#19محبوبتي_نور❤
بقلم :
#fulla_Ali
وصلنا السودان...يا سلاام ع السودان ..بالجد اشتقته لي بلدي ياخ !..الله يجازي الكان السبب
منذر جا ساقنا من المطار...تلاته ساعات و 34 دقيقه و 34 ثانيه ونحن حاضنين بعض..والدموع فيضان عديييييل
منذر : حقو الواحد تاني م يسلم عليك زاتو..يا خاين العشرة
قلت ليهو عشرة ولة خمسين
اداني ضربه خفيفه ع كتفي وقال لي : يأاا راااجل !!؟
طبعآ منذر شكلو اتغير...شاب كده و ملتحي..بس كمان مجلح..اسمراني كسار لكن الهموم ظاهرة عليهو وانا بقول دي المدام
طول الطريق كنا بنتونس..لغاية وصلنا..واول شي انا عاينته علي بيت نور...واتذكرتة وقوف الأطلال علي ديار المحبوبة حق الأدب ناس الشهاده السودانيه هوي
بيتهم كان ظاهر عليهو انو مآهول..و من برة ماشاء الله باين انو اتطور
نزلنا ودخلنا البيت...لاقيت رباب في وششي .عامله كعكات ولابسه ليها أكياس بقر في رجولها وكرعينها **البياطرة كيفتمام ؟ **
و وشها كلو مبرقع عهههههعع غايتو العرس دا ببهدل
جات جاريه حضتني وبس بدت تبكييي
من البدايه قلت اكيد بتهظر
تاني قلت يمكن عشان طولت م شافتني
بس ي ربي استناتاجاتي صح ام خطآ !!!؟
بعد مده بضم الميم حتي البت هدآت..دخلنا جوة وسلمنا علي باقي اهل البيت...خالتو سوسن وعم خالد وخالو مصطفي و عيالو ومرتو...يييييك ...الناس ماشاء الله كبرت 10سنه ما هينة هوي !!!
مشيت الصالون و عملته زي وقت جيت قبل 10 سنه..نومممتة وم صحيت الا العصر لقيت منذر بتبظ ف تلفونو..قال لي : صباحو
قلت ليهو تصبح بعاتي
ضحك وقال لي : انا بعد اتزوجته وجبته هنادي بقيت ما بهظر
قلت ليهو وانا بشيل تلفوني من جيبي : اي ااي لانو من الهرشات ما لاقي زمن تهظر فيهو
قال لي : قلت شنو ؟؟
قلت ليهو : قلت تلفوني محتاج شحن ي حبيبنا..اها الغدا شنو ؟؟ (طبعآ دا تضليل )
منذر : صح صح ..كدي اقوم اشوف موضوع الغدا دا..وقام طلع.
انا عاينته ف السقف مسسسسافه..م حسيت بي دمعتي الا لمن نزلت..ياخ بالجد مشششتاق ليها
مشتاق لكل تفاصيلها
لكل حاجه بتخصها ..انا مستعد اشتري اي حاجه بتخصها واعمل بيها معرض عدييييل
سفنجتها..عطرها ...مشط شعرها..هدومها
اي حاجه ياخ
قطع حبل افكاري اتصال..لقيتها زميلتي من الدراسة اسمها جاكلين
طبعآ كنا ع علاقه سوا و انفصلنا لأني م اتقبلته العلاقه ولانو اصلآ نور متربعه ع عرشي
رديت عليها واتونسسسنا كداأ
💡💡💡
قومتة بعد قفلت الخط مشيت ااستحميت وصليت الضهر والعصر سوا ( دعواتكم اني اسيب عادة تآخير الصلاه دي ي جماعه هوي !!)
بعدها دخلت عليهم جوة البيت ..اتونسسسته مع عم خالد وخالو مصطفي .طبعآ عم مآمون جابو ليهو 4ماشاءالله..
وابوي مع ناس عمي بي هناك
خالتو سوسن وامي والبقيه كانو بجهزو الغدا ..
ما اخدو زمن كتير وشوية كده الغدا كان جاهز
مشينا الصالون اتغدينا واتونسسسنا وهاك ي الضحك..عم خالد بقي فوكاهي طبعآ حيرني ...
الزمن راح والمغرب خلاص ع الأبواب
مشيت اتوضيت و وقت أذن مشينا الجامع ..بقيت مولتزم طبعآ..
بعد الصلاة ونحن طالعين من الجامع لاقيت منو انقرو ؟؟
لاقيت عم الصادق..ابوها لي نور..كبر والعمر حنا ضهرو...والزمن شيب شعرو..
والهموم كست وشو وعملت خيوط
سلمته عليهو بس شكلو م اتذكرني..منذر قال ليهو: دا ود البوهية ي عم الصادق
الصادق : الله !!! انت ود البوهيه !!!!! ماشاء الله تبارك الله
وتاني رجع سلم لي بحرارة أكتر..
طبعآ استغربته من كلمة ود البوهيه..بس مشيتها لانو عارف دي بتكون عمايل منذر
ماشين ف الشارع وكنا بنتونس...وسبحان الله..نهائي م جاب لي سيرة بتو
خفته يكون الموت سرقها مني ولة حاجه !!!!
اقسم حأحصلها بدون التفت والله اعلم
لغاية وصلنا لفة البيت ...في بت امووورة عمر 4 سنه جات جارية علييييينا وهي شغاله ::جدو جدو
انا قلبي انقبض...وركزتة في كلمة : جدو.دي !!!
الصادق بتو واحده ياها نور دي
و الشي دا بيعني انو الطفله دي.....
الصادق : حبيبة جدو انتي..امك وين !!؟ وليي خلتك طلع....
قبل يتم كلامو في واحده جات لابسه توب انا طوالي دنقرتة راسي وكنت خايف....وم تسألوني من شنو
جات علينا مخلوعه وقالت : ليي مرقتي ي فرح !!!؟ قطعتي قلبي ياخ
الصادق : انتي لي م انتبهتي ليها ؟؟؟ انتي عارفه الزمن بقي صعب ي بتي
البت : والله ي ابوي م شوفتها وقت طلعت..و واصلت حديثها : تعالي ي فروحتي عشان اغديك زاتو..شالتها من عم الصادق
وهو قال ليها : هوي هووي...بغض النظر عن انك ما غديتي البت لي اسي عايني الليله الجا السودان منو..؟؟
دا ود البوهيه
انا الزمن دا كلو كنت بتحاشي النظر ليها..لأنو بالجد م بقدر
قالت لي بصوتها المعهود الواطي الملان احترام : محمد !!!؟؟
رفعته راسي #ببطء..وعيني وقعت في عينها
10سنه من آخر مرة شوفتها فيها والدم طالع من آنافها بعد اتطاقشنا سوا...
10سنه م سمعته صوتها من وقت قالت لي فهد عايزه رز وسكر
10سنه م لمستها من وقت جات سلمت علي يوم زاكرنا و شخبطت اسمي واسمها في غلاف المزكرة حقت الفيزياء .
.10 سنه م شوفته العيون الساحرات ديل
....
10سنه !!!!!
تغيب ويختفون..جميع الليجون ..عليك انت عيون...تشافي المبتلي
#صلو_علي_محمد
#To_be_Continued
dircted by:
#fulla_Ali
