#15محبوبتي_نور❤
بقلم :
#fulla_Ali
يوم امتحنه الكيمياء كان الاربعاء..والخميس طوالي انجليزي..او لغة الكفار كما يحب ان يطلق عليها كل من لا يستطيع التقلب عليها ..
عم خالد واقف ومحتار..صح هو بعرف باقي المواد بس هو و ابوي اكتر ناس م بعرفو انجليزي
سئلنا سؤال في ال Language
The ......hall was built in 1974 (friend)
وكان ف الخيارات في ship طبعآ كلكم عرفتو انها frindship بس دخيلكم ماف زول فيهم عرف الا ان..منذر والتوم فالحين ف الاغاني البلانجليزي اما البنات عارفات بس غتيتات ...المهم ..كلهم ما عرفو ...بي عمو خالد ( ابا كبيرة) ههععععع والعب ي فار..حليت ليهم ال Grammer كلها ..وال الادب الانجليزي ( literature(
والامتحان جا وعده واشتغلنا غايتو
ويوم الرياضيات انسو بس
طبعآ انتو وانا عارفين اننا بنكره بعض واننا يستحيل نحب بعض ونكون آسرة عيالها النجاح ..
ديل راجعو لي كداااا ..بس البت تكنس والشجر يحت..
ف النهايه وقت قنعته من مخي قومته قريت مصفوفات الام الحنون** ونومتة من 09:34م
مالي ومالو انا اقعد اضيع شبابي فيهو
نوممممتة وصحيت 7:34
راجعته نهايات شوية ..
وقت طلعنه راجين عم خالد يطلع العربيه نور جات وقفت جمبي..قالت لي م شايف انك مقصر ف حقي اليومين ديل
قلت ليها : شايف ...وعارف..بس اديني فورصه
قالت لي الله يرحم الزمخشري ي فورصه انت ههههه
ضحكتها وقفت لي قلبي..رنننننانة رنة عجييييبه..قلت ليها اسي كده كويس؟
عاينت لي باستغراب..واصلته : انا اصلآ قاري من الحداشر باب اتنين..مصفوفات ونهايات الأم الحنون..وانتي اسي طيرتيهم لي من راسي
تاني ضحكت...البت دي دايرة تقتلني هوي
طوالي زحيت منها و مشيت وقفته مع الشباب
💡💡💡
الامتحان كان 50/50 ..للناس الشاطرين امثال رباب ونور وحسن
اما انا ومنذر وحسين حدث ولا حرج
رجعنا البيت وانا بس نوممممممتة
م صحيت الا مع آذان العشاء..
اي ااي قولو نوام م بلومكم..بس صدقوني مرهق ياخ
مشيت قعدته مع ناس خالتي شوية..قالت لي بركة الجيت..امك جبيل اتصلت قالت عايزاك..مدت لي التلفون
ياخ سحورتي دي انا مششششتاق ليها شوق عجييييب..حكاية بتاعت 6 او 9 شهور م شوفتها
اول كلمة قالتها لي : ياولدي كيف صحتك ؟ ان شاء الله انت كويس ؟؟
والله لمن بكيت
الله ما ضوقكم الشعور دا..
قالت لي هانت...كلها يومين وتجي لحضن امك..
عبارتها دي فرحتني وخلتني احذن في نفس الوقت..قلت ليها ربنا يسهلا ي غاليتي
اتكلمت معاها وسلمت لي ابوي وقفلت منهم...طبعآ كنت قاعد برة..سرحته مسسسافه في كلامها
يعني انا اسي لمن امش ليها دا بيعني اني م حأشوف نور تاني
لكن انا نور دي م بقدر استغني عنها..كمان امي ما بقدر استغني عنها !! انا اسي اعمل شنو قولو لي بس !!!!
