Abaddon School (Part 1&2)

Abaddon School Part 1.10

Chapter Ten:

LINCOLN'S POV

Lahat kami nagulat. Walang kumukurap sa amin. Ang bilis...ang bilis ng pangyayari.

Isa lang ang nagawa namin ni Ivan, ang sumigaw.

"REY!!!"

Nakadapa pa rin si Rey at hindi pa rin gumagalaw.

"R-rey..." halos pabulong na sabi ko.

"REY!!!" Malakas na sigaw ni Fayce.

"Rey!" sumisigaw na sabi ni Faye habang papunta sa amin.

Tumingin ako sa mga kasamahan namin, bakas sa mga mukha nila ang pag-aalala.

"Huwag kang lalapit,Faye! Diyan ka lang!" sigaw ni Fayce sa kanyang kapatid.

Pinigilan ni Debra si Faye. "S-si Rey..." Hinihila na ni Debra si Faye pabalik sa mga kasama namin.

"Rey! Rey! Gising!" Sabay na nagsasalita sina Ivan at Fayce, habang niyuyugyog ni Fayce si Rey.

Binaliktad ni Fayce si Rey. "Rey! Gising! Rey!" niyuyugyog pa rin niya.

Bwisit! Anong gagawin ko! Tutunganga na lang ba ako rito?

May narinig kaming Ungol...Ungol na galing kay... "t-t*ngina! Ang s-sakit! Urgh!"

"REY!!" sigaw naming lahat.

Tinulungan ni Fayce na bumangon si Rey. Nang makatayo si Rey, nakita namin ang sugat niya sa bandang tiyan niya.

"Ogag ka may sugat ka!" sabi ni Fayce kay Rey.

"W-wala 'to! H-hindi naman masakit. M-malayo 'to sa bituka. Okay lang ako..." Hindi pa tapos sa sasabihin si Rey ng bigla itong umaray.

"Hindi pala masakit tngina mo!" nang-aasar na sabi ni Fayce habang pilit ulit na nilalapit ang mga kamay niya sa sugat ni Rey.

"Tngina ka! Oo na masakit na!" pilit na lumayo ang isa.

Itong mga 'to talaga mga Siraulo.

"Tapos na ba kayo diyan? Tatawid na ako." tipid na sabi ni Ivan. Kaya ang dalawa ay mga huminto sa kalokohan.

"Brod,seryoso mo naman! Ito na..."

"May 30 mins na lang tayo para gawin 'to. Si Lincoln palang ang nakakatawid sa dulo." putol na sabi ni Ivan kay Fayce.

Tsk. Napakaseryoso talaga nito pero wala naman akong magagawa. Laro ito at buhay namin ang nakasalalay.

Sa puntong ito sumeryoso na rin si Fayce at Rey. "Game!"

Sa puntong ito sumeryoso na kaming lahat. 30 mins na lang pero may 14 pang tatawid dito sa dulo, kasama ko.

Walang inaksayang oras ang tatlo, pilit na ginugulo ng mga gunggong ang nakabantay at nakaharang sa kanila para makapunta sa next station. Pero, ako ito, nagsasabi ng instructions sa mga kaibigan kong gunggong.