بارت ١٦
بيت ام حيدر قرروا يسون زفاف جماعي يتزوجون كلهم نفس اليوم… جليله ماصدكت علي الله تبجي علي اخواتي هي وابوي سوها مناحه.. اني حفيت اخواتي وسويتلهن شيرة موا بلاش لاعيوني كلشي بثمنه… اخواتي اخذتهن للصالون هن كلهن شهبات وحلوات وسون مكياج وتسريحه غير يخبلن انا ظليت بوسخي وجبتي شسوي مالحك اركض منا واروح منا… الزفه صارت تخبل واحنا اهل المناطق الشعبيه كلنا ننجمع وفرحنا واحد صح فقرا بس ﮘلوبنا طيبه ذبيت لحم بعرس اخواتي انا واقبال ام السحورة يابه تردن الصكد اقبال صاحبه واجب والنعم منه كابلتني بالركص ماقصرت وزفينا اخواتي بوياي متت من البجي ياهيج الاخوات عزيزات ورجعت للبيت يصوصي ﮘلبي انمرد من البجي وتكابلنا انا وامي وابوي نبجي سويناها مناحه بس الي سكتني شئ واحد اي والله اخواتي خطيه جامعات فلوس وانطنهن لابوي خطيه تعبهن كله يله طلع عشر ملايين اخذتهن من ابوي وظميتهن بجامتي الشتويه وخليته بمخدتي الي انام عليه فليساتي بعدهن بالجوراب فوك الكنتور… سكتنا من البجي وطفحت العشى تمن ولحم وربه وفواكه دخت ونمت بلا تغسيل تعبانه اعذروني شسوي صيرن بمكاني… ثاني يوم الصبح كعدت من غبشه الله ..سبحت وبدلت وسويت الريوك. الزين وباوعت عالساعه شفته ساعه ٦ الصبح اخذت الريوك ودفرت باب بيت ام حيدر وطبيت اهلهل ياخرطي اخواتي لسه نايمات… حطيت الصينيه بالمطبخ وكعدت خالتي ام حيدر ورحت دفرت الباب مال غرف اخواتي مااحجيلكم الازعاج السويته كلهم فزعتهم يله يكبرون وينسونه بس فشله بعدهم عرسان وخطيه حرجتهم… كعدوا وسبحوا وتريكوا وصيت اخواتي علي نسوان المنطقه ينتبهن زين منوا الي تنطي صباحيه زينه وياهي التجيب ديباج بطانيه نزله من هاي السوالف حتي اعرف كل واحد واجبه ويانا ..اني ترخصت من اخواتي وكلتنهن عندي شغل… طكت براسي فكرة
حسام/ اليوم اتعاركت ويا ميثا خطيبتي تريد من نتزوج نطلع بيت وحدنا اني ماقبلت اعوف بابا هي مصرة عالبيت وحدة لا وفوكاة تريد اسجله بااسمه اني صرت عصبي وطلعت عالسرعه بالسيارة من كثر العصبيه ماشفت الي كدامي وصار ويايه حادث… .
&
&
&
#رواية_حنوشه_واخواتها😻🦋
