#الرحمه

البارت 17

#الرحمه

🌸🌸🌸رزان باسم 🌸🌸🌸

اميرة...كعدت باوعت للساعه  8 كلت شعجب امي ما كعدتني...

اول مرة تنام هواي..كلت يلا اليوم اغيب عن المدرسه.. كلت خلي اكعد

امي..اهز بيها ماما..ماما..اكعدي
ماما ليش متكعدين...تاخر الوقت

وانتي ما كعدتيني..ليش ماما حبيبتي
اكعدي..اهز بيها ماكو لزمت ايدها

جانت كولش بارده...رحت لخالتي علياء.. كلتلها خاله..

علياء...خير شكو ؟

اميرة...خاله ما ما ترضى تكعد تعالي شوفيها...والدمعه بعيني

علياء...شنو طبعا اني كيفت بداخلي
رحت لغرفتها..باوعت عليها..

اميرة...اني اباوع على خالتي علياء وكلبي مقبوض...ما اعرف ليش

علياء...عزه هاي ميته البقاء بحياتج

اميرة...فكيت عيوني كلتلها شنو يعني

علياء...حبيبتي امج ماتت...!!!

اميرة...انتي تجذبين عليه انتي جذابه
كمت اصرخ مامااااااااا اكعدي الله يخليج..

علياء...رحت اتصلت على كرار وكتله اتصل على اخوانها..

اميرة...لج ماما وين خليتيني..وين عفتيني..ما شبعت منج ولا من حنيتج

ماما فدوه اروحلج اكعدي ما اصدك عفتيني بهاي الدنيا منو الي...

اكعدي مو كسرتي كلبي انتي مو كلتي ما اعوفج ليش هيج اني بعد ين انام

منو يسويلي الاكل الي احبه ماما فدوه اروحلج اخذيني وياج...ابجي واصرخ

اتهسترت...ما اعرف شصار بيه بقيت نايمه على صدرها واشهك من البجي

تيتمت من بعدج يا يمه...اوووف كسرتي ظهري بموتج. يمه ارجعيلي فدووووه 💔

اتهسترت بعد ما ماتت كوه شلعتني خالتي علياء منها...كمت اصيح عوفوني....

كرار...خابرتني علياء..وكلتلي على وفات زهراء...انصدمت بصراحه

بعدها تركت كولشي من ايدي ورحت على البيت واتصلت باخوانها...

علمود يجون...وصلت البيت واسمع اميرة تصرخ اني اول مره اشوف

طفله هيج متهسترة وتبجي بحركه كلب رحت دخلت الغرفه...وجريتها

بحظني كلتلها بابا...ميصير هيج رغم ما جنت اطيقها بس ما اعرف شنو من

شعور..صار بداخلي يمكن تعاطفت وياها لان طفله ومالها ذنب باي شي

اميرة...اجه بابا وجرني..لحظنه ما اعرف حسيت بالامان مع العلم لاول

مره بحياته..صحيح اني ابجي واشهك من البجي على ماما..بس بهاي اللحظه