#22محبوبتي_نور❤
بقلم :
#fulla_Ali
ونحن في نص الونسة كنت بتعمد اغيظ نور بي اهتمام البنات بي
وفعلآ...انا كنت عريس لقطه...طبيب. مستقر ف اسبانيا..دخلي ممتاز وعندي عربية...+؛ وسييييييم و وجييييه وحلاتي
يعني انا فارس احلام اي بت
نورو تلفوننها ضرب..من البدايه كانت بتتكلم بي برود فجآة قالت : شنو !!! !! انت جادي !!!
طيب اديني اتكلم معاها !!
سكتت مسافه وقالت : لكن هي نايمه ي وليد ..
تاني سكتت وقالت : طيب مسافة الطريق
قفلت الخط وكانت مبسوطه رباب قالت ليها : في شنو ي نورو ؟؟؟؟
نور : رششا صحت ي رباب "!!!! رشا صحت !
رباب : الحمد لله والشكر لله..و فرح وين !!
نور : مع ابوي نايمه...حأمشي اجيبها ونمش المستشفي
هنا رباب قالت ليها لحظة..الساعه 10:34م حتمشي براك "!!!!
نور : انا حأتصرف ..لانو وليد م حيقدر يجيني
رباب عاينت لي وقالت : خلاص ي محمد شيل عربية منذر و وصلها مستشفي....
قلت ليها جدآ..م عندي مشكله
نور : طيب المسافه دي امش اجيب فرح
طبعآ دا كلو وانا م فاهم حنان قلبي
💡💡💡💡
كنت منتظرها في العربية جمب خشم بابهم..لانو جمب البيت في زحمه وصيوان وانسو بس
جات ركبت وفرح كانت شبه نايمه..
اتحركنا وكان في صمت رهيييييب ..كنت مشغل ازاعة 24 ومونسانا
قالت لي ** ودي المرة الدخشميه هي تبادر بالكلام بعد صمت بيناتنا ***
: اسبانيا كيف ؟؟
قلت ليها بسرعه وبي لهفه لغاية هي لاحظت : كويسه..فتحت لي عياده حقت اسنان
ابتسمت كأنها مبسوطة من اندفاعي للكلام..لانها حست انها رفعت عني حرج كبير
بعد شويه قلت ليها : حرام عليك البت شكلها كانت نايمه..كان تخليها بكرة( عاد الشارع فتح )
هنا قالت لي الكارثه
💡💡💡💡
في مكان تاني رباب كانت قاعده في غرفتها
كانت ماسكه ورقه مطبقه بيضاء..قالت : سامحوني..بس وحياتكم اصلح غلطي ...امها جاتها ومعاها خالتها سحر ..دست الورقه طوالي..
امها قالت ليها : اها ..عساك مبسوطة ي بتي
رباب : الحمد لله..وانا مهما لفيت م حألقي زي طارق ي امي
سوسن : اي والله..نسابتك يسدو عين الشمس انتي بس اتعاملي معاهم كويس عشان تكسبيهم
رباب : ان شاء الله
سحر : اتمنيتك لي محمد ولدي..بس ولدي عميان وحياتك
رباب ضحكت وقالت ليها : ي خالتو كل شي قسمة ونصيب..انا قسمتي مع طارق..وهو قسمتو اكيد مع واحده تانيه
سوسن : طيب انا طالعه اشوف المعازيم..وسحر عاوزه توصيك كم وصيه كده
طبعآ انتو عارفين الوصايه دي ؟؟ اي بت لمن تتزوج بوصوها الوصايه دي..بقولو انهم الوصايه العشرة والله اعلم
سحر جات قعدت جمب رباب وقالت ليها : شوفي ي بتي
*** نسيب رباب وخالتها واي واحده فيكم حيوصوها الوصاية دي م تستعجلو ..وفاطمه بطلي شتايم هههعع ..**
💡💡💡
نور : بس امها قالت عاوزه تشوفها
قلت ليها شنو !!!!؟
قبل م ترد تلفونها ضرب : اي ي وليد قربنا ...سكتت مسافه وقالت : .طيب تمام
وفعلآ نحن وصلنا...كنت عاوز اسألها كيف ام فرح عاوزه تشوفها!!! وهي طيب تكون شنو لو ما ام فرح !!! بس لاحظتة انها مستعجله...قلت اسألها بعدين
وصلنا ودخلنا المستشفي ...وليد استقبلنا وشال منها البت وجري
لغاية وصلنا غرفة فتحناها وكان في مرة كبارية كده قاعدة تسبح
وفي واحده راقده ف السرير ومنهكه...فتحت عيونها #ببطء ونزلو دموعها..
قالت بصعوبة : فرح بتي !
وليد جابها ليها والبت كانت نعسانه خالص
نور قومتها عشان تقدر تسلم ليها...باستها وكانت بتبكي ..: اشتقت ليك ي بتي ي نور عيوني
نور و وليد كانو بببكو..طبعآ اخوكم مسطح زيكم كده
عشان كده طلعته مشيت الكافتيريا..شلته علبة حلاوة و موية
وقت جيت لقيت حالتهم استقرت..وكانو بتونسو وبضحكو
نور عرفتهم بي وانا حمدلت ليهم السلامه..وليد قال لي : عليك الله ي اخ محمد..سوقهم البيت وبكرة يجو يشوفها تاني
نور قالت الا تبيت معاهم بس اصرو عليها تمش..وياهو طلعنا
ونحن ف العربيه قالت لي شكلك م فاهم حاجه...دي صحبتي ورفيقة دربي : رشا..اتلاقينا ف الجامعه ..هي كانت شهاده عربية من لبنان..
لكن سودانيه طبعآ...درسنا صيدله الخرطوم ومعانا وليد زوجها
*امسكو دي صدمه رقم 1
بعد اتخرجنا فتحنا لينا صيدليه نحن التلاته..و وليد و رشا اتزوجو ..وبعد سنه كده جابو فرح
*امسكو صدمه رقم 2
قبل شهر كده عملو حادث هم التلاته..واكتر زول اضرر رشا..ودخلت في غيبوبة...فترة ابوها ف المستشفي البت كانت معاي...وزي م شايف ام وليد م بتقدر ترعاها واهل رشا م عارفه مالهم ما جو بالرغم من اني كلمتهم..بس اظن انهم ماخدين موقف لانها عارضت رغبتهم واتزوجت وليد بدون رضاهم ..المهم ..
البت اتعايشت معاي لانو من وقت هي عمرها شهور كانت معاي لانو بنقييل ف الصيدليه..
وطوالي بتناديني امي..واسي الحمد لله امها اتعافت
*صدمه رقم3
قلت ليها موش انتي اتزوجتي منصور ؟؟؟؟
قالت لي : منصور ؟؟؟؟
انت ما قريت رسالتي ي محمد !!!
وقفته العربيه وقلت ليها بغضب : قريييتها...و محتفظ بيها للآن...طلعته تلفوني وفتحته الجراب من ورا..طلعته الرساله ومديتها ليها : هاك...شوفي انا محتفظ بالرساله لي اسي
شالتها فتحتها و بعد مسسسافه قالت : بسس دي م رسالتي ! ولا دا خطي !!! ودا م المضمون الأنا كتبتو !!!!
وعاينت لي وعيونها كلهم دموع : صدقني الرساله دي انا م كتبتها !!!
قلت ليها : عارف
#صلو_علي_محمد
هووي انتو...احسن شخصيتي وانا كبير ولة وقت صغير ...؟؟ وشكرآ
dircted by :
fulla Ali
