#الرحمه

البارت 5

#الرحمه

🌸🌸🌸بقلمي رزان باسم 🌸🌸🌸

زهراء.. فرشت الي ولبنتي ونمنا سواه...
كعدت على صوت علياء   تصرخ يمي وتكلي اكعدي لج زهراء.. الحكيني زهراء...

زهراء... فزيت من مكاني عبالي عمتي ماتت كتلها شبيج خييررر.. احجي!!

علياء... لج لا يا عمتي كولشي ما بيها.. بس بنتي  دتستفرغ  الحكيني 😭😭

زهراء... كولي يالله سهلة انشالله..

علياء.. لج ليش هيج كلبج بارد لج بنتي... حتروح مني..

زهراء... رحت لغرفتها كل اشويه واتذب من حلكها اخذت البنيه وغيرت ملابسها...

كلتها لا تخافين عادي تصير ويه اي وحده لان شبعانه دتستفرغ..

وانتي كل اشويه وحاطه الببرونه بحلكها 😐من العجز مالتج اشويه ديربالج على بنتج..

اخذتها وحطيتها على متني وظليت اطبطب على ظهرها خفيف لحد ما ارتاحت غيرت ملابسها و هزيتها على رجليني لحد ما نامت انطيتها لامها...

وكتلها ديربالج عليها.. ولا تخافين اذا صارت مره ثانيه مجرد ما شبعانه ودتذبه لان تضايق منه الحليب وهي متفتهم... اوك

علياء... مشكورة..

زهراء... الشكر لله عيوني.. طلعت من غرفتها رحت سويت الريوك وديته لعمتي كومتها..

لان متكدر تكوم وكلتها بيدي وانطيتها علاجها واخذت الصينيه ورحت للمطبخ سويت ريوك واتريكت اني وبنتي..

لان كرار يتريك هو وعلياء.. لاحظت كرار... كل اشويه ويجي يطمئن على امه..

عكس قبل جان هاملها مجرد ما ينطيها فلوس ويمشي بس هسه اختلف الوضع كل اشويه جاي من الشغل يشوف امه ويروح...

مهتميت اله خلصت ريوك ولملمت المطبخ ورحت اخذت ملابس عمتي وغسلتهن ورتبت غرفتها... وطلعت..

مرت الايام وعمتي تزداد حالتها سوء.. يعني صرنا داخلين انذار خاف على ساعه تروح من ادينه....

زهراء... داسوي غده جان تصيحلي عمتي..

ام كرار... هاي الفتره كولها من كرار ينطيني فلوس اخذ منهن واضم لزهراء..

لان اعرف نهايتي شنو واعرف كرار ينطي لعلياء اكثر من زهراء... كلت خطيه خلي انطيها فلوس قبل لا الله ياخذ امانته..

زهراء.. دخلت ها عمه رايده شي ؟

ام كرار... لا بنتي سلامتج بس اريد احجي وياج اشويه.

زهراء.. تفضلي عمه احجي!

ام كرار... يمه كومي افتحي الكنتور وجيبي .
ذاك الصندوگ ..

زهراء... سويت مثل مكلتلي وجبت الصندوگ

ام كرار... فتحت الصندوگ وانطيتها فلوس يمكن بيهن  500الف اعرف ميكفن بس شسويلها خطيه كتلها اخذيهن عمه ذني الج ولبنتج.. اعرف ميكفنج بس يفيدن