بارت ٨
اقبال/ ذبي بياض حتي تطلع خيرتج مظبوطه
حنوشه/ هاج هذا الف خسارة بيج والله
اقبال/ ولج حنوشه حظج راح يكعد علي كرسي ويحط رجل علي رجل ولج انتي راح يحبج واحد عندة منصب بالحكومه ..هسه انتي موا باله بس تمر الايام وتصيريين انتي روحه من الدنيا
حنوشه/ جيبي الالف ام السحورة وين الكى هذا العندة منصب بالحكومه شو كله كرايبي ومنطقتنا ناس تعبانه وتشغل عماله
اقبال/ موا اعرفج انتي مخبله امداج ولج شوفي شلون راح تتربعيين بﮘلبه وتصيرين عندة بعز الهوا
حنوشه/ اقبال انجبي يله رجعيلي الالف،مالتي لا افضحج فضيحه هسه
اقبال/ هاج الالف مالتج اني بعازته نمونه بس ولج اخذي حجياتي راح حظج يكعد
حنوشه/ غميت اقبال وطلعت للبيت… وجان اشوف سيارة يم باب بيتنا واشوف حيدر ابن ام حيدر شايل سلوى وهي تصرخ ولازمه بطنه ركضت عليهم وصعدت وياهم بالسيارة هاولج سلوي شبيج تبجين خايبه خاف هذا مغص الدورة .. .طاحت بيه وعضتني من ايدي… انا شمدريني نسيت روحي من الهبطه ونسيت حيدر والسايق ويانا تفشلت وسكتت وصلنا للمستشفى وكالوا عدة مصران اعور . سويله العمليه ونجحت كلت لحيدر يروح لييتنا يجيب ملابس لسلوى وصيته عالشغلات ثانيه شسوي ماعندي حل هو هم مثل اخوي .. مشي حيدر وانا طلعت للكافتريا اشتري لفه متت من الجوع عفت سلوى بالردهه وطلعت وجان اشوف 😳
حنوشه/ نزلت للكافتريا مالت المستشفى ردت اشتري لفه وعصائر ومي وجان اشوف حسام😍كاشخ ومضبط نفسه طالع يجنن اجت عيني بعينه من شافني اجه عليه
حسام/ حنوشه خو ماكوا شي ليش بالمستشفى
حنوشه/ لا ماكوا شي بس اختي سلوى صار عدها مغص اني لسبالي مغص الدورة بعدني مامكمله كلامي وحسام غماني بايدة وعافني ومشى ركضت عليه ياحسام شبيك ليش تغمني اشسويت انا
حسام/ وجع حتي وجع لج شنوا هالحجي هذا غبرة انتي خبله هي هاي سالفه تحجيه
حنوشه/ 😌يا وعلي نسيت شوف شلون جفصت بالحجي اختي سلوى عدها مصران اعور وسوت عمليه اكلك انت مادريت غير عم ابوي ابو صكبان انطاك عمرة وامي وابوي بكربلاء راحوا للفاتحه انا باجر يمك ان شاالله لايظل بالك من الغبشه اجيكم للبيت
حسام/ اولا حمدلله عالسلامته اختج واسمه عمليه زائدة دوديه وباجر لاتجين ابقي ويا اختج داريها هاج هذا مصرف خاف تحتاجين شئ
حنوشه/ لاشسالفه حسام عندي فلوس خير من الله ضامتهن بالجوارب مالتي فوك الكنتور واني اصرف علي اختي
حسام/ اخذي حنوشه عيب تفشليني
حنوشه/ اخذت الفلوس من ايدة مايصير افشل الولد انطاني ١٠٠ الف 😍غير من شفتهن الحمر اجيت اكمز من الفرح مامصدكه راح يصير عندي مليون وميه عافني حسام واخذت لفه وعصير وصعدت لردهه الي بيه سلوى خطيه سلوى تهذي من البنج وعرفت وين ضامه فلوسه 😁هلوست من البنج لحد ماانتبهت وذبت من راسه… واجه حيدر واختي رباب وخالتي ام حيدر… رباب ظلت ويا سلوى واني رجعت ويا حيدر وام حيدر للبيت ظميت فلوسي وسبحت واكلت ورحت علي فلوس سلوى ظامتهن بالديباج الجديد الي بالنضدة مالت امي فتحت جيس الفلوس وجان احسبهن ويطلعن مليونيين ..ردت اخذ منهن بس كلت لا خطيه هي لمتهن بتعبه رجعتهن لمكانهن… وطلعت الم فلوس السلفه ..واسمع عياط وصياح بيت عادل ابو العرك دفرت الباب وطبيت لكيته كامش مرته سعاد ومخلصه من الكتل… خطيه كسرت خاطري ..كمشت عادل من ياخته وتهددت عليه ودفعت للشارع ولد المنطقه استلموة رزايل وبسط اخذت سعاد هي وزعاطيطه لبيتنا خطي غسلت وانطيته دشداشه من عندي ونورة صبتله غدى واكلت هي وزعاطيطه اني صح خبله وفطيرة بس عندي غيرة مااقبل بالظلم ..
&
&
&
#رواية_حنوشه_واخواتها😻🦋
