#الرحمه

البارت 22

#الرحمه

🌸🌸🌸رزان باسم 🌸🌸🌸🌸

اميرة...اوك..دخلت للمطبخ وطلعت الدجاجات..غسلتهن وحطيتهن على النار...

بعدها..رجعت طلعت السمك وغسلته وحطيتله توابل وهاي الشغلات..
وحطيته بالفرن....

بعدها....رجعت اسوي سلطه ومقبلات
بين ما يستوي الدجاج والسمك...

بقيت بالمطبخ..لحد ما خلصت الطبخ وصار كوله جاهز بعدها..اذن المغرب

رحت صليت...وهم راحو يصلون
من خلصت صلاة غيرت ملابسي ورتبت نفسي...ونزلت

علياء...اميرة...كومي صبي الاكل بسرعه..

اميرة...رايحه..

سما... احجي عدل ويه ماما.

اميرة...ايباااا شوفو منو الي يحجي
لبستها ورحت مديت السفره..

وصبيت الاكل..انترست السفره
اشكال الاكل خير من الله...

لاحظت...ابن خاله كوثر مراقب حركاتي وابد مشال عينه...عني

طبعا اني رحت بالمطبخ اكل وحدي لان.. متقبل الشفيه خالتي...

داكل جان يطب للمطبخ...شرب مي وطلع مع العلم المي موجود يمهم

بعد ما خلصت العزيمه وهمه راحو بقيت...بس اني انظف بالمطبخ

من خلصت صعدت لغرفتي حتى مالي واهس ادرس من التعب...ضميت
الكتاب ونمت...لثاني

كعدت الصبح...نظفت البيت وخلصت شغلي...ورحت غسلت وغيرت ملابسي

واخذت الجنطه. ورحت على ريم ..
طلعنا سوه للمدرسه وسما وصديقته
طلعن..وحدهن..

اميرة...خلصتي ماده الاحياء؟

ريم...اي خلصتها وانتي

اميرة....يعني نص ونص

ريم...ليش ؟

اميرة...البارحه اجت اخت خالتي وتعشوا يمنا وانتي احسبي المطبخ
شلون صار وكله براسي الطبخ وغير.

ريم...الله يساعدج حبيبتي يلا اني
اغششج اذا متعرفين..وغمزت

اميرة...انجبي حبيبتي ما اريد اغش
اريد انجح بذراعي مو بالغش.

ريم...صايره فيلسوفه!

اميرة...احب فلسفتي..بقينا ندردش لحد ما وصلنا المدرسه..

دخلنا الصف...بقينا نراجع وقريت من هذا الي مقاريته...لشويه دك الجرس
ودخلت المدرسه وانطتنه الاسئله

جاوبت...نص ونص..بس المهم ما غشيت...من خلصت سلمت الورقه وطلعت...

بقيت برا انتظر ريم...واخذت الكتاب واشوف هذا صح وهذا لا...لحد مطلعت ريم..

اميرة...هههههه هاي عود انتي الي مخلصه الماده هلكد تاخرتي

ريم...وجع مو تيهت بالاسئله..