بارت ٥
حسام/ طلعت للدوام واني جنت مقدم عالقطعه ارض وصديقي ميسر الواسطه مالتي اجه عليه وراد الاوراق والمستمسكات الشخصيه مالاتي ..اتفقت نتشاوف اني ويا العصر ورجعت للبيت ماكملت الدوام وصلت للبيت وشفت ام هناء لسه تشتغل صعدت لغرفتي واسمع صوت التلفزيون كله اغاني… فتحت الباب وجان اشوف هاي الخبله تكمز عالجربايه ومحزمه وتارسه الغرفه عطر… لج شنوا هاي ليش تدخلين لغرفتي لا وفوكاها كالبه الغرفه كلاب تعالي انزلي يمي تعالي
حنوشه/ والله هسه ارتبه الغرفه كله وشوف حتي هذني الصناديك مالاتك ارجعهن بمكانهن وانت بس لاتتعصب عليه حباب علاوي
حسام/ علاوي صرت اني ها لزمت ايدة وخنزرت عليه شوفي لج غبيه اني حسام الشيخلي موا ياهو الجان اكطعج واموتج وانطي لاهلج افلوس بمكانج غرفتي لاتدخلينه بعد واذا سمعتج صحتيلي علاوي هذا لسانج اكصه ويله رتبي الغرفه عابت هالعطوب خبله من الصبح لهسه ازعاج وبس غبيه عابتلج اني بالحديقه ربع ساعه وترجع الغرفه اريدة تلمع
حنوشه/تم تدلل .. طلع من الغرفه واني قطرة دم مابيه من الفشله وشكلي المبهذل ركض رتبت الغرفه ورجعت كلشي لمكانه ونزلت للحديقه لحسام… اكلك حسام اني رتبتلك الغرفه محتاج شئ اسويه الك
حسام/ بيج خير تعاي ساعدي امج احسن غبيه وخري من وجهي
حنوشه/ رحت ساعدت امي وكملت شغل وامي طبخت الغدى واني غسلت ملابس حسام ونشفتهن وكويتهن وامي هي اخذتهن لغرفته كملنا شغلنا وحسام كال لامي باجر لاتجون اني باجر خفارتي بالمركز وبابا بعد اسبوع الي يرجع من الايفاد ..اخذنا الباقي من الغدي ورجعنا لبيتنا اجرت امي سيارة وصعدنا بالسيارة اني من التعب نمت لحد ماوصلنا لبيتنا ونزلت من السيارة وجان اشوف شاحنه جبيرة محمله غراض مال بيت…
يمه اكيد هذوله الناس الي اشتروا بيت ام حسوني ابو الحمام همزيين خلصنا منه المطيرجي…
امي طبت للبيت واني ظليت واكفه اريد اشوف منوا هذولي الناس جوارينا ولازم اعرفهم اني واكفه وجتي عليه اقبال السحارة .. سلمت عليه شلونج عيني حنوشه هالايام ماتنشافيين تعالي اسويلج يمي عمل بلكن قسمتج انتي واخواتج تمشي ظالات محد مكلبجن
حنوشه/ اقبال ولي منا لااهلهل عليج بلساني بنص الشارع وانتي تعرفيني اذا مديت لساني بعد مااسكت ولي عني خل اشوف جوارينا الجدد
اقبال/ ياولج حنوشه ليش انتي مادريتي يكولون هذوله اربع اخوان وامهم وياهم تلاثه يداومون ويا الفرقه الذهبيه واحد معوق خطيه مقعد مايكدر يمشي
حنوشه/ ياخطيه شوف شلون والله انقهرت عالمعوق اكلج ام السحورة انتي شمدريج بيهم
اقبال/ يا موا ام جواد مرت المختار جتي عليه تسوي سحر لابو جواد حتي مايتزوج عليه وحجتلي كلشي هي تعرفهم هما من اهل البصرة بس شنوا اتكول الولد يخبلون عمت عينج حنوشه اذا ماتخذيين واحد منهم
حنوشه / انجبي اقبال جيرانا مثل اخوانه وبين مااني اسولف ويا اقبال مرت من يمنا سيارة سايبه نزلوا منها شباب ٣ بس شنوا غير كلهم صاكيين 😍
&
