حبيبي أصبح زوجي 💏👰

أيام الثانوية 6

 
                             😍العام الثاني .

ميلو : جوزنا عام هايل مع بعض💑 مرة قط و فار🐭🐹 و مرة روميو و جوليت ❤ كنت كل مرة نشوف فيه حاجة تزيد تعلقني بيه 😍  les vacances كانو bien  من جيهة تحواس😄 و مش ملاح 😢psq انا و حبي💑 مانتلاقوش دايما كيما كنا و هذا شي خلاني  نتوحشو بزاااف لدرجة وليت نبكي 😭ليل نهار  ، عداو 4 شهر عليا حق 4 سنين  .

عبد الرحيم : عديت عام مع حبي انتيك💑  ، كنا كيما كامل  ❤les couplés خطرة متفاهمين خطرة متزاعفين ، رحت بحرت حوست 444😄 بصح كانت نقستني ميلو توحشتها  grv😯 ,  كل ما نحكي معها تعجبني و نزيد نحبها❤ عرفت بزاااف بنات mais  ميلو وحدها 😍 كي نسمع صوتها منفيقش لروحي حتان نفشل نذوب كي تبدأ تضحك و تحكي وتتبهلل ، نحب نخبيها باه ما يشوفها حتى واحد و يحبها كنت نغير بزااف بصح ما نبينلهاش عكسها هي كون تشوف وحدة معيا 👶تقتلها نورمال😠 مهبولتي هي طفلة لولة لي داتلي قلبي

ميلو : نضت نعيط 😀و اخيراااا وااااي😄 ليوم نوليو نقراو ونشوف عمري😍 ، جات ماما  :سماالله خير يا بنتي ؟وش بيك؟ بلاك خرطك جن 😨بستها😚 و قتلها يا ماموشكا راني متوحشة😘😘😘 بزااف عباد وليوم نتلقا بيهم خزرت فيا و قالت: ربي يعطيك لعقل كشما تكبري شوي 😯، فطرت و ضربت الحطة ❤ رحت ميتة بسعادة  😍 دخلت لكلاسة كنا كامل تاع عام لي تعدا تسما نعرفو بعضانا قعدت فطابلة لولة عدينا 2 وعبد الرحيم لا جا سمطتلي وفجأة يتحل لباب و يدخل خنفوسي🐞ضارب الحطة زاد طوال حلوف و زيان دمعت عيني و زيرت على يد  زهرة بلا ما فقت  قعدت تواسي فيا وانا عينيا راهم عندو قريب نوكلو  فرحت بزاااف كي شفت والله رتحت

عبد الرحيم :  نضت صليت فجر في جامع و فرحة غامرتني😄 oui ليوم راح نتلقا بحب حياتي ميلو لغالية 😍صليت و روحت رقدت شوي جات لميمة❤ نوضتني ، لبست قشي 😎فطرت ورحت دخلت نسجل psq ما سجلتش في اوت  غير كملت طلعت نجري للكلاسة وصلت قدام باب ههه بديت شهيق زفير حل لباب غير دخلت جات عيني👀 في عينين ميلو👀 كانت تهبل❤ والله تلفتلي عقلي من راسي ❤ كي وقفت باه ترمي نضت نضحك😄 مزالها بينازة و كلبونة خدمت la taille عديت نهار هذاك كامل و انا نكحل عليها 😍

ميلو : بدينا لقراية ، انا و عبد الرحيم نتصرفو كلي des amis بصح حنا رانا 💑en couplé والله كنا فور بينتنا نتحابو و نتمعشقو ❤و قدام ناس  نورمال مي حبنا💑 و نظراتنا 👀كانو بااينين  وهذا شيء ولد مشاكل💔 ولاو بنات يجو او مع وحدة أخرى انفخي روحك أعطي روحك كرامة psq كنت بنية والله ما يهمني حاجة ياك نحبو بعضانا تسما انا و هو 1  مع وقت عادت هدرتهم تأثر فيا وبديت نامنهم وندير على هدرتهم و تبدلت عليه نعيط نقلبلو هدرة تتخنزر فيه حتان وحد.نهار جاني في fb قالي : تبدلتي عليا مقعدتيش تحبني وحابة تفورقيها و تحبي واحد آخر  ، غير قريت msg قلبي تقطع يا ميلو وش درتي يلعن نهار لي درتي فيه شي هذا كامل اه هذا انت لي كنتي متحمليش كي يتقاس وليتي تقيسي فيه انتي كنت نهدر مع روحي و دموعي جراية 😭
طلبت منو سماح على شي لي درتو تسامحنا و تراضينا كلي ما صرا و وعدتو بلي جامي نزيد مغلط كيما هاذ الغلطة و ما نزيد نسمع لحتا *****  و الحمد الله وليت b1  معاه كيما كنت معاه من قبلhmd

عبد الرحيم : بدأ التعب تاع قراية بصح لازم هي سلاحنا كنت b1 انا و بينازتي مواسين بعضانا متهليا فيا و انا كيفكيف من بعد شفت وحد بنات بداو يلعبولها بعقلها فلول مدرتش كامل عليهم من بعد قاسولها نقطة ضعف تاعها لي هيا انا سمعتها خطرة قاالها وحدة لا راكي حباتو يحبك خزي روحك عليه و ما تهتميش... ميلو تبدلت وشي هذا أثر عليا و قاسني بزااف مع اني ما كنتش نبين بصح والله طيحلي دمعة قلت ميلو صاي كرهتني و حبت غيري رحت ليها قتلها و عاتبتها على كلش ولات تطلب فسماح و والله حسيت بدموعها و ندامة و شفت بلي من داخل مزالها ميلو تراضينا و هي وعدتني بلي ما تزيدش تسمع و كيما كان حال وفات بوعدها الحمد الله 

ميلو : قوات علاقتي بحبي عدت دايما نشوف اهتيماو وغيرتو وخوفو عليا عاد دايما يقولي ما تهدريش مع *** و ما تلبسيش عريان و متهديش مع ذكورة و التاي بقرايتك و ما تخرجيش وحدك ... فلول كنت نحسو ضغط من بعد عرفت بلي هذا هو الحب تاع صح و بلي كل حاجة قلهالي كانت فصلاحي و كان عندو الحق ليها وليت نمشي على كلامو و عينيا مغمضين ولات عندي غير زهرة صحبتي و كرام لي:( تقربا من بعضانا ولينا نروحو كيفكيف نهدرو من ذاك عرفت بلي صحبتها لانتيم غدرتها و هدرت فيها .. تقربت منها عجبتني عقليتها وسترحتلها حلوفة مي كانت انتيك و مهبلتني )

عبد الرحيم :
بعد مشكل هذاك ميلو عادت انتيك على قبل وانا خفت بنات حرام يفسدهالي و يرجعوها كيما هوما طليت منها ما تزيدش دور بيهم و تلتى بقرايتها و تستر لبستها و ما تهدرش مع ذكورة psq كي نشوف عبد غيري يكحل عليها تقول ندفو المهم كات هدرتي كامل ديرها و طبقها ليكيدات لبنات عليها خلات غير ختي 👧زهرة و شفت بلي هي و إكرام تقربو من بعضاهم عجبني  حال باسك إكرام عاقلة و متربية ما نخافش على حبي ميلو معاها

إكرام :   تقربت كن ميلو ولينا نروحو كيفكيف نهدرو نتبهلو بشوي ولينا نحكيو لبعضانا و تعرفنا كثر ميلو كانت عكسي فتخمام و مهبولة 😁