#الرحمه
🌸🌸🌸رزان باسم 🌸🌸🌸
زهراء... كعدت الصبح سويت ريوك وكعدت امورة كتلها يلا ماما اليوم اول يوم بالمدرسة.... كومي حتتاخرين..
اميرة... اي ماما
زهراء... اكعد بيها تكلي اي ماما وتفرك بعيونها.... هسه غير تكوم لج اميرة كومي... هاي تنبل مال نوم
اميرة... كعدت ماما... صباح الخير
زهراء... يمه فدوه للمؤدبه صباح النور حبيبتي يلا كومي... جريتها من ايدها غسلتلها..
وغيرت ملابسها وسرحت شعرها.. وحظرت جنطتها... والكتب..
ونزلنا نتريك....شوفي امورة راح اكلج كلام وخلي حلقه بأذنج سمعتي...
اميرة... اي 🙂
زهراء.... كل يوم اني اوصلج للمدرسه واجيبج تنتظريني لحد ما اجي ممنوع تمشين وياه اي وحده... سمعتي... هاي اول نقطه
ثاني. نقطه ممنوع تصادقين بنات كسولات... تره ما اقبل صادقي الشاطره والحبابه.. وثالثا والاهم
اي شخص يصيحلج ممنوع منعا باتا ترحين لو يكلج امج تنتظرج بره ممنوع ترحين وياه سمعتي لو اعيد وخليج هادئه وحبابه وشطورة... ماشي ماماتي...
اميرة... حاظر ماما..
زهراء... كملي اكلج ماماتي...
اميرة... خلصت ماما خلي نروح
زهراء... دقيقه البس واجي... رحت غيرت ملابسي ومشينا... الحمد لله المدرسه مو بعيده مسافه طريق...
وصلنا المدرسه بستها ودخلتها المدرسه وكتلها تنتظريني هنا اني اجي اخذج
كلتلي اي...
زهراء... رجعت للبيت لكيت علياء... كاعده من الصبح استغربت اول تالي تكعد هيج وقت...
مهتميت... دخلت للمطبخ لملمت الغراض... ونظفت وهي كاعده تسوي ريوك الها...
علياء... وين جنتي من الصبح 😒
زهراء... اول شي صباح الخير...
علياء... صباح الخير...
زهراء... وصلت اميرة للمدرسه...
علياء... وليش متروح وحدها هاي المدرسه مو بعيده.... مو كل البنات تروح وحدهن
زهراء.... عزة تحجين صدوك لج بابا هاي طفله.... تعرفين شنو طفله وين اخليها تمشي وحدها... عود انتي خلي بناتج يمشن وحدهن..
علياء... وليش اخليهن وحدهن اني اوصلهن..
زهراء.... اللهم طولج يا روح... وين الربط بكلامج بله ؟
علياء.... شبيج عيني كمتي تزفرين اوووي
زهراء.... وجعوي اي والله تخلين الواحد يخرج من طوره
أنت تقرأ
#الرحمه
Чиклитقصه حقيقيه ممزوجه بالخيال تتحدث عن واقع مرير لفتاه... عانت الكثير ولكن هل سوف يكون هناك مفتاح فرج.. تابعوني
