#10محبوبتي_نور❤
بقلم:
#fulla_Ali
انا و التؤم ومنذر ورباب ونور..
كلنا كنا بنمش المدرسه سوا
لزوم ديل اخواتنا وكده وعمو خالد ابو منذر كان بودينا الصباح وبنرجع برانا المساء
واصلآ هي م بعييده..
لغاية 25رمضان اجزو لينا..
وتعالو شوفو شغل العييييد ونحن صايمين كمان..انسو بس..
اما يوم الوقفه دا كان الطامه الكبري..من الصباح كنا بندهن في البيت ....
لأنو كان عرس مآمون خالي في خامسة العيد..
طبعآ انا ساعدتهم حبه ومشيت لي ناس نور عشان اضرب ليهم البوهيه واركب ليهم الستاير وكده ..جنسسس خرفنه !! انسو بس ..لكن كلو يهون عشان نورو حبيبتي..مستعد اكون نعجه وضانايه زاتو خليكم من خروف
ياخ بعشقها ياخ
طبعآ منصور زفت الكرور مافيش..م معروف بغطس وين بس وقت يظهر المتاعب بتبدآء...
في البيت كان في مرت ابوها زفت الطين وابوها في الشغل طبعآ..ياهو تاجر ف السوق بس ببيع شنو الله اعلم
جات قعدت جمبي وقت كنت بحل البوهيه...سرحت مسسسافه وانا كنت مراغبها بس ما حسستها...طبعآ شكلها وهي سرحانه عبارة عن لوحة فنيه ..لمن فتحته (السنر) حق البوهيه وقامت عطست..لا المفترض اقول عطثت..لانو دي عطثه حقت : اتس يو
ما زي عطست فاطمه دي كرروراشوبسشايستشششوو
)اي ي فطومه قاعده تعطسي كده كمان انكري !!)
قلت ليها شكلك عندك حساسيه
هنا قصفت جبهتي وقت قالت لي : دا مركب عطري اروماتي من مشتقات البنزين...ورائحتو نفاذه من الطبيعي اني اعطث..ي علمي ي ممتحن الشهاده ي عايد
قلت ليها : آأي حقت الوجعه ديك
قالت لي مالك ؟؟؟
قلت ليها يلا دا اسمو قصف الجبهة..قامممت ضحكااات لغاية جات المرة الششومة العملاقه بي صوتها الأجش الخشن : ي بت البليله ديك لو حرقت حأكلك ليها قبل الفطور بخمسه دقايق !!
**عمري في حياتي ما شوفته مرة قاسيه كده !! راقده جوة زي بهيمة الأنعام لا شغل لا مشغله وبس تطلع كل خمسه دقايق تسسمم الناس بلسانها عامله زي العقرب المطلقه !! **
قامت من جمبي سرعه سرعه ومشت المطبخ..وتاني م شوفتها لغاية خلصته البوهيه..والآذان كان خلاص قرب..
ابوها جا وسلم علي ..راجل طيب بشكل
قال لي الا استني واطلع معاهو الفطور بس انا قلت ليهو ماشي استحمي..وطلعته بدون ما المحها ...
قسوة عجيييبه ناتجة من شعب مضغوط من عمايل الرئيس...**هوي الله يسترني من الهواء البارد**
💡💡💡
بعد الفطور رجعنا البيت طوالي..وانتو عارفين يوم وقفة العيد ماف تروايح
كنا قاعدين برة بنتونس..طبعآ قلعو مننا تلفوناتنا وكده..لكن انا كنت شايل تلفون خالتو سوسن لأنو منتظر من امي مكالمه ..
هو زاتو نحن الوحيدين الكنا الشايلين تلفونات ف الزمن داك..شوفتو العزه دي
نور جات ومن وقعت عيونها علي عيوني قالت لي : محمد !! قوم ارح قدامي الستائر !
طوالي قومتة زي المبرمج بالله..هو انا اطول لمن اخدمها ! دخلته التلفون في جيبي و بقيت واقف زي بهيمة الانعام وبس منتظر الاوامر
رباب جات شايله ليها زهور حقات البلاستيك ديلاك كانت عاوزه تغسلهم..وقت شافتها قالت ليها مالك واقفه.!!؟ خشي جوه
قالت ليها جيت اسوق لي ولد من اولادكم..للستائر وكده
قالت ليها منذر زفت الطين دا ما عايز يمشي معاك !!؟
نور : منذر !!! هو اخوك دا بتفاهم ! سوقته معاي محمد..
رباب: امممم كويس
ياهو قومته طلعته معاها
الشي الما انتبهته ليهو انا وما انتبهتو ليهو انتو ...انو رباب بدت تغير علي !"م عارف الغيرة دي عشان شنو..وربنا يستر بس..
ركبته ليها الستائر وابوها عزمني شاي
قعدته اتونسته معاها هي وابوها ..بالجد كانت قعده روعه
تلفون خالتو سوسن ضرب ..لقيتها امي الحب طوالي استئذنته منهم وطلعت
قعدته جمب الباب نضمته معاها...وياهو كالعاده قعدت تبكي..وانها اشتاقت لي وكده
اقسم انا زاتي اشتقته ليها بس نور معوضاني..انا عارف انها بتحبني ومايته فيني والدليل تعاملها معاي الواضح بس طبعآ انتو عارفين تقل البنات وكده..
المهم..صبرتة امي ورضيت عليها وقفلت منها
وانا قاعد وسرحان في بيت مزتي جا اخر زول انا ممكن احبو في الدنيا دي
تتذكرو مروان صاحب منذر ؟؟؟
باااس..يلا هو زاتو عاد معانا ف نفس المدرسة اتخيلو !!.لأنو هو زاتو رسب...وهو الوحيد ألحأقول عنو يستاهل الرسوب والأعاده..وحأسمح لي نفسي اقول عنو بليد كمان..
جا قال لي : ود الششارقه !! كيف الوقفه معاك ؟؟
قلت ليهو بطرف لساني : تقييييف وما تقعد ي رب
قال لي عفوآ ؟؟؟
قلت ليهو منذر جوة ناديهو يطلع ليك...طبعآ م كنت عاوزو يدخل البيت نهائي...
تاني واصلته : ولة اقول ليك .. خليهو انا بناديهو ليك..
مع دخلتي البيت م لاحظتة انو نورو جات طالعه وماشه علي اتجاه بيتنا..مروان زفت الطين نادها م اشتغلت بيهو..طوالي جا عليها و مسكها من يدها وضغط ع اسنانو : انا لمن اتكلم معاك تقيفي تسمعي انا بقول في شنو فاهمه ولا لأ!!
اتخيلو قلة ادبو
ادتو كف طوالي وقالت ليهو: لالا ياخ!!
اها ي امي !
اها ي ابوي !!! ما انت زول مهم عشان كده ! شوفته انا بحذرك !!!!
تاني تمد يدك علي وقسسسمآ اكسرها واعلقها جمب خشم بابنا عشان تكون عظة و عبرة ليك ولأمثالك !
ومشت منو ومع دخلتها منذر جا طالع وشافها بتبكي..
سألها مالك ؟؟ بس ما ردت ودخلت
منذر طوالي فهم الحاصل لانو دا صحبو وهو عارفو وعارف حركاتو
وطوالي قال ليهو : البت دي بالذات اختا طريقها
مروان بأستهتار : يا زوووول !! بس م تكوون....
منذر : بسسس كلمتك ..اختا طريقها
#صلو_ع_الرسول
#To_be_continued
Dircted by :
Fulla Ali
