#17محبوبتي_نور❤
بقلم :
#fulla_Ali
الامتحانات بدت..وسبحان الله..نور خطبوها لي منصور..والموضوع ما آثر معاي نهائي
كنت بمش امتحن وبجي..انووم النهار كلو..بصحي مع المغرب..بستحمي وبصلي العصر والمغرب سوا وبقرا للعشاء..بقوم بصلي وبراجع شويه ولمن 9:34 تجي بنوم..وما بصحي الا تلاته
يعني سبحان الله..ما بتعب روحي نهائي..بقرا وبنوم
ونهائي ما بدي نفسي فرصه افكر في #المخلوقه الاسمها نور ..لاحظو لي لفظ المخلوقه..لانها بقت ما بتعني لي شي
دمرتني وحرقت قلبي الله يسامحها
💡💡💡
جا امتحان الرياضيات...اتخارجته منو ..م عارف نفسي اشتغلته كيف عشان كده ماف زول يسألني
قضيت باقي اليوم كلو نوم...صحيت العشاء ..مشيت قعدته معاهم كانت لمممة سمحه ياخ
وانا كنت مبسسسوط..م عارف السبب شنو.
هل لأني خلصته امتحانات ؟؟
وله عشان اكتشفته حقيقة نور ؟؟
ولة عشان موعد رجوعي الشارقه قرب !!!؟
اتونسسنا..شايف رباب مركزه معاي ومبسوطه..لوهله حسيت انها بتحبني..قلت في نفسي رباب انسب بت لي..انا حألف وألف وف النهايه حأعرسها هي وبس...
لكن اسي م حأقدر ارتبط بيها..
قومتة مشيت اتوضيت ومشيت الجامع...مريت بي جمب دكان فهد سلمت عليهو وعزمني شاي
كنا بنتونس لغاية جات
أاي جات...جات وانا قلبي وقف
ياخ اقسم بالله بحبها ...ورب الكعبه بحب البت دي
الله يشهد انا بحبها حب نقي وطاهر
بسسسسس !!! للأسف
قالت السلام عليكم ..
ردينا السلام
اشترت ليها كيس رز و سكر
طبعآ اختلست النظر..كانت بتدس أسر الحنه والدبله من يدها..
قلت لي فهد اديني سجارة...اداني ليها وهي بس كانت مبحلقه فيني بأستغراب وتعجب ..
طلعته خليت ليها الدكان ..ولعته سجارتي..والله ي جماعه عمري م شربت سجار..انا م بعرف بشربوها كيف زاتو
فجآة جات علي بعد طلعت من الدكان...
قلعت السجارة من يدي وكسرتها وفتتها لغاية تشت يدها..
قلت ليها : بأي حق انتي تعملي كده !!!؟
م ردت...وبس مشت من قدامي
💡💡💡
الصباح زي الساعه 9:34ص وانا نايييم حسيت في يد باردة بتتمرر ع وجهي..فتحته عيوني #ببطء..انقرو لقيتها منو!؟؟؟؟؟؟
انقرو بس !!!؟
طلعت
#امي
#سحورتي الغاليه
حضنتها وبس قعدنا نبكي
احلي مفاجآة والله !! احلي مفاجآة..سنننه كاممممله م شوفتها ¡¡\ اتخيلو بس ¡¡¡
مره اسبوع كامل بعد امي جات ..وكلو كان طلعات ومرقات وحوامات ورحلات..وبغض النظر عن انهم كم كلمه ومعناهم واحد من خلال النزهات دي حاولتة اني ابسط نفسي وامي..طبعآ امي بس الجات..ابوي كان مشغول .بعد الاسبوع قررنا السفر
الصباح طلعته حقيبتي...
ولغاية عمو خالد دور العربيه اتذكرتة حاجه..قلت ليهو لحظة بس اقيف
نزلته وجري ع البيت..لقيت الباب فاتح دخلته ومشيت ع الصالون..ناس منذر كان قاعدين..و وقت شافوني بدو يشغلوها لي ..بس وحاتكم هم بقولو في شنو ¡¡ م عارف..لاني م كنت منتبه معاهم...شلته لي كمممم حاجه كده من حاجاتي المهمه وطلعته
وانا طالع جاري اتصادمته جمب الباب بي زول ..والله لمن شوفته نجوم...
عاينته كده وعايز اجوط بس سكته وقت لقيتها دي نور..البت المسكينه طارت فوووق و رب و وقعت ف الأرض لغاية رعفت
خوفته عليها خوف ¡¡¡ جريت رفعتها و
طلعته منديلي كان لونو اخدر غامق..مسحت ليها الدم وهي كان بس بتعاين لي وعيونها كلها دموع
سمعته صوت البوري ..مسكتها المنديل وقلت ليها : في آمان الله...و نتلاقي ساعة خير
وقومتة مشيت منها وانا بببكي
وهي وراي كانت مدنقرة راسها ...وبتتتحسسسسر..بس بعد شنو ؟؟؟ بعد فوات الآوان !!!
💡💡💡
وصلنا الشارقه..ولاقيت اصحابي المستهبلين ديلك
طبعآ كلهم عادو...وكنا منتظرين النتيجه
مرت الأيام..ويوم ورا يوم خلاص زكري نور اتمحت من زاكرتي
لغاية جا اليوم المنتظر..يوم اعلان النتيجه...اعلنوها في يوم 22/رمضان
وبما انو نحن عايدين..ما حيزيعونا اكيد ..
بس رباب جابت 96 زاعوها..ترتيبها 52
و نور جابت 94
ترتيبها ال84 ..ويا سبحان الله..دي نفس النسبه الانا جبتها ف التجريبي !!
وانا جبته 89 ...بدون تعليق..ارجعو ورا حتفهمو.. كانت صدفه عجيبه م عارف المقصود وراها شنو..
حسن 90
حسين 85
منذر 80
واصدقائي كمان ماشاء الله كلهم نجحو...
ابوي قال لي اقدم في السودان طب الخرطوم لانو الزمن داك كانت بي 80.7..بس انا رفضته...وقدمته في اسبانيا..مدريد
طب اسنان...
سافرته براي..ماشاء الله بقيت زول واعي...
وهناك بديت من الصفر ...حياة بدون نور
#صلو_علي_محمد
#To_be_Conti
