#14محبوبتي_نور❤
بقلم :
#fulla_Ali
وسبحان الله..حياتنا احيانآ بتكون زي الفلم السنمائي
حاله عجييييبه
احيانآ بنحس اننا بنفقد السيطرة فيها ..بنحس اننا بنفقد احبابنا وقدام عيونا ونحن م قادرين نعمل شي
والله ما ضوقكم الشعور دا نهائي
*******
جات امتحانات التجريبي .. الامتحانات وما ادراك ما الامتحانات
يوم السبت زي حوالي الساعه 9:34 مساء
انتظمنا انا ومنذري و التيمان و رباب ونور امام عمو خالد ابو منذر ورباب
كان قاعد يراجع لينا اتخيلو بسس !!
وقام اداني مسأله ف الميراث...
خالد : توفي رجل..وترك زوجه وبنتان و ولد ..قسسسم التركه
طبعآ ي جماعه انا كرهتي والميراث..م بعرف ليهو نهائي
قلت ليهو : ندي الزوجه ال1/8...
قال لي ليشنو اديتها التمن ؟؟؟
قلت ليهو عشان عندها ولد
رد لي بأستهتار : والبتين ديلاك عيالك انت موش ؟؟؟
** يلا شوفتو خالد دا !! مفترض يكون اخو ابوي طوالي ! ياخ فولايه وانقسمت ع اتنين..زول محراج لدرجة قف وانتظر وتآمل
**فاطممممه سيبي الششششماته حلفتك !!! ..ي جماعه انتو ما تتكلمو مع البت دي ياخ !! **
قلت ليهو لالا عيال الراجل المات
قال لي بنفس الاستهتار : وامهم منو ي فهميم ...امهم منو ي بليد...امهم منو يا....
طوالي قاطعتو : اي اي دي امهم
طبعآ ديل يضحكو سسسساي ...وانا احمر ليهم..وقلت الا انتقم في امتحان الE لاني شفت فيهو
المهم..حليت المسئله وقعدته بعد ما اهانوني وقطعو دلاقيني
تمينا المذاكرة..مشيت قدمت نور بيتهم...** الجزء الجاي رومانسي شويه هههعععع**
قبل م تخش بيتهم مسكتها من يدها...طبعآ خافت خووف !!
قلت ليها اوعك تخافي وانا جمبك فاههههمه !!!
قالت لي بصوت واطي وباحترام حلو كده : حاضر
عاينته في عيونها ...ما شوفته شي طبعآ لانو الدنيا ليل والأضاءة خافته ...لكن لازم اكسر تلج وكده...قلت ليها : عيونك ساحرات
قامت اتمطت **لاني اطول منها وكده **
اتمطت وجضمتني وقالت : الدنيا ضلام بطل كذب..وانا لازم ادخل عشان اتأخرته
قلت ليها منصور زفت الطين قاعد !!!؟
قالت لي لالا..
طوالي بوستها في يدها وقلت ليها : تصبحي ع خيييير ي ملااكي ي نور حياتي
💡💡💡💡
يوم الاحد قضيناهو قرايه زي القرايه
حفر زي الحفر..وساهرنا بس م كتير..
لغاية جا يوم الاتنين ..امتحان القرآن كان سمح واشتغلنا فيهو الحمد لله
تاني يوم قاب للأدبييين..طبعآ حسين ادبي ...هو الوحيد المشا امتحن جغرافيا..قال جاتهم ظابته غايتو
وقضاهو نوم سسسساي
اما انا والبقيه اندرشششنا مع الاحياء الكريهة ..
الاحياء دي مهما اشتغلته فيها ما بتديك درجتك الكامله..يعني تطلع من الامنتحان وانت عندك 3 غلطات ..تجي تجيب 63 !!!! وما تشوفو شر..
اما في قاب امتحان الفيزياء
وكالعاده..عم خالد قومني..واداني مثأله : احسب وزن ولد كتلته 20كجم علمآ بأن تسارع السقوط الحر يساوي = 10م/ث2
طبعآ قلعته عيوني..بس عشان م اتحرج قدام حبيبتي ** ودي اكعب حركة..انك تتحرج قدام البت البتحبها ..**
طوالي اتذكرتة القانون..قلت ليهو بما انو توفرت الكتله و العجله.. حنضربهم ونجيب القوة
نقول 20 ❌10 =200نيوتن
خالد ..: امممم..صح..
يلا ي حسن قوم اشتغل التانيه..
قعدته وانا مرتاح..اول مرة احل مسأله ياخ ..حاجه عظيييمه
💡💡💡
الامتحان مرة واشتغلنا تمام التمام ..
جا العربي..وكان عندنا قاب يومين ..
حسن ركب فوق التربيذه حقت القرايه وقعد يقول : ومدجج كره الكماة نزاله ** لا ممعن هربآ ولا مستسلمآ
منذر طوالي ركب قال :
انا الدر في احشائه البحر كامنآ ** فهل سئلو القواص عن صدفاتيا
حسين : بغض النظر عن انك دخلته توووش ف البلاغه..البيت دا غلط..انا البحر ما انا الدر..خليك منك اسمعني اما قلت كما قلت انا :
فأشبعنا السباع واشبعوها**فراحت كلها تئق يفوق
فجآة المحل انقلب لي نادي جاهلي.. لأني قلته : احسنت ايها المفضل النكري (ي ريت تقروها بي كلام الجاهليه ههعععع)
قلته : ربابة ربة البيت..تصب الخل ف الزيت
لها عشر دجاجات..وديك حسن الصوت
رباب حمرت لي وكلهم قعدو يضحكو..
و واصلته وانا بعاين لي نور :
الا حييت عنا يا ردينا **نحيها وان كرمت علينا
ردينة لو رأيتي غداة جئنا **علي اضماتنا وقد اجتوينا
وهي طبعآ تتكشم وتتخاجل زي عبله..وانا واقف ف التربيزه زي عنتر ...في اللحظة دي
سمعته صوت صفقه...وزول بقول : احسنت ي عبد الشارق الجهني..هلا قلت ما نوع البلاغه ف البيت الاول ؟؟ طبعآ دا عرفتوهو موش؟؟
باااس..عم خالد
قلت ليهو التفات من الخطاب للغيبه
تاني واصل : ردينة لو رأيتي غداة جئنا..الخ
ما نوع الحذف..وما الغرض
قلت ليهو حذف الجواب..الغرض التشويق..وازيد ليك الشي المحذوف لرآيتي شيئآ عجبآ..
عم خالد قال لي ممتاز..سمح اقعد..و عاين لينا وقال : خلاص شكلكم ظبتو الأدب..حنراجع بلاغه وقواعد
**انا متأكد ابوي موصي عم خالد يبهدلني..متأكد **
💡💡💡
العربي ظبتناهو 100%
ويوم الكيمياء راجعنا تماام
ف الامتحان انا غايتو م عارف اشتغلته كيف ولا تسألوني
و
واا
الله يجازيو التحليل الحجمي
ربنا ينتقم من الكهربيه
م عافيتو الاتزان...والطاقه عساها تتحرق كلها وم يفضل فيها ولا سعرة حراريه
وللعجب العضوية..يارب الفورمالين يتكشح كلو
و الكيفي دا احلي واحد غايتو
يوم ال E اتجدعته فيهو.لانو عم خالد ما ناقش حنان قلبو
قولو لي عرفته كيف ي محمد .. بس قولو لي !!!؟
حأوريكم
بس ف الحلقه الجايه
و
#صلو_علي_محمد
بعد الصلاة ي رايت تعليييقات محفزه بدل آب
#To_be_Conti..
Dircted by
fulla_Ali
