بارت ١٧
حنوشه/ ردت اروح اجيب اخواتي الاكبار خطيه محد جابهن للعرس كلت يغيرن جو ..هستوني اريد البس وجان امي جتي ادك وتلطم طلعت ملابسي عالنص هايمه شصاير ابوي مات
ام حنوشه/ كش اسم علي ابوج ولج حسام ابن ابو حسام سوى حادث والولد حالته خطرة وابوة من سمع الخبر تخربط وطاح خطيه ارتفع عندة السكر وهسه اثنينهم عفتهم بالمستشفى واجيت
حنوشه/ اول مرة بحياتي يصير عندي هالاحساس انعصر كلبي وبجيت بخركه عطت باامي كومي جليله امشي للمستشفي اريد اشوف حسام
ام حنوشه/ ولج وين ترحين الدنيا مكلوبه عليه
حنوشه/ كومي ماعليج لبست واخذت ويايه مبلغ محترم وطلعت وانا الطريق كله انحب وابجي علي حسام وتوجهت لرب العالمين ودعيته لحسام من كل كلبي وصلنا للمستشفي والناس مكلوبه ظباط واصدقاء حسام والمعارف… درعتهم درع ورحت طبيت لدكتور كتله دكتور اريد اشوف حسام اني زوجته بالسر وحامل منه فدوة خليني اشوفه كبل لايموت
الدكتور/ اختي ممنوع الزيارة حالته صعبه
حنوشه/توسلت بيه وظليت ابجي كتله لخاطر الي بطني خليني اشوف ابو بيتي كسرت خاطر الدكتور وكال تعاي وياي والدكتور طلع من غرفته وكله تلكتله يردون يشوفون حسام
الدكتور/ اخواني المريض حالته صعبه واني الانسانيه الي عندي سمختلي بس اخلي زوجته اشوفه لان هي حامل واخاف على صحته
حنوشه/ فضخني ابن الﮘلب والناس كله سمعت وعبالهم صكد زوجته وحتي ميثا جانت موجودة من سمعت خلت وطلعت وامي خطيه عباله صدك متزوجته بالسر وحامل خطيه تخربطت وكعت اني ولا عبالك امي الناس التموا عليه واخذوة للطوارئ واني طبيت لحسام… 😢 انقهرت عليه وﮘلبي انمرد ماكوا شئ ظال بيه صاحي كله مكسر ظليت ابجي وادعي وشوي دخل ابو حسام وكال بنتي ادعي لزوجج يكوم بالسلامه ليش ماحجيتي من زمان عالزواجكم ديري بالج علي صحتج اريد اشوف حفيدي…
حنوشه/ولجن الجذبه صارت صكد وعلي ابوي وامي يذبحوني
حنوشه/ظليت انا وابو حسام يم حسام نقرا قران وندعيله يكوم بالسلامه وجان اسمع العياط والصياح منوا ابويه وامي جوي عليه
&
&
&
#رواية_حنوشه_واخواتها😻🦋
