(Zawgyi)
* ဘုတ် *
ဧည့်ခန်းထဲသို့ ရောက်သည်နှင့် လက်ထဲက ဆွဲထားသော
ခရီးဆောင် အိတ်တို့ကို ပစ်ချကာ မျက်လုံးကစားကာ
အိမ် တစ်ပတ် လိုက်ကြည့်တော့ ...
မဆိုးပါဘူး ။ မေမေတို့ စီစဉ်ပေးထားတဲ့ အိမ်က လှသား ။
ခရီးရောက် မဆိုက် မနားနိုင် တစ်ခန်း ဝင် တစ်ခန်း ထွက်နဲ့
လိုက် ကြည့်နေမိသော ကျွန်တော် ။ နောက်ဆုံးတော့
ကျွန်တော် အကြိုက်ပါ စီစဉ် ပေးထားတာကို တွေ့ရတော့မှပဲ
အမောပြေကာ ရင်ထဲက အလုံးကြီး ကျ သွားရတော့သည်။
" ရေကူးကန်! ဘာလို့ လုပ်ပေးထားတာလဲ !
မေမေတို့ကတော့ကွာ အပို အလုပ်တွေ အရမ်း လုပ်တာပဲ "
ကျွန်တော် ဘေးသို့ လာ ရပ်ပြီး လက်ပိုက်လျက်
အရှေ့က မြင်နေရသည့် ရေကူးကန်ကို ကြည့်ကာ
ပါးစပ်က တွတ်ထိုး အပြစ်ဆိုနေသော သူ့ကို ကျွန်တော်
ခပ် စွေ စွေ စောင်း ကြည့်လျက်....
" ရေကူးကန်က ငါလုပ်ခိုင်းထားတာ..ဘာဖြစ်လဲ ! "
" မင်းလုပ်ခိုင်းတာ! ဒီရေကူးကန်ကို! ဟုတ်လား! "
" ဟုတ်တယ် "
" ကလေး ကလားကွာ "
" ဘာ!! "
" ဟုတ်တယ်လေ ဒီလောက် ကိုယ့် အလုပ်နဲ့ ကိုယ်တောင်
ရှုပ်နေတာ ရေကူးဖို့ ဆိုတာ အချိန်ကို မရှိဘူး အဲ့ဒီတော့
ဒီ ရေကူးကန်က အလကား အပို ဖြစ်နေပြီပေါ့ကွ
မင်း ဒါလေးတောင် မစဉ်းစားတက်ဘူးလား ဟမ်!! "
" ငါ့ကို လာပြီး စွတ် ဟောက်မနေနဲ့ မင်းသာ ရေကူးဖို့
အချိန်မရှိတာ ငါ့ အတွက်ကတော့ ရေကူးဖို့ အချိန်က
သက်သက်ရှိပြီးသား အဲ့ဒီတော့ကာ ဒီရေကူးကန်က လုံးဝ
အပို မဟုတ်ဘူး ရှင်းတယ်နော် "
" သြ သြော် မင်း မှာ အချိန်တွေ သိပ် ရှိနေတယ်ပေါ့ "
