#1محبوبتي_نور❤
قصص الحب المرت علي كتيييييرة...
ياما سمعنا عن احباب اتفارقو بلا رجعه ...
وفي احباب الأهل وقفو في طريقهم ...ويا اما اقتنعو بالواقع ورضو بالفراق..و يا اما كسرو رغبة الأهل و هربو وحققو حلمهم ..
...
وفي احباب اتفارقو نتيجة سوء فهم وضيعو سنييين حلوة بدون سبب..
يلا
القصه دي بطلها شاب..#محمد..
انا دوري حينتهي هنا لغاية نتلاقي في فصل آخر من فصول الروايه...يلا نبدآ علي لسان محمد
#1محبوبتي_نور❤
بقلم:
#fulla_Ali
قبل 10 سنين...
يا محمد قوم ..عاين الساعه كم !! الامتحان حيفوتك ياخ !
محمد:
💤💤💤💤
الووو..هنا في واحده اسمها امك بتتكلم !
محمد : 💤
يعني انادي ابوك يتصرف ! يا علييي
امي امي ارجوك الا ابوي!!! خلاص صحيت ...اقسم صحيت يلا هدا قومته
حسبي الله ونعم الوكيل فيك يا محمد ..حسبي الله ونعم الوكيل!
انا محمد..محمد علي..الابن الوحيد والمدلع دلع شديد للغاليه امي **سحر** وابوي الصعب شديييد والأخلاقو اضيق من قميص هيفاء وهبي **علي**
انا اتولدته واترعرته بالمملكه الآمارات المتحده
بس بننزل السودان كل إجازه لبيت العائله اللذي يستلقي في آراضي الخرطوم..
انا من كلام الوالده ممتحن شهاده ...ايواأ شهاده عربيه ..مجال علمي احياء
يلا شوفتو البلاده ؟؟؟ اأي باااس
يلا انا بليييد
وبليد كتير كمان...بلزوني لز حتي بمش الفصل التاني
والشي المحيرني ومحير امي وابوي..ويمكن يحيركم انتو زاتكم ..انو انا للآن ما عدته ولا سنه وما تسألوني عملتها كيييف ...يعني كونو انو انا م عدته للآن دي براها نعمه احمد الله عليها و الله اعلم..
اليوم كان آخر امتحان لي **رياضيات** العدو اللدود بالنسبه لي.
يلا انا عندي قناعه..انو الشي لو ما بحبك عمرو ما حيحبك..وانك نهائي ما تقنعو يحبك ..خلاصة الكلام انو انا والرياضيات بنكره بعض وماف طريقه يحبني واحبو ونكون أسرة عيالها النجاح..
عشان كده ما قريت ولاا حرف
طبعآ رياضياتنا ما بتختلف كتير عن رياضيات منهجكم ف السودان..يمكن تكون اسهل كمان بس لكن المشكله في مخي..والله اعلم
لبسته وشلته ما يسمي هنا بالقرطاسيه..فيها اقلامي وكده..وطلعته مع الوالد الحنون بنك الثواب عمكم علي
ونحن ف الطريق كانت في لحظة صمممت
طبعآ اي زول عندو لحظة كده في حياتو ما بحبها تمر عليهو..يلا انا ما بحب لحظة ابوي يوديني المدرسه دي نهائي..ياخ عذاب وموت بالبطئ..
قال لي بنبرة محقق هادئ : اها جاهز ؟؟
قلت ليهو بصوت لا يخلو من المرح : اكيد
قال لي بنفس الهدوء : واضح.
و واصل : واضح انك جاهز..لأنك م شايل معاك ولا دفتر ولا حتي مذكرة عشان تراجع فيها قبل الامتحان..
طبعآ الوالد عامل فيها انو صعب وكده بس انا بعرف ليهو..عشان كده رديت ليهو بكل ثقه : ي ابوي..اثبتت دراسات عديده اجراها الباحث wiz khalifa في جامعة كاليفورنيا انو القرآءه قبل ساعه من زمن الامتحان تشتت المعلومة
قال لي متأكد انو دا باحث اجتماعي ؟؟
قلت ليهو ايون..
وسكت علي كده..
**يلا ابوي ما بعرف اسامي الفنانين الأجانب ديل عشان ماف زول يتشالق يكلمو فاهمين ولا لأ !!!؟ **
*****
دخلت الامتحان...اقسم انا م عارف كتبته شنو وما عارف هو بتكلم عن شنو..
خالطين التفاضل والتكامل مع بعض وعاملين مكس خطير
اشتغلته نهايات بس..ودي ملقبنها بالأم الحنون..لأنو مهما بلغت من الصعوبه انت بتجازف تشتغل فيها..
طلعته من الامتحان..
وقفت مع اصحابي وآخر ونسسة وضحك..شوفتو انا واصحابي مخنا واحد..نهائي ونهائي الشي الاسمو ضمير دا ما عندنا ليهو و ولا بنعرفو عامل كيف..يعني كلنا م اشتغلنا ف الامتحان عشان كده سيرتو م جبناها ..
عندنا هزاع ..ود سمين وفكاهي لدرجة..دا بهار القروب حقنا طبعآ ..
و كامل و هاني ومعتز واحمد ..
السودانين انا ومعتز والباقي آماراتين
**المطلوب منك عزيزي القارئ انك تحاول تقرا الجزئيه دي بالآماراتي **
هاني : شينو رايكم نفحط اليوم بشارع المطار !!
اخي حسن موجود + انا اصلآ ماسك عليه زلة..فبالتالي حيعطيني سيارته
هزاع : انا لايك للفكرة..حاسرق مفتاح نونا إختيي ..لأن بابا ما رح يحب الفكرة
احمد : انا ما بقدر اسرق المفتاح تبع اومي ..المره الفاتت كشفتني وهددتني تكلم بابا
انا كمان اعتزرته منهم لانو ابوي صعب
**هووي انتبهو دا انا محمد ..اوعه تتلخبطو **
معتز اكتفي بالتصفير لأنو ابوهو اصعب من ابوي..وهم طوالي عزروهو لأنو كلنا جربنا يد عم محسن ابوهة لمعتز..
كامل : انا رح جيب سيارة اخي ..خلص مو بمشكله ..نركب كل اتنين سوا
اتفقنا .¡¡¡ ¿¿¿
.كلنا قلنا اتفقنا ¡
قضينا اليوم لف وصياعه في المولات..لانو آخر يوم ف الامتحان وتاني م حنتلاقي قريب..
قضيناها العاب و آكل و ومشروبات طاقه..باربيكان ..بريل....الخ
ومشاغلات للمزز واا انسو بسس
الشي المعترف به وظاهر أنو نحن سبب ضياع بعض
وم رجعنا منازلنا..امي كل شوية تتصل علي..رسلت ليها رساله انو ما تقلق..وانو انا ف المستشفي لانو زميلي عيان وقفلته تلفوني علي كده
الساعه 10:34 م قضيناها تفحييط في شارع المطار
لغاية حصلت الكارثة
#صلو_علي_خير_الوري
#To_be_Continued
#fulla_Ali
