بارت ٩
حسام/ عندي صديقي ظابط بيتهم مدينه الصدر سوى عمليه رفع المرارة ورحت ازورة للمستشفى وشفت حنوشه يم الكافتريا مالت المستشفى رحت ركض عليه عبالي امه صاير عليه شئ سالته وجان العوبه اجفص بالحجي عفته ورحت وجتي وراي وفهمت منه كلشي انطيته مصرف وبالكوة اخذته مني ..هي صح فطيرة وغبيه بس احس هالحنوشه هاي رغم ماهي زغيرة بس شايله هم اهله ومساعدتهم بس هي غبيه باامتياز
حنوشه/ مرت يومين عالعمليه سلوى واليوم تطلع من المستشفى وحيدر واخوانه ماقصروا ويانه وكفتهم جانت حلوة ويانا وبالخصوص حيدر شهم وصاخب غيرة اليوم الا جوي امي وابويه ومااوصفلكم بيتنا نسوان منطقتنا جوي يعازن امي علي ابو صكبان ويرجعن العصر يحيبن الواجب ويتحمدن عالسلامه سلوى طبعا اني كلشي ماسوي بس لميت الجبرات قطع القماش الاسود الي جاراتنا جبرن بيه امي وصفطت صناديك السفن والبيبسي الي جابوهن الجيران لاختي سلوى من سوت عمليه اجرت ستوته طلال المكبسل وصعدت بالستوته ورحت لابو جلال الاعور صاحب محل جمله بعت عليه صناديك السفن والبيبسي وحصلت بيهن خير من الله ورجعت بنفس الستوته بس شنوا صرت تشريب من كد مالستوته هزتني شسوي اكل العيش مر… رجعت لاقبال ام السحورة بعت عليه القطع القماش الاسود وخصلت منه خير من الله اقبال ام السحورة همات دلاله وتبيع وتشتري بالذهب ماعلينا رجعت لبيتنا وانطيت لامي نص الفلوس والباقي اخذتهن الي وضميتهن بالجواربه حتي الجوارب مايكفي لفلوسي تمزك اوف منك حسام عساها بختك مانطيتني صناديك القديفه الحمر . خل يولي… المهم مر اسبوع واني مارايحه لبيت حسام ..اليوم الصبح كعدت وبدلت واتريكت وطلعت ويا امي ورحت لبيت حسام… واليوم حسام عازم خطيبته وابوة عالعشى اوووف متت من الشغل هما نفرين وخابصنا بيهم سوينا اني واني دولمه وسمج شوي وزلايط وحبشكلات هواي ياكلون حرفش ببطونهم هلكت من التعب وجتي خطيبته كطيعه… شحجيلكم عليها العوبه
حنوشه/ شفت حسام كشخ واتعطر ولبس قاط وطالع يجنن وابوة همات كاشخ وجان تجي خطيبته والله يالله حتي حجيه ليرة احلي منه يابسه وعيونه دكم واذا انفخه تطير خررب علي شنوا هذا خطبه … امي عاطت بيه واخذت العصير وقدمته الهم وجان اشوف ابوها موا راحه يبصبص عليه خليت العصير وغلست عنه ..وبلشنا جهزنا العشى عالمائدة اني وامي ورتبناها وجوي ازقنبوا… وكملوا … وحسام كال سويلنا كهوة… حسام هو وخطيبته طلعوا بالحديقه وابو حسام دك الفون مالته وطلع يحجي بالموبايل قدمت الكهوة لابو ميثا وجان يكمش ايدي…
&
&
&
#رواية_حنوشه_واخواتها😻🦋
