#الرحمه

البارت 10

#الرحمه

🌸🌸🌸رزان باسم 🌸🌸🌸

زهراء...اني اشبك بيها وابوس بيها جان يدخل الولد نفسه هنا صارت الف علامه استفهام...؟

كتله...هذا انت ؟

جعفر...اي اني..

زهراء...والك عين تجي وتوكف كدامي..لك احجي منو انت...خو مسويت شي بنتي...احجي!!!!!

جعفر...اول شي خلي اعرفج عن نفسي..خاله اسمي جعفر

زهراء....قاطعته ابن الاوادم وجاي تعرف عن نفسك...احجي خو ما سويت شي بالبنيه...

جعفر...خاله مسويت بيها شي ولو مسوي ما اجي هسه واجيبها الج واوكف كدامج....

زهراء... زفرت بصوت تكله احجي تره صايره اعصاب...منو انت احجي

جعفر...اسمي جعفر عمري 17سنه واني اصير ابن اخت خاله علياء...يعني خالتي علياء اخت امي..

زهراء...من حجه هيج فكيت حلكي...

جعفر...شوفي خاله راح احجيلج من البدايه..اني تره معليه بالسالفه كولها

خالتي علياء هي الي ورطتني وانطتني فلوس وكلتلي...اريد منك تصخم وجهه ضرتي بتها...

حتى..خالو كرار يطلكج.ويتصخم وجههج بس والله العظيم بالبدايه ما اعرف شلون ابليس وز براسي...

بس من اخذت البنيه...مكدرت اسوي اي شي لان هي طفله ومالها اي ذنب واني هم عندي خوات وهم عندي بنات خالتي...

يعني اذا اسوي شي بيها راح يصير بيهن مثل مصار بيها...شوفي خاله اني حكون صريح وياج...

اني عندي سوالف طايحظها بس مو معناها العب باعراض الناس...لهذا السبب خالتي كلتلي سوي هيج

عبالها...اني العب باعراض الناس..

زهراء...عرفتها هي حجيت بداخلي..كتله انت من اخذتها ما خفت الله ماكلت هاي ام شنو حيصير بيها..

جعفر....خاله اسف والله اتمنى تسامحيني وهاي بنتج رجعتها...والله ما مسيت شعره منها...

رحت استسمحت منها وطلعت خطيه بسرعه قبلت محجت شي...

زهراء....ظليت صافنه يربي شنو من عقل عدها لهدرجه متخاف الله مفكرت بناتها...

الولد ماله ذنب وطلع احسن منها..بس بسيطه علياء..

زهراء...اخذت بنتي وطلعت من المستشفى...وصلت البيت..جان تطلع علياء...شفتها انصدمت باميرة

علياء...من راحت زهراء..تجيب بتها من المدرسه خابرني جعفر وكلي اخذت البنت...اني فرحت حيل...

وبعدين عرفت زهراء...بالمستشفى كلت عساها تموت واخلص منها..

بس...اتفاجات من دخلت هي واميرة للبيت..ظليت صافنه هاي اميرة كولشي ما بيها..