يحاجي ابن عمه صكبان ابو محمد ..تالي الخبر عم ابوي ابو صكبان توفى الفاتحه مالته بكربلاء.. راحوا امي وابوي للفاتحه وصوني علي اخواتي وانطوني مصرف للبيت اخواتي بعدهن نايمات كعدت اختي رباب تخبز للريوك واخذت من كبه زينب اختي المسويته طلبيه لام احمد الدلاله .. واشتريت بيض بالف ونص وخدرت ﭴاي وفرغته بالترمز وسويت صينيه ريوك اتخبل واخذته لبيت ام حيدر جيرانا دكيت الجرص وام حيدر فتختلي الباب سلمت عليه وطبيت وريحه الكبه والخبز الحار اتشهي الولد هستوهم كاعديين من النوم… غسلوا وكعدوا كلهم عالصينيه وصبتلهم الجاي واتريكت وياهم مثل اخواني شبيجن لاتاخذن غيبتي عابت .…
حيدر/ عاشت ايدج حنوشه عالريوك
كرار/اني الصبح مااتريك بس اكل حنوشه يفتح النفس
ام حيدر/ حنوشه نفسه طيبه فدوة للبنات
حنوشه / اكلكم تري اني كلشي ماسويت الخبز اختي رباب خبزته هي خبازة مالت المنطقه والكبه اخذته من طلبيه اختي زينب هي طباخه والناس دزله طلبيات وهي تسوي المهم حجيتلهم علي اهلي واخواتي وشغلهن… الي عرفته عباس باجر يلتحق كلت خوش رزق ..اكلك عباس اسويلك كليجه اختي رباب وتاخذة وياك تفيدك هناك الكليجه وعصريات تاكله انت وجماعتك ..اشوفه اقتنع وانطاني٢٥ الف وكلي خل اختج اسويلي صينيه جبيرة اتكفيني انا وجماعتي . اخذتهن منه بالاول ماقبلت بس هو ذبهن عليه… خالتي ام حيدر همات ماتكدر تخبز وهم كالت يوميه ادز العجين لرباب وتخبزة اله… اني حيدر شال ١٠٠٠ الاف وانطاني كال ازعل اذا مااخذتيهن حنوشه هاي فلوس الريوك الي سويته
حنوشه/ شسالفه خويه رجع فلوسك صدك جذب اني ماسويت شئ الولد ماقبل ارجع الفلوس شسوي اخذتهن… اخذت المواعين مال الريوك ورجعت لاهلي واخواتي استلمني بالحجي شكوا تروحين لناس من الصباحيات ازعجينهم ..اني عطت بيهن وانطيت لزينب فلوس الكليجه مال عباس ورباب اتفقت وياها دز خبز لام حيدر يوميه هن سكتن لان اني جبتلهن رزق . المهم اليوم ماعندي شغل ولاعمل… واني مااعرف اكعد بالبيت… كلت اروح لاقبال ام السحورة اضحك عليه من تاخذلي خيرة . لبست عباتي ونعالي ابو الاصبع بيت ورحت لاقبال دفرت الباب وطبيت غير صايرة لحم علي اقبال نسوان بكثر الزبل عليه تانيته لمن خلصت وكلتله اخذيلي خيرة
&
&
&
#رواية_حنوشه_واخواتها😻🦋
