#الرحمه

البارت 26

#الرحمه

🌸🌸🌸رزان باسم 🌸🌸🌸🌸

اميرة...مشت خالتي علياء..لبيتهم
كلت بلكي تمنعها لسما...
بقيت متأمله..انو سما تكف شرها
عني وعن وسام...

بقيت..افكر شنو حيصير اذا استمرت
العلاقه بينهم...معقوله يطلقني...
ويتزوجها..اووف بس هاي اختي
حرام...ميجوز..بقيت كاعده

جان تجيني لين...تلعب يمي  جان تكلي..ماما اريد عميه..."يعني اكل"
اخذتها واشتم بعطرها...هسه احطلج
عميه ياروح امج...

رحت دورت على ايفان..علمود اوكلهم
ثنينهم رحت جبته وحطيتهم يمي
بالمطبخ...كمت اوكلهم بسكت وحليب

اجتني خالتي كوثر...كعدت يمي
جان تكلي ليش وسام...ديضربج

اميرة...جريت..نفس كلتلها خاله ما اعرف بس اساله لو سؤال بسيط
يعصب وينقهر...لو يضربني لو بس

يرزلني...ما اعرف يمكن لان ما عندي احد بهاي الدنيا مستقوي عليه..
واني متمسكه بيه علمود لا اخسره

لان ما عندي احد..اذا هو ابويه
ويكرهني...وخالتي علياء تحقد عليه
ولو هي اختج بس هذا الواقع...

كوثر...والله يابنتي عين وصابتكم
جنتم مثل العصافير.. ينضرب
بيكم المثل..بالحب...الله يهدي سركم

اميرة...تسلمين خالتي والله بدونج
انتي وعمي ما اعرف شسوي..
الله يهدي عليه..

كوثر...شنو اليوم مراح تغدينه..

اميرة....هههه تدللين بس هاج احفادج
وكليهم..

كوثر....شلون احفاد يمه يمه يخبلون
جيبي اني اوكلهم انتي روحي سوي
غده...لان وسام وابو على جيه.

كوثر...تدللين..كمت سويت غدا تمن
ومرگ..وخالتي كاعده يمي توكل
باطفالي...

مر..الوقت خلصت الطبخ بعدها
تقريبا الساعه 12:30الظهر اجو
وسام وعمي...

وسام...اميرة تعاي

اميرة...نعم

وسام...حضريلي ملابسي اريد
اسبح...

اميرة...انشالله..رحت حضرت ملابسه
انطيته الملابس...تريد شي ثاني..

وسام...لا

اميرة...رايحه احضر الغدا..

وسام...روحي حضري السم..

اميرة...استغربت من كال هيج
يعني داحجي بهدوء وياه...شبيه
طلعت..گطيعه..

وسام...من دخلت الغرفه ما طقت
اميرة...كوة لزمت نفسي..كامت تلعب
نفسي منها...

اميرة...صبيت الاكل وصحتهم كولهم
كعدنا ناكل..وسام ميباوع بوجهي
يااا هالدرجه كارهني..حجيت بداخلي..

اميرة...مرت الايام...وسام يزاد سوء بتعامله ويايه ومرات ميجي للبيت
بس احجي كلمه..يتخبل عليه..