Abaddon School (Part 1&2)

Abaddon School Part 1.6

Chapter 6:

THIRD PERSON'S POV :

Hindi namamalayan nila Lincoln, na nasa likod nila sina Fayce, Amchel at Joaqui.

Patuloy pa rin sila sa pagtakbo para makarating agad sa gym ng school nila. Mayroon lamang silang 10 minuto para makarating doon.

Nang makarating sa harap ng gym, huminga ng malalim ang tatlong magkakaibigan, bubuksan na sana nila ang pinto ng gym ng may nagsalita sa likod nila.

"T*ragis kayo! Kanina pa namin kayo tinatawag, ayaw niyong lumingon! Pusa naman oh! Hiningal tuloy kami!"

Tumingin ang tatlo sa nagsalita sa likod nila, nang makita lumaki ang mga mata at naghugis 'O' pa ang bibig nina Debra at Faye na parang gulat na gulat.

"Bwisit ka Fayce, ikaw lang pala niyan. Akala ko kung ano na!" Galit na sabi ni Lincoln kay Fayce.

Dahil sa sinabi ni Lincoln, napabalik sa sarili ang dalawang dalaga.

"Kuya Fayce!!" yumakap ang dalaga sa kakambal niya. At, yumakap din ang lalaki sa kapatid niya. Nasanay na kasi si Faye sa pagtawag na kuya kay Fayce.

"K-kuya... anong nangyayari kuya.." mahinang sabi ni Faye sa kakambal niya.

"Ssssshhhhh... hindi ko alam kambal. Pero, nandito na ako. Babantayan kita ng mabuti." buong tapang na sabi niya sa kakambal niyang si Faye.

Bumaling si Fayce kay Lincoln, "Saan mo sila nahanap? At saka si Ivan nasaan? Bakit hindi mo kasama?"

"Si Debra nakita ko sa tambayan natin. Si Faye nakita namin ni Debra na patakbo sa tambayan, buti na lang nakita namin siya agad. Kung hindi nagkasalisihan pa kami." sagot ni Lincoln kay Fayce.

"Eh si Ivan nasaan? Diba magkasama kayo?" Tanong ni Fayce kay Lincoln.

"Ah-eh! H-hinanap ni Ivan si Rey..."

"Pusa! Bakit pala natin nakalimutan 'yong ogag na n'yon? Dapat hindi niyo na hinanap n'yon. Alam naman natin na buhay pa n'yong t*rantadong 'yon, masamang damo niyon eh!" matapang na pabiro ni Fayce.

Alam naman nilang lahat na pagdating sa kalokohan, sina Fayce at Rey ang magkasundo sa lahat ng bagay. Buti na nga lang hindi sila naging magkaklase.

"Kuya naman! Kayo ngang dalawa ang magkasundo sa kalokohan!" suway sa kanya ni Faye na may kasamang palo sa braso.

"Tsk! Huwag mo nga akong paluin. Pagbuhulin ko kayong dalawa ni Rey eh! Tignan mo!" pang-aasar niya sa kakambal niya.

Nag-asaran at nagpikonan ang magkapatid. Sina Debra, Lincoln, Amchel at Joaqui ay nakatingin lamang sa kanila.

"Tumigil na kayo Faye at Kuya Fayce. Pumasok na tayo sa gym. Marami na rin na schoolmates natin ang nakapasok. Kaya tumahimik na kayo." saway sa kanila ni Debra.

"Si kuya kasi bestfriend!" sumbong ni Faye kay Debra at humawak siya sa kamay ni Debra.

Hindi na nila pinansin si Faye, pumasok na sila sa gym.

Pagkapasok nila, nakita nila na marami pa sila. Pero, hindi katulad ng dati na sobrang dami. Kung bibilangin sila mga nasa 30 na lang sila kasama na sila roon.

Nilibot nila ang kanilang mga mata. Hinahanap nila sina Rey at Ivan. Pero nabigo sila, wala silang nakitang Rey o Ivan sa gym.

Lumakad sila at pumuwesto sa bandang stage ng gym. Ang gym nila ay malawak dahil halos lahat ng sports ay dito nagpapractice at dito rin minsan ginaganap ang mga patimpalak.