#9محبوبتي_نور❤
بقلم:
#fulla_Ali
في الطريق..وبعد نزلنا من الحافله...قلت ليها ممكن نتمشي شوية في شارع النيل ¿¿¿
ما ردت...بس انا فهمته انها موافقه
اتمشينا كداااا..حبيت اشتري ليها حاجه بس نحن في رمضان زي ما انتو عارفين
ماشين وماشين وفي لحظة صمممت عجيييبه...وبس ماف غير اصوات مشيتنا وصوت النيل
فجآة اتكلمت..ودي المرة التانية هي تبادر بالكلام..طبعآ حسيت بي اني عوييييييير و دلدول..انسسسو بس ( فاطمه بطلي الششششماته اخير ليك ! يارب تلفونك يفصل كهرباء "!)
قالت لي : وليي ما سافرتة مع اهلك ؟؟؟ معقوله زول عايش مع امو وابوهو ويفضل انو يكون بعيد منهم ؟؟؟
قومتة ضحكته ضحكه عااليه وداا كلو عشان انتشلها من بوتقة الحزن اللهي فيها ..قلت ليها : عمك بنك الثواب اللهو ابو حضرة جنابي ..طوالي قعدت تضحك
ياخ كن شوفتو ضحكتها !
ياخ كن شوفتو شفايفها !!
خليكم من دا...لو شوفتو بياض اسنانها !! وللعجب صوت ضحكتها ! ياااالله!! سبحانه من سواها !
دي معجزه كونو انو انا عايش للآن بعد شوفته ضحكتها ....وفضلت تضحك وتضحك...لغاية بكت
اي قعدت تبكيي !!!
التفتت علي اتجاه النيل وبس كانت بتبكي ..شوفتو البت دي بكاها مكبببووت وبدون صوت..وتقطع قلب البني آدم...م عارف بس بكاها حق زول موجوع ..
بكت وبكت وبكت !! وطلعت كل الجواها...لغاية براها اتكلمت ..قالت لي : كنت عايشه مع امي وابوي زيك كده...انا وحيدتهم كمان زي حالتك
بس سبحان الله..ما عارفه ليشنو الحكايات السعيده ما بتدوم نهائي ! فجآة المشاكل بدت تتسرب في حياتنا
لغاية ما في النهاية خلت امي وابوي يتطلقو..
عشت مع امي خمسه سنين كاملات ..كان عمري 13سنه ...وقتها اتقدم ليها واحد مرتاح ماديآ بس كان متزوج قبل كده ومرتو توفاها الله و عندو منها 3اطفال كلهم اصغر مني...
وياهو ابوي وقت سمع بزواجها قال بتو ما بتتربي مع راجل غريب
وقلعني منها بالمحكمه...بشرط انو امش ليها نهاية كل اسبوع
ابوي بعد سنه اتزوج خالتي مني...ودي زاتها عندها ولد واحد اسمو منصور
زول قاسسسي لدرجة ..ربنا يصلح حالو..
عاينت لي لقت دموعي نازلة**اااي انا حنين والله حنين و وليد كمان انتو قايلين شنو **
طوالي مسحتهم سرعه سرعه ..ابتسمت وما علقت..قالت لي ما كملته لي ..عمو بنك الثواب مالو ؟؟
اترددته اني احكي ليها...خوفته من حاجه بس طلعت عارفاني انا خوفته من شنو..لانها قالت لي م تخاف..م حأبكي تاني هههه
واصلنا طريقنا وانا بحكي ليها عن طرايفي مع ابوي ..والبت ماتتت من الضحك
💡💡💡
نتايجتنا كانت يوم 15 رمضان
اقسم زي الما ممتحن...ولا شغال بالموضوع زاتو
..نايييييم ومبسوط وضارب الدنيا بونية...خصوصآ انو علاقتي بي نور ماشه في تحسن
ياهو يوم 15 جا..امي اتصلت علي من الصباح عشان تطمني ..بس للأسف انا القعدته اطمن فيها قلت ليها ي سحورتي كل شي قسمه ونصيب..ولو ربنا كاتب لي انجح حأنجح ...ولو كاتب لي ارسب حأرسب...عشان كده الزعل مفترض يكون مافي ...
المهم قفلت في وشي الخط بعد ما سمعتني عبارة : يخس ع دي ولاده..ربنا يديها لي العافيه ياخ
اما منذر دا متجررس جرسة ! موبالغه..لو قلتو ليهو : هو (نبحة الكلب) حيرد ليكم بي : مياو...ويقول ليكم م م مالكم ف شنو هههههه غايتو حقو شين
المؤتمر بدا...حضرناهو كلو...وكالعاده..بدا وانتهي بدون ما نسمع اسم زول بنعرفو.....ياكافي البلا ..بلاده بالوراثة ..
ابوي اتصل علي انقرو قال لي شنو !!؟؟ قال لي جيب رقم جلوسك !!! اتخيلو فظاعة الموقف !!.وحات ربي طوالي قلت : الو ..ابوي
الووو...ابوي م سامعك انا ياخ
وقفلت الخط وقفلت التلفون زاتو
رسلنا الرسائل ..اربعه رسائل عبر الشركة سوداني....
اول جات رسالة حسين..دا من البدايه ادانا رسسوب..وم تشوفو شر
جات رسالة حسن...عمل 57
ودي اعلي نسبه فينا
احممممم
منذر ...50 سليقه
انا 55
وما تشوفو شر
💡💡💡💡💡
يعني انا في حياتي كولها ماشوفته لي بلاده زي دي
)دا خالد ابو منذر ما عرفتكم بيهو..كل البحب تعرفو عنو انو كف واحد من يدو ممكن يسبب ليكم طرش )
اقصد صمم...هوي ما عارف المهم ما حتسمع تاني!!!
وفاطمه دي تبطل شماته ياخ م ممكن !
عم خالد : تعييييدو بس..دي م نتايج مشرفه..!" وماف فار فيكم حيقرا خاص فاهمين !
سكتنا ساااي
حمممر لينا كدااا وطلع..انا قلت في نفسي حمر لي بطاطس معاك **عارف نفسي لئيم **
💡💡💡
ابوي شاكلني شكله ف التلفون !!! لمن صماغ اضاني بقي سائل
وكمان اكتشفته انو شلتي الصايعين كولهم رسوب..رسلو لي تفاصيلي واتسابيآ لقيت انو انا جايب ف الرياضيات 28 من 100 وما تشوفو شر والعاوز يشمت يشمت اي اشمتي ي **فاطمه..خصوصي انو انا زاتي ضحكته ف روحي
..
المهم..ابوي قال الا اعيد ف السودان..وطبعآ انا اتكيفت شديد لانو الموضوع في صالحي
نزلنا المدارس ...مع انو مفترض ننزل بعد العيد بس بنك ثواب منذر (خالد) بقي لينا شوكة حوت...ونزلنا في مدرسة الحنين الثانويه ❤ الفرع الآخر لمدارس الحنين الخيريه ** المتذكر رواية حنين حيفهم الجزئيه دي...وع فكرة ..حنين و وليد(جوكر) بسلمو عليكم **
احلي شي انو رباب و نور بقرو في مدرسة الحنين بنات...ومدرستهم قصاد مدرستنا..يعني جارتي ف المدرسة ..وجارتي في الحي
وي سلام عليك ي اناا
#صلو_علي_محمد
#To_be_Continued
Dirceted by:
#fulla_Ali
