بدأ خبر السلعوة يجعل الأهالي تلجأ للشيوخ. وكان أول شيخ
من نصيب بيت روفيدا.
دخلت والدة روفيدا سريعا، وأخبرتها بأن هناك شيخ أتي
ليرقي كل من بالبيت، قاطع حديثها صوت أجش تنحنح، ثم
قال:
دستور يا أسيادنا.
صوت والدها دعاه للدخول، ثم نادى زوجته، غادرت والدتها
الغرفة وتركتها. نظرت روفيدا من الشباك، وجدت رجل في
الخمسين من عمره، له ذقن تصل حتي صدره، بيده سبحة
طويلة، سمعت صوت حاتم بجوارها وهو يضحك، قائلًً :
الساحر الكبير وصل.
قالت لحاتم، بينما تتأمل ملًبس ذلك الشخص وجلبابه
الواسع:
ساحر إيه بس يا حاتم، ده شيخ، وأبويا جايبه علشان
يقرالنا قرآن ويحصنا، وكله بسببك وبسبب أبن أختك.
أه ويعملكم زار، ده هيطفّش شوية الملًيكة الباقيين في
أوضة أخوكي، هتشوفي إلّي هيعمله، وأنا هقعد حاطط رجل
علي رجل كده لحد ما يخلص، وبعدين قلتلك بلًش عثمان
بلًاااش إنتي إلي صممتي.. ماسمعتيش كلمة "دستور يا
أسيادنا" إلّي قالها وهو داخل، دي تعظيم للجن بيقوله يا
سيدي أهو.
والدتها دخلت فجأة، وقالت:
يالّا يا روفيدا أبوكِ هيزعق.
أنا مش طالعة لحد، أنا كويسة.
دخل والدها عندما سمع كلماتها، جذبها من يدها وهو
يسبها، فتعثرت قدماها وسقطت، ساعدتها والدتها علي
النهوض، وهي تقول:
وقعت علي أختك أحسن منك.
أكمل حاتم الضحك، وناداها قائلًً :
أمك هي كمان شكلها إنضمت لحزب السحرة والأشرار،
مفكرة إن ليكِ أخت من الجن تحت الأرض بتقولك أختك
أحسن منك، علشان مش تأذيكِ، يخرب بيت الجهل يا
شيخة.. فيفي، علشان تتأكدي إنه ساحر، أول حاجة هيسألك
عليها هو إسمك وإسم أمك يا بنت سنية.
كانت روفيدا تنصت له ولا تصدق ما تسمعه أذناها. خرجت
من الغرفة وهي صامتة، وقفت أمام الشيخ ترتجف، نظر لها
وهو يبتسم، وقال:
